آلگآتبهہ"" بنت مـهہدي🫀
من ارجع من الحرب
وتنام يمي تجي
وتگلي كافي غزل
نحچي اليلچمَّنة
حبيت اگلك ترة ،
على صوابي نايم چنت
بس من كثر لهفتي
ماگلك ادنة !
الكاتلني مو فرگتك
والله مو فرگتك
بس خاف من تعتذر ،
واقبل ونرجع سوة
"مو مثل ما چنة"
متابعه لحسابي + تصويت
وال ڪومنت بين الفقرات 🤍
🦋.______________. 🦋
حسيت بنفسي بعد ما كلتها اختنكت
من شافت وضعي هيج صارت تسال
:- بيك شي؟
اشرت بايدي الها حتى تهدء
كعدت كدامها لازم صدري تركتني وراحت ثواني ورجعت بيدها ماي وصبت على ادي حسيت بنفسي صحيت اخذت الماي وشربت
:- اسفه والله ما اعرف الموضوع هلكد يأثر بيك
هزرت براسي متفهم ما بيه احجي احس كل ذاكرتي وتفكيري صار باجمل لحظات عشتهم وي امي من سحبت الماي من ايدي انتبهت ايدي شكد ترجف
رواني:- تعال نطلع لا تبقى هيج
وكفت على حيلي وصلنا مشي مسافه يلا هديت وبلش اتنفس طبيعي وصارت هي تسولف عن حياتها حتى ما اذكر اني حياتي
دحام:- اني ما افتهمت عمتج من اجت ليش هيج تعاملج جنتي طفل
:- ولحد هل يوم
باوعت الها ما اعرف شنو احجي
دحام:- وين اهلج؟
:- منفصلين ابوي مسافر وامي متزوجه
دحام:- تمام اذا متزوجه ليش ما تاخذج ليش باقية عند عمتج؟
:- بالاصح باقية ببيت جدي من بدت مشاكل اهلي تزيد وانفصلو هذا كله اني عايشه بيت جدي بعدها والدي سافر للشغل وامي تزوجت بعد موت الجده صرت برحمة عمتي
حجيت بضحك
:- برحمة الي ما عنده رحمة
بس ما ضحكت بس كالت
:- هاي حياتنا لازم نتقبلها
باوعت بوجه :- مسويه الج شي؟
ارتبكت وكالت :- ها لا لا ما مسويه شتسوي قابل
صعدت السيارة وكلت الهة تصعد اوصلها لبيتهم الطريق تحجي عن اهلها لو ما تندل الطريق جان فريت بغداد كلها حتى تكمل سوالفها كلهم
وصلتها كدام الباب قبل لا تنزل حجيت باوعت الي
:- روانه؟
رواني :- اسمي رواني مو روانه
تجاهلت الموضوع الي تحجي بي وكلت
:- انتِ مخطوبة صح؟
رواني:- لا منو كلك؟
YOU ARE READING
أسير الخطايا قـضية محو الذنـوب
Mystery / Thriller"أسير الخطايا" تدور حول شخصية رئيسية وجد نفسه محاصر بين الخيارات الصعبة والقرارات الخاطئة التي أدت به إلى الوقوع في دوامة الخطايا و تتصارع مع ندمها وألمها بسبب الأخطاء التي ارتكبتها في الماضي وتسعى جاهدة للخروج من هذا الوضع المأساوي يمكن أن يكون لد...
