أسير الخطايا قـضية محو الذنـوب

part 39 ♡🖇

آلگآتبهہ‏‏"" بنت مـهہ‏‏دي🫀

اصير كبالهم واسكت ولا يحجون
شنو هاي المصيبه الحاطها براسي
ثم يناديني جموع الناس يا ثملاً !!
وما بصرو نزول الخمر في كاسي
تاليها وعرفت الزين للموزين
وكلمن كلبه طيب يوكع بقاسي
مرت علي من الايام اصعبها
بها ندمي وخذلاني ووسواسي

متابعه لحسابي + تصويت

وال ڪومنت بين الفقرات 🤍

🦋.______________. 🦋

رجعت بس كلشي مختلف رجعت واني كاره كلشي بالحياه رجعت واني بداخلي انكسار امي حملت حملت نفسي مسؤوليته اني جنت سبب بكلشي صار جنت سبب بأذاها وخسارة ما بقى بعمرها جنت السبب بسحب روحي من جسمي جنت اني سبب دفن الهوى تحت التراب

عمي ما قبل اشتغل بعد بسبب حالتي  بعت البيت وكعدت فترة وفاة اني اني منعزل من كل الناس سكنت عد عمي اشهر واني ما اطلع من الباب مجان يدخل علي بس عمي لفترات قليله احجي وياه جان بكل مره يكلي انت مو سبب بشي وما جنت اتقبل كلامه

محمد بكل مره يزورني يجيب الي كتب ويكعد يحفضني ويدرسني الي ما افهمه ومن جان يجيب كتب فلسفه وغيرها جنت ارفض لان ماريد اشغل نفسي عن الدراسه جان بكل مره يكعد يمي يحسسني اني اخوه لحد ما صرت متعلق بي حيل وهو ما تركني نجحت من السادس ابتدائي خارجي وكانت درجاتي كلش قوية وبلشت ادرس الثالث

وعمي اقترح علي اكمل دراسة لان اذا بقيت هيج اطلع معدل كلش عالي بالسادس اعدادي بس رفضت مدام كلت لامي خلص مثل ما رادتني اصير وبعدها
بلشت اشتغل عند صديق عمي شغل بسيط ودخل بسيط بس اصلا ما جنت اصرف جنت بكل مره اجيب بيها لبيت عمي همه رافضين بس ما جنت اسمع كلامهم

السنة صارت 2011

عمري صار يتجاوز ال20 سنه وما بقى شي لامتحانات الثالث الوزاريه جنت حتى بالشغل اخذ ملخص هناك احفضه
رجعت للبيت بيوم ورجال بالشارع وكفني

:- اكلك عمي

ما جاوبته بس باوعت عليه
:- اكو هنا محل مال خياطة ما تندله رحمه على اهلك

اشرت اله على المحل ردت الكلام يطلع مني ما كدرت احس ما متعود احجي وي اهلي جنت معتزل بشكل نهائي وفاصل عن الناس بس هو من اشرت اله تشكر مني وراح يمشي باتجاها صاير ما اتقبل اجاوب  بس محمد وعمي وحسين

كاعد ادرس ودخل حسين وقرب صينيه الاكل يمي مثل كل مره وطلع وكملت بايام امتحاناتي كل يوم الصبح يكعد يباوع وياي بالكتب مرات يجيب كتبة ويكعد يمي واني ادري يدرس قريب مني