زينب .
كعدت من النوم سهم كاعد يبدل ملابسه
زينب: وين رايح ؟
سهم: بابتسامة صباح الخيرر
زينب: احمم آسفة بس وين رايح و هيج كاشخ ؟
سهم: غيث خابرني عدنه مشيه
كعدت و رجعت شعري ليوره
زينب: لمنو ؟
سهم: غيث راح يخطب صديقتج
زينب: صدك ؟ بس ما حجت
سهم: اي صايره الشغلة بسرعة الظاهر حتى غيث هسه اتصل و كال
كمت رحت يمه دكمت اله القميص
زينب: زين خل اروح وياك فاطمة هواي وكفتلي زحمه اعوفها بهيج يوم
سهم: يلا بدلي يحلوه يكشمشه
رحت سبحت على السريع و نشفت شعري لبست فستان مال محجبات لونه اسود و شال هيج وردي غامق و حذاء كعب أسود طلعت ساعة فضة و بيها ذهب شوية لبست الحلقة و
صبغت وردي بدرجة الشال خليت مكياج كلش خفيف رحت لسهم ركض لكيته كاعد يخابر لابس بنطرون و قميص لونهم اسود و حذاء بني جلد و الساعة و الحلقة طالع يموت بقيت اقره المعوذات خلص إتصال باوعلي و ابتسم
سهم: طالع هواي حلوه ميصير تبدلين ؟
زينب: لا سهم فدوة تره رايحين عقد و ما راح ابدل هناك
سهم: امم تمام بس محد يلمحج تنزلين من السيارة و بعد ما طلعين بره البيت لحد ما اتصل عليج
زينب: يدلل الحلو
كرص خدي و لزم ايدي و طلعنه بقيت اسولف ويه سهم و نشاقه ما انتبهت للوقت لحد ما وصلنه للناصرية اول مرة ادخلها بعد وفاة اهلي بقيت اباوع بكل تفاصيلها وصلت لبيت فاطمة بس وكفني يم باب الخلفي
زينب: ليش هنا ؟!
سهم: هوسه هناك تردين انزل و اكلهم تعالوا شوفي مرتي عبالك لعابه تعالوا متعوا نظركم انزلي بوية نزلي
ابتسمت و بسته بخده ونزلت جانت الساعة ٦ او ٧ هيج شي الصبح دخلت للبيت شفت خاله ام قاسم رحت بستها
زينب: شلونج خاله مشتاقين
ام قاسم: هلاا يمه اليوم منين طلعه الشمس احنه الاشوق والله ولج شهل جمال هيج الزواج يحلي صايره ما تطلعين شلون عافج رجلج
زينب: هههه رافس النعمة جا وين فاطمة
ام قاسم: نايمة اصعديلها بلكي تكعد تعبتني
رحت لغرفة فاطمة
زينب: فطوم حياتي اكعدي
بسرعة فزت من النوم و حضنتني و ماتت بجي اريد افهم شكو ما اكدر فوك النص ساعة يلا هدت شوية
![](https://img.wattpad.com/cover/343079299-288-k536883.jpg)
YOU ARE READING
حُروب السهم [مكتملة]
Romanceمراح اكتب وصف انتو شوفو القصه واحكمو *جميع الحقوق محفوظه* *حاصله على المركز الاول *