حُروب السهم [مكتملة]

حُروب السهم 14

كمت لملمت المواعين و سهم راح نام خطيه كوه مفتح عيونه غسلتهم و خلصت صعدت جنت كلش متحمسة علمود اهلي طلعت

جنطة لميت كم شغلة وخرت الصبغ و باوعت هسه أذن العصر كمت صليت و رجعت اوف وين اروح ملل و كلهم ينامون الظهر رحت لغرفة وسن لكيتها نايمة رحت لغرفة سهم طبعاً سهم نومه كلش خفيف هيج

تمشي يمه يكعد بس فتحت الباب فتح عيونه باوعلي و ابتسم رحت اله

زينب: عادي انام يمك

فتح حضنه الي بسرعة نمت يمه ردت احجي ما جان جايني نوم بس شفت عيونه حمر خطيه كلش يتعب بقيت اباوع عليه منا لمن نمت فتحت عيوني هوه ماكو باوعت الساعة ٧ عزاا نزلت ركض لكيت وسن تسوي عشه

زينب: آسفة والله خذتني النومة

وسن: عادي يمعوده خل اطلعلكم مواهبي قبل لا اعرس

طلعت الزلاطه و سويتها كاعد اثرم و اجت ام سهم تخابر سدته و كالت

ام سهم: يمه سهم خابر يكول ما اجي اليوم أتأخر خل تنام زينب

زينب: خاله عادي اخابره بتلفونج

ام سهم: اي يمه هاج

اخذته و اتصلت عليه شويه و رد

سهم: ها حبيبتي ؟

ابتسمت على معاملته الطيبة ويه أهله

زينب: سهم ليش تتأخر اليوم ؟

سهم: مو باجر راح نروح للنجف اريد اكمل شغلي بالمركز

زينب: اوفف شنو هاي متزوجني لو متزوج المركز ؟

سهم: كشمشة جن مشتاگتلي ؟

زينب: مو هيج بي يعني لا باي

سديته امداني اني شبيه على الرجال تخبلت زينب انجبي و اكعدي رحت لكيته مجهز كم شغلة لباجر خليتهم بجنطة و نزلت تعشيت و صعدت فوك سبحت و مشطت و نمت حتى

الصبح بسرعة يجي و اشوف اهلي كعدت ثاني يوم ويه أذان الفجر طفرت بسرعة حتى بدون ما اغسل رحت ركض لسهم لكيته توه طالع من الحمام

زينب: عزاا شنو توك جاي ؟

سهم: لا اجيت ب١١ بس نمت و كعدت هسه سبحت

زينب: اني هسه كعدت توني و اجيتك

سهم: نوم العافيه

عفته و رحت ركض توضيت و جبت مصلايتي يمه باوعلي و ابتسم

سهم: انه بس اريد افهم شلون بعدج مربربه على هذا ركضج بوية شبيج ياهو الراكض وراج

زينب: انته خاف تصلي و تعوفني

سهم: استغفرالله شعوفج هوه بعدني حتى ما توضيت

زينب: يلا انتظرك بسرعة تعال