حُروب السهم [مكتملة]

حُروب السهم 22

زينب .
كعدت الصبح الساعة ٦ اليوم دوام كمت على كيف سحبت نفسي بهدوء حتى لا يكعد بس وين بسرعة فتح عيونه باوعلي مستغرب

سهم: شعجب كاعده ؟!

زينب: غير دوام

سهم: اوفف راحت من بالي انه اخذج

زينب: وين تاخذني وايدك ؟

سهم: مابيه شي لا تكبرون الموضوع

رحت سبحت و طلعت سهم هم دخل سبح ردت اساعده بس استحيت لبست ملابس المدرسة

سهم: البسي عباية

باوعته

زينب: لا

سهم: يلا كشمشة مثل الورد بسرعة

رحت يمه و اني شعري بعده مفتوح ما لميته

زينب: سهم شبيك والله تره ما طالع شي من جسمي

سهم: ما طالع شي بس لو تنزعينها استر كلشي مبين شايفة من تمشين شلون جسمج يهتز استغفرك ربي

زينب: لا تحجي وياي هيج

غلس عني و اني احس نار اشتعلت بيه اكره من ما يرد عليه اسلوبه فد بارد و مستفز

زينب: ما اداوم يلا

بقه كاعد و يستخدم تلفونه حتى ما باوعلي

زينب: سهم والقرآن اذا تستمر هيج تره اسلوبك محد يتحمله والله تعبت تره كافي

سهم: هههه شمسوي غالط عليج مشمر عليج ؟

زينب: لا بس انته متحبني

سهم: طبعاً ما احبج لان انتي أساساً مو معتبرتني زوجج على يا أساس احبج ؟
و لا تنسين زواجنه على المحك باي لحظه ننفصل

زينب: شنو ننفصل ؟!

سهم: طلبج غير ؟

عافني و طلع و اني بقيت صافنة ما اتخيل حياتي بدونه بس بعدين كلت هسه بقت عليه هو محد يدوم لبست الحجاب و نزلت

سهم: انه شكلت ؟

زينب: مالك حق تتدخل بيه احنه زواجنة على المحك مو ؟

سهم: الي حق ونص بعدج ببيتي و الحجي يجي عليه

رحت روحي طالعه دخلت لغرفة وسن

وسن: ها گلبي محتاجة شي ؟

زينب: سونة اريد صايه

وسن: اختاري اي وحدة تردين

رحت اخذت وحدة عريضة و نزلت بس حتى ما باوعت عليه صعدنه بالسيارة و الهدوء سيد الموقف سهم مشغل قرآن و كلساع يجي إتصال اني بقيت اباوع للشارع وصلنه

للمدرسة انطاني مصرف عفته و نزلت ما اخذته دخلت كعدت بالصف اليوم اول يوم بس استلمت كتب خلص الدوام طلعت لكيته موكف السيارة و نازل و البنات صايره لحم رحتله بسرعة باوعتله بخزرة