آلگآتبهہ"" بنت مـهہدي🫀
شفت كومه علي وازداد همي
اكلب بالعبي ومابيهن امي
لا مشيتها لا ذبت رجلها
صوت بتوتها التسمع دولها
من تمشي العطر يمشي وراها
ومن تلبس عبا محلى عباها
وانا تمنيت هاي الليله يمي
اكلب بالعبي ومابيهن امي
متابعه لحسابي + تصويت
وال ڪومنت بين الفقرات 🤍
🦋.______________. 🦋
كعدت على صوت امي وهي تصلي عجيب اول مره تصلي بصوت عالي هيج بس جان حنون كلش جان بخاطري ابقى بس اسمع الها
دفعت الغطا وكمت توضيت ورحت اصلي بالاستقبال كملت وشميت ريحة الجاي والبيت بي ريحة بخور خفيفه احس راسي رخه
رحت يمها بالمطبخ وتريكت كمت بدلت حتى اطلع اشتغل وطلع البس حذائي شفتها واكفه تباوعلي
دحام:- ها امي تردين شي
هزت راسها نافيه غسلت ادي ووجهي وردت اطلع رجعت عليها بوستها حيل ما نطقت حرف
طلعت اشتغل وهل مره بقانون لازم بكل مره اطلع الصبح امر على محل عمي حتى يشوفني كدامه رحت شغل للضهر حسيت بتعب كعدت اغسل وجهي واباوع للحديد الي جمعته
صار شكد اشتغل بيه؟ من صارت دراسه صرت احسه كلش ثكيل هل شغل شي بداخلي يريدني اتمسك بالدراسه واترك هل مكان
كمت بعت الي حصلته ورجعت للبيت من مريت على محل اشتريت نساتل لامي
راجع متونس اصبر روحي بكلمه ما بقى شي
دخلت بالدربونه مالتنه اتصل تلفوني
:- الو؟
قاسم :- عبالك ما اندمك على السويته برسول؟ ما تدري شلون ننتقم بس خلصت راح تبقى حاير بهل هم هذا اخر شي عندي وياك عندي هواي امور اهم منك
:- شدتحجي لك اكل تبن وكفيني شركم لا واصل الك ولا لاخوك
قاسم :- اوصل لبيتكم وسلمني على امك اذا بعد عندك رجلين يوصلنك لشي
انسد الاتصال وعيني راحت لباب بيتنه مفتوح
شمرت التلفون ما ادري وين وركضت للبيت
ايدي ما بيهن يدفعن الباب ما عندي حتى طاقه انصدم
دخلت وردت صوتي يطلع واصيح يما ما طلع ما ضل صوت يطلع مني
عتبت الباب بيهة دم
غواش صار على عيوني وانتجيت على الحايط احساس الحايط يمشي واني الي واكف ردت بس اوصل ما كدرت صعبت علي الخطوه
بس دفعت باب المطبخ شمرت نفسي عليها مشموره بالارض
الدم مشة مسافه بعيدة عنها
YOU ARE READING
أسير الخطايا قـضية محو الذنـوب
Mystery / Thriller"أسير الخطايا" تدور حول شخصية رئيسية وجد نفسه محاصر بين الخيارات الصعبة والقرارات الخاطئة التي أدت به إلى الوقوع في دوامة الخطايا و تتصارع مع ندمها وألمها بسبب الأخطاء التي ارتكبتها في الماضي وتسعى جاهدة للخروج من هذا الوضع المأساوي يمكن أن يكون لد...
