حُروب السهم [مكتملة]

حُروب السهم 26

زينب .
رحت لسهم بعد ما ضبطت لبسي صعدت بالسارة شفت اكو بنيه حالتها تعبانة و ملابسها مشككه باوعت لسهم

سهم: اي بابا رند هاي مرتي

بعدين باوعلي و كمل

سهم: كشمشة هاي رند البنيه مخطوفة و شاردة و ما نعرف وين اهلها راح تبقه يمنه بالشقه بين ما نلكه اهلها

ابتسمت و باوعت الها

زينب: كل الهلا بيج حبيبي

رند: شكراً

البنيه حسيت شكلها تعبان كلش سكتت عنها وصلنه للشقه نزلت بسرعة رتبت الها غرفة عدنه فارغة

زينب: اعذريني حبي باجر اكول لسهم يشتريج اثاث

رند: لا تعبون نفسكم اهم شي انام

زينب: تمام تصبحين على خير

رند: اجمعين

طلعت من الغرفة و رحت لكيت سهم بالحمام بدلت و كعدت انتظره طلع شافني و ابتسم

زينب: احجيلي قصة رند بالتفصيل

سهم: ماكو تفاصيل بنيه مخطوفة ساعدتها ما اعرف شي بعدني

زينب: الله يسهل خطيه بعدهي صغيرة

سهم: اي طفلة عمرها ١٤

اجه تمدد يمي نمت بحضنه و غفينه لان ميتين تعب كعدت الصبح سهم ماكو باوعت الساعة ٨ كمت سبحت و رطبت و مشطت لبست برموده اسود و تيشيرت هم اسود ربع ردن رحت للمطبخ شفت رند بالمطبخ ابتسمت

زينب: صباح الخير يا حلو

رند: صباح العافية اكعدي اصبلج ريوك

زينب: لا شسالفه ما عندي ادين قابل

رند: يمعوده اكعدي اردلكم جزء بسيط من معروفكم وياي

كعدت على الطاولة و جانت مسوية ريوك يموت خلت الاكل و كعدت تاكل وياي

رند: اسفة امس حجيت وياج ببرود بس جنت حيل تعبانة و نعسانة

زينب: لا حبيبي كلش عادي براحتج ليش لابسة حجابج ؟!

رند: مو خاف يجي عمو سهم حرام يشوفني

زينب: سهم ما يجي هسه اليوم عنده خفر اخذي راحتج

نزعت الحجاب شعرها طويل ويه ركبة رجلها و سرح و لونه ذهبي يموت كلش حلو طبعاً رند كلش بيضة و جسمها سمين نوعاً ما بي ما عدها كرش هيج شي بسيط كلش حلوه و عيونها صفر و عدها غمازات

زينب: ماشاءالله الله شعرج يخبل

رند: هههه شكراً عمري

زينب: عادي تحجيلي شصار وياج

رند: جنت حالي حال البنات عند اهلي عايشة مرة رحت للمدرسة و بامتحانات نصف السنة طلعت اشتري و نخطفت اني جنت بالكوت هسه يا محافظة الله اعلم و حتى المنطقة الي ساكنة بيها ما اعرفها