UNDERGROUND SERIES 1: Chained to the Mafia King [COMPLETED]

Chapter 3

MAFEL

   TATAY ng mga Anak ko?

Hanggang ngayon ay hindi pa rin mawala sa isip ko ang katagang binanggit niya sa'kin.

"Mia.." Napalingon si Mia sa'kin na naglilinis ng kuwarto ko.

"Po?"

"May sinabi sa'kin si Isaiah kagabi," tila naging interesado ito sa sasabihin ko. "Sabi ko, gusto ko siyang maging friend kaso ayaw niya. Tapos tinanong ko kung Tatay na lang, tapos sabi niya, 'Tatay ng mga Anak mo, pwede pa. Anong connect nun?"

Natawa ito. "Miss, ang ibig sabihin ni Sir Isaiah. Gusto ka niyang maging asawa, para siya ang magiging Tatay ng mga Anak mo."

Pakiramdam ko namula ang pisngi ko dahil sa sinabi niya.

Gusto niya akong maging asawa?

Ibig sabihin, kaya ayaw niya akong maging kaibigan kasi gusto niya akong maging asawa.

"Kung ganoon ay gusto niya ako?" Tumango ito.

"Opo, halata naman sa mga tingin sa'yo ni Sir Isaiah," sagot nito. "At isa pa, kung hindi ka po niya gusto, hindi niya pagpapalitin ang kuwarto niyo."

"Anong ibig mo sabihin?"

"Kuwarto niya po itong tinutuluyan niyo...Kuwarto ito ipinagawa ng mga magulang niya para sa kaniya, sobrang importante po ng kuwarto na ito at ako lang ang nakakapasok para maglinis. Nagulat nga po ako na rito ka niya pina-kuwarto." Ngumiti ito. "Siguradong sobrang importante mo po kay Sir Isaiah."

Napatango ako.

"Sandali lang po, Miss, magluluto pa po pala ako." Dinampot nito ang mga panlinis niya. "Mamaya na lang po."

"Salamat, Mia.."

Tumango lang ito at lumabas ng kuwarto. Inilibot ko naman ang paningin ko sa kuwarto ni Isaiah.

Importante sa kaniya ang silid na ito. Sasabihin kong magpalit na lang kami, baka kasi nalulungkot siya tuwing nasa ibang kuwarto siya.

Napagpasiyahan kong tumayo, gusto kong pumunta sa garden at magdilig ng halaman. Iyon nag paborito kong gawain–paborito naming gawain ni Mama noong nabubuhay pa ito.

Nang makalabas ako ay agad kong kinuha yung hose. Pinihit ko yung gripo at bumulwak yung tubig sa'kin. Natawa ako at nahilamos ang mukha ko.

Sinimulan ko nang diligan ang mga halaman, basang basa na ang ibang parte ng damit ko pero isinawalang bahala kona lang.

"What are you doing?" Gulat akong napalingon sa likuran ko nang may magsalita. "You're wet.."

"Nabasa ko nung binuksan ko yung gripo," sagot ko. "Akala ko hindi ka makakauwi ngayon?"

"I'm done with my work," tugon nito.

Napakagat ako sa ibabang labi ko nang maalala ang usapan namin ni Mia. Gusto niya ako, yun ang sabi ni Mia.

"Why are you blushing?" tanong nito. "Kinikilig kaba?"

"Hindi ah! Assuming mo!" mabilis kong tanggi.

Tumaas ang isang sulok ng labi nito at dahan dahang lumapit sa'kin. Bago pa siya tuluyang makalapit sa'kin ay agad kong tinapat ang hose sa kaniya, dahilan para mabasa siya at mapaatras.

"Hala, sorry!" Binaba ko yung hose.

Napahilamos naman ito ng mukha niya. Napaawang ang aking bibig nang hubarin nito ang itim na suit niya. Bakat na bakat ang matikas niyang katawan sa basang basang white polo na suot niya.