أسير الخطايا قـضية محو الذنـوب

part 17 ♡🖇

آلگآتبهہ‌‏"" بنت مـهہ‌‏دي🫀

مرات ياخذنه الضعف .. بس نبقى نحجي بقوة

متابعه لحسابي + تصويت

وال ڪومنت بين الفقرات 🤍

🦋._________________. 🦋

ضليت مصدمه لحد ما شفته اجه ما سكتت كمت على حيلي وهلهلت الخبر دخل لكلبي

صدمتي جانت بعباس الي سوه كل هذا حتى ياخذها حارب قاسم بنظرات وغضب داخلي وصراع نفسي بس لان تقدم الها وصار يتردد الها

..
الحب الصادق يكتمل والي يريد بشر ويطمح اله
لو يصير بغير مجره يجيبه وبهل وقت مو صعبه الزواج ولا توكف الضروف بوجه احد هاي الظروف الي تنحجي وتنگال مجرد اعذار تقنع بيها المقابل بس الاختيار الصح والبشر الي يتعمق ويعرف الطرف الثاني مراح يكدر لا يخونه ولا يتركه  ولا يجذب ولا يضحك عليه
(المــايقدرك ميثمنك)

ابسط مثال

عندي بذره  واعرفها من راح تنمو شراح يكون عطرها ولونها وجمالها راح اهتم بيها ومن اشوف جمالها واتمعن بتفاصيل شذاها مراح اكدر اهملها

بينما اذا خليت ببالي انو هيَ مجرد بذره راح اكون غلطانه.. 

فــ الحب النقي والمتبادل دائماً يعبر الواقع والخيال
بالرغم العوائق والظروف ✦

اول مره بحياتي انام وانفاسي منتظمه والضحكه شاكه حلكي احس بنفسي فزت بجائزه

وقيمتها جبيرة حيل تفكيري كله بيها صرت اخليها بعقلي بدون لا اشتت افكاري لو استغفر جنت ماافكر بيها لان مو حقي صارت هسه حقي وحلالي وملكي وحدي اجت ببالي مريم وشكد جنت احبها شكد ما يمر عمر مراح انساها ولا تقل زياراتي الها

كعدت الصبح كمت على حيلي بنشاط ورحت غسلت واني اباوع بالبيت يراد ارتب بي كم حاجه للعرس

صرت افتر واباوع وصفنت بنقطه ومن الهدوء لو يمر تيار هوى بالبيت اسمعه

البيت فارغ صار فتره من اكون وحدي مايطلع ابد صوت بس من يجي دحام يصير اكو صوت وهو ميحجي هواي على كد السؤال وأخيراً راح يجي يعيش بشر وياي

ليش لازم اخذها بالعرس من اعقد اخذها وخلص شنو هل عادات؟

رحت للشغل وكلت من بعده اروح لبيتها اشوفها امس من كثر الناس حتى ماشفتها طلعت وياهم

ارتب بالبضاعه الجايه جديده والتفت على صوت سلاح

قاسم:- والله اليوم اطشر راسك