UNDERGROUND SERIES 1: Chained to the Mafia King [COMPLETED]

Chapter 17

MAFEL

   MASAMA ang pakiramdam ko nang magising ako. Masakit ang puson ko, nahihilo rin ako at parang nagsusuka. First time kong maranasan ito habang may period ako.

Hindi kona makayanan ang sakit kaya kinalabit kona si Isaiah na tulog. Agad naman itong nagmulat ng mata at alalang tumingin sa'kin.

"What happened?" alalang tanong nito.

"Masakit ang puson ko," kagat labing sagot ko. "Isaiah, ang sama ng pakiramdam ko. Hindi kona kaya."

Taranta naman itong tumayo at isinuot ang damit niya. Nilapitan ako nito at agad binuhat.

"Saan tayo pupunta?" takang tanong ko.

"We'll go to hospital," sagot nito. "Baka may mangyari pa sa'yo."

Tumango na lamang ako at kumapit sa leeg niya. Lumabas ito ng room namin habamg buhat niya ako. Nang makarating sa labas ng hotel ay agad sumalubong sa'min yung Quintuplets.

"Fifth, drive us." seryosong sabi nito. "We'll go to hospital."

Tumango lamang ito at agad tumakbo palapit sa isang asul na kotse. Binuksan nito ang pinto ng backseat. Isinakay muna ako ni Isaiah bago siya sumakay.

Tahimik lamang kami sa biyahe. Nakasandal ang ulo ko sa balikat ni Isaiah habang hinihilot naman nito ang aking puson.

"Nahihilo ako," pabulong kong sambit dito. "Isaiah, hindi kona kaya.."

"Shhh." Hinaplos nito ang buhok ko. "Malapit na tayo."

Tumango lang ako at hindi na kumibo. Nang huminto ang sasakyan ay nagmamadaling lumabas si Isaiah. Muli ako nitong binuhat, bago naglakad papasok sa loob.

Agad naman kaming nilapitan ng isang nurse at inasikaso. Ilang sandali lang nilagay na ako sa stretcher at dinala sa emergency room. Inasikaso ako ng isang Doctor nang makarating doon. May kung anong ginawa sila sa'kin na hindi ko gaanong napagtuonan ng pansin dahil mas lalo akong nahilo at mas lalong sumakit ang puson ko.

Halos isang oras ata akong nasa ganoong sitwasyon bago medyo umayos ang aking pakiramdam.

"Are you okay now?" Napalingon ako, kay Isaiah na nasa gilid ko.

Tumango ako. "Medyo ayos na. Kaunting hilo na lang naman, hindi na rin gaanong masakit ang puson ko."

"I'm relieved." Huminga ito nang malalim. "Hintayin lang natin ang result ng kalagayan mo."

Tumango lang ako at inabot ang kamay niya. Magkahawak kamay lamang kami habang hinahaplos niya ang buhok ko. Ilang sandali lamang ay bumukas na ang pinto at iniluwal non ang isang babaeng Doktor.

"Doc, how's my wife?" seryosong tanong dito ni Isaiah.

Huminga ito nang malalim at ngumiti. "She's pregnant."

Napatingin ako, kay Isaiah, pareho kaming napaawang ng bibig.

"W-what?" Kumurap kurap si Isaiah. "H-how?"

"Do I need to answer that question?" sarkastikang tanong nito.

"That's not what I meant," masungit na sabi ni Isaiah. "How come she's pregnant? She's having her period."

"That's not a period, Mr. Gallego." May inabot itong folder, kay Isaiah. "Nakaranas ng bleeding ang asawa mo, kaya sumakit ang puson niya. Ang akala niya ay period iyon. Mabuti na lang ay nadala mo siya agad dito dahil kung hindi, may posibilidad na makunan siya." Napahinga ito nang malalim. "Sa tingin ko ay sobrang selan ng pagbubuntis niya. Iiwas mo sana siya sa stress at anumang bagay na magiging dahilan nang pagkawala ng Anak niyo."