حُروب السهم [مكتملة]

حُروب السهم 5

البارت حزين متت بجي واني اكتبه

زينب .
وصلنه للبيت و رحت حتى يدون ما ابدل نمت من الخوف حيل جنت خايفة جنت احسه حلم مو حقيقة كعدت من النوم العصر الساعة ب٥:٤٧ دقيقة نزلت محد بالبيت رحت للمطبخ طلعت الغده جان

برياني و روبه كعدت اكل بهدوء افتريت بالبيت ملل و اهلي ما اعرف وين طلعت للحديقة و صرت اهتم للنباتات حاولت اشغل نفسي عن التفكير نظفت الاوراق مال النباتات و سقيتهم و خليت الهم سماد شوي و دخلت صارت غروب و اهلي ماكو بلشت الدنيه تغيم اتوقع راح تمطر رحت دخلت الملابس و غطيت الماطور مال الماي بدأت تنگط مطر جان التاريخ بالضبط 13/11/2013 فجأة صارت تمطر

بغزارة مو طبيعية و رعد حيل عالي اني بالعادة ما اخاف من صوت الرعد بس جام بوقتها الرعد مرعب اوف اهلي وين راحوا صار هوه حيل عالي خفت لا يوگع عليه شي دخلت ما هي الا ثواني و ندك الباب بكل قوته گلت منو

محمد: ابن عمي  انا افتحي

فتحت الباب و ابتسمت اان جنت حيل خايفة

محمد: البسي عبايه و تعاي

رحت بسرعة لبست و اجيت سحلني و شخط السيارة وصلني المستشفه باوعن بخوف

زينب: شنسوي هنا حمودي ؟

سكت و نزل رحت وراه دخلت و شفت اقاربنه كلهم ها اكول اهلي وين ثاري واحد من اقاربنه مسوي حادث باوعت للوجوه كلها تباوعلي و تبجي لحظه اهلي وين اجه جدو و حضني

زينب: بهدوء  اهلي وين ؟

جدو: راحوا ارب رحيم بويه صايره عاصفة و مملحكين و صاير حادث

زينب: اريد اشوفهم

اخذني جدو و جنت هادئة حيل هادئة جنت مو بوعيي أساساً اخذني و شفتهم انتقل من جثة لجثة هم ذوله الي عشت وياهم هاي ال١٨ سنة همه ذوله الي نمت و كعدت و اكلت وياهم هذا خيرت اخوي

حزام ظهري نكسر ظهري بعده و هاي نور الي بكم شهر صارت اختنه و هاي غزل الي بس اتعارك وياها و هاي أمنية الي كل عركاتي وياي و فازعتلي حق لو باطل و هاي سناء اكثر وحدة رقيقة و هادئة بينه و

هاي امي اي امي هاي الي ضحت بكلشي لخاطرنه و هذا ابوي الي وكف بوجه كل واحد ضوجني بكلمة سندي و روحي بقيت بنصهم ما اعرف أنهار على منو بالضبط بقيت انتقل و احجي وياهم و اتوسل بيهم واحد بس واحد خل يرجع زين ليش ما اخذتوني
وياكم سحبوني و اني توني استوعبني

زينب: لا لا عوفني يمهم ما ميتين والله جدو شوف هذا ابنك ما ميت توه حجه وياي گال ما اعوفج

صدكني هو ما يعوفني يحبني كلش يحبني ما يعوفني لا لا لا بعدني لا فدوة لا بعد عندي حجي ما گلته الكم و مشاعر ما انطيتها الكم ارجعوا بس دقيقة يلا بابا گوم ماما حبيبتي يلا گومي اضربيني طلعوني سحل ركضت وراهم و اني اصيح و اكول