َ
الكاتبــهہ""بنت مـهہدي🫀- أَغَني بِـ " تايبين " وما تبِت مِنك .
تابعه لحسابي + لاتنسون التصويت للبارت
والـ كومنت بين الفقرات 🤍🦋.______________. 🦋
اول مره اشوف عيون اطفال عند كبار
ممكن بكلشي الانسان يخفي بس النظرات عمرها ما خفت الي بداخل الانسان دائما تكون فاضحه داخله ان كان سيء او جيد
جانت عيونها بريئه لدرجه شفت روحي وانعكاسي بيهن حبيت نفسي بعينها
صـارت الي مرايه لروحي ما عكست وجهي عكست البداخلي شفت مشاعري بنظراتها الطفوليه
صرت اكمل شغلي بكل حماس حتى بين فتره وفتره اروح لبيت ضياء واطبق نفس الخطه بكل مره
عبد العباس:- دحام
التفت علي
دحام:- مثل كل مره مو؟
هزيت راسي وامه بباب المطبخ تباوعلنه ما عاجبها
ركض دحام لبيت ابوصلاح
شوي واجه
دحام:- عمي كتلها امي تريدج ضروري واجيت شوي وتجي
هزيت راسي وهو دخل جوا
ورة شوي سمعت الباب يدك مافتحت وكفت وراه اجت ام دحام فتحته شفتها تخزرها وتاشر بعيونها على الباب تريد تنبهه
بس هيَ ابد مافهمت
لحد مادخلت سديت الباب هي فزت من شافتني
عبد العباس:- يلا طبو جوا
دخلن كدامي وهيَ تمشي يسرى ويمنه من تشوفني ماتعرف حتى تمشي عدل
دخلت وكعدت يم ام دحام كل شوي يتبس بسن
حجيت بتصنع العصبيه
عبد العباس:- بدون تبس بس
جفلن وكل وحده تباوع للثانيه ومعصومه على ساعه تبجي
شوي وكامت ام دحام يم ابنها
كمت وكفت من الخوف كامت وياي
عبد العباس:- وين رايحه؟
حجت بخوف
معصومه:- هاا
عبد العباس:- وين رايحه؟
عيونهه تجمع بيهن الدمع وصار بيهن لمعه ماكدرت اشيل نظري عنهن
معصومه:- اريد اروح لاهلي هسـه يخافون عليه وماكتلهم راح ابقى
عبد العباس:- اذا خافو عليج يجون يسألون كعدي
كعدت قبلها بصفها وهي ضلت واكفه
YOU ARE READING
أسير الخطايا قـضية محو الذنـوب
Mystery / Thriller"أسير الخطايا" تدور حول شخصية رئيسية وجد نفسه محاصر بين الخيارات الصعبة والقرارات الخاطئة التي أدت به إلى الوقوع في دوامة الخطايا و تتصارع مع ندمها وألمها بسبب الأخطاء التي ارتكبتها في الماضي وتسعى جاهدة للخروج من هذا الوضع المأساوي يمكن أن يكون لد...