آلگآتبهہ"" بنت مـهہدي🫀
ادفع بالبلم مادري بي غركان
والمردي انكسر والروجه خانكته
بديره مناجل سنبلة انحطيت
حسدوني وخضار الطيش ما شفته
وصدكت الرمل بي تكشخ الصحراء
مادري الإبل كل حول ساحكته
صبرت على الجرح حد ما خذاني الشيب
تحملت السنين وضكت ما ضكته
الحنظل والعسل والزين والموزين
كلهن جربتهن وانتَ ذاك انتَ
متابعه لحسابي + تصويت
وال ڪومنت بين الفقرات 🤍
🦋.______________. 🦋
دحام:- دائما يربطون البجي بالضعف ويربطون الضعف بالمرأة
:- يعني الزلم ما تبجي
دحام:- شعندك هنا هيج وقت؟
باوع للجامع وكال
:- جنت انضف كل يومين اجي مره بليل انضف وارجع لبيتنه
هزيت راسي وصرت اباوع للجامع وكف كدامي وراح بدون لا يحجي شي خليت راسي على الارض ونمت فزيت الفجر على صوت القران وكعدت اسمع اجه الشيخ كعد بصفي
الشيخ:- ها اليوم يمنه؟
دحام:- اي والله
الشيخ:- اكيد شي ضوجك واجيت
:- صح
الشيخ:- شنو همك؟
باوعت عليه ودنكت اباوع الارضية واتلمسها
:- اليوم جان عرسي
اندفع لكدام وباوعلي مستغرب
الشيخ:- عجيب امرك
ضحكت وضحك وياي لحد ما سكتت باوعت عليه انصدم فكر شوي وكال
الشيخ:- كلامك صحيح؟
هزيت راسي بمعنى اي
ضم السبحه بين ايدي وصار
يمسح بيها بايدي
الشيخ:- عجيب عجيب
بقيت كاعد احجي وياه كل شوي يجي بباله سؤال عن زواجي واغير الموضوع ما ضل الي نفس بي لحد الصبح ترخصت ورحت للبيت كبل اول ما دخلت لكيت امي وعذراء كاعدات بالمطبخ ما شافني وكفن
توجه نظري لعذراء بس امي تحجي وياي
دحام:- لمي اغراضج ارجعج للبيت يلا
ردت وجهي وطلعت للحديقه واني اسمعها تحاجي امي وهي ترد عليها طلعت امي صحت بيها انو تدخل وتخليها تجمع اغراضها وتطلع ارجعها لبيتهم
دخلت امي للبيت دقايق وطلعت عذراء كعدت يمي وكل شوي تسحب ايدي تريد تلزمها
عذراء:- فدوة بقيني عندك لا تعوفني انتَ كلت ما اعوفج
:- ساعه السودة الي كلتها بي حتى ندمتيني على كلمتي
عذراء:- لا تعوفني فدوة لا ترجعني
YOU ARE READING
أسير الخطايا قـضية محو الذنـوب
Mystery / Thriller"أسير الخطايا" تدور حول شخصية رئيسية وجد نفسه محاصر بين الخيارات الصعبة والقرارات الخاطئة التي أدت به إلى الوقوع في دوامة الخطايا و تتصارع مع ندمها وألمها بسبب الأخطاء التي ارتكبتها في الماضي وتسعى جاهدة للخروج من هذا الوضع المأساوي يمكن أن يكون لد...
