حُروب السهم [مكتملة]

حُروب السهم 9

كعدنه ناكل وسن تباوعلي و ترجع تاكل

زينب: سونه احجي لا تموتين

وسن: حجت نفس واحد زينب فدوة ابقي متزوجة اخوي والله احسكم كلش تلوكون لبعض يعني و بعدين هو حلو و عنده فلوس بعد شكو اوفف يمه تعبت

زينب: وسن ما اكدر احب اخوج اني احب واحد ثاني

حسيت وسن كرصتني من جوه الطاوله التفتت شفت سهم يباوعلي بنظرات ما اعرفت افسرها عافنه و صعد فوك التفتت كملت اكل عادي

وسن: شنو هذا البرود روحي وراه ما شفتي خيبة الأمل بوجهه

زينب: شبيج وسن هو شدخله بيه ؟!

وسن: اني شكد شايفة ناس حقيرة بس مثلج ما شفت اخوي يحبج و انتِ تدرين اذا ما تردينه ابتعدي عنه شكو كاعده بحضنه ٢٤ ساعة

عافتني و راحت اني بقيت صافنة معقولة سهم صدك يحبني لا مستحيل شيحب مني غسلت و صعدت للغرفة لكيت سهم نايم على وجهه رحت كعدت يمه

زينب: سهم

سهم: زينب اريد انام تعبان اكعد و نحجي

بقيت صافنة عفته و رحت لغرفتي اوف شسوي اذا خسرت سهم يعني صدك اخسر كلشي وين اروح منو يستقبلني بيت جدو لو حيدر نزلت جوه اريد اشغل نفسي بقيت

اسوي حلويات صارت ب4 نزل سهم لابس ملابس طلعه يريد يروح للشغل طلع بدون ما يباوع لوجهي صدك انهضمت بقيت احاول اسكت بنفسي اجت خالتي و عمو مبدلين

ام سهم: يمه راح نروح لبيت اخوي تجين ويانه ؟

زينب: لا خالة سهم شوية و يجي

ام سهم: خوش بكيفج يمه وسن يلا تعاي

نولت وسن هم ما باوعتلي هي عايزة و تزعل وسن هم اوف يربي يعني ما احبه مو بيدي

ابو سهم: بابا سدي الباب ورانه ولا تفتحينه ابد سهم عنده المفاتيح و انه خابرته يجي من وكت علمودج

زينب: تمام عمو

راحوا طلعت الحلويات من الفرن و زينتهم و صعدت فوك انفجرت بالبجي حتى سهم و وسن خسرتهم علمود منو علمود واحد زين اذا

يتذكرني هسه كمت سبحت و لبست برموده عريضة و بيها من جوه شريط لونها اسود كلش حلوه و لبست كيمونة سودة هم فتحت

شعري و خليت عطر و رطبت شفايفي و خليت شويه مسكارا سمعت الباب انفتح صح جنت اريد سهم يشوفني هيج بس هسه بطلت

احس كلبي كام يدك حيل و صرت ارجف سمعت صوت باب غرفته اوف حتى ما كلف نفسه و اجه طمن عليه رحت لغرفتة مترددة

فتحت الباب لكيته كاعد على السرير و منزل راسه و نازع القميص رفع رأسه

زينب: عادي ادخل ؟