حُروب السهم [مكتملة]

حُروب السهم7

"علقو بين الفراغات "
ولاتنسو التصويت

ـــــــــــــــــــــــــــــــــــــــــــــــــــــــــــــــ
بقيت اصبغ باظافري دخلت وسن

وسن: راحح يجون بيت خالتي اهووو شكد غثة ياربي

زينب: هههه شكو اقتحام هيج داخلة

وسن: اسكتي زينب شنو ذنبي اتحملهم والله حشريين

زينب: ميخالف خطار تحمليهم

وسن: ولي عني صايره جنج سهم

عافتني و راحت انتظرت الصبغ ينشف و رحت نمت نعسانة كعدت على صوت وسن

وسن: ولج كومي اجوا روحي ركض لغرفة سهم غرفتج راح اقفلها بيني علاقتج بسهم طبيعية

كمت بعدني مو مستوعبة بس رحت بسرعة لغرفة سهم فتحت الباب باردة كلش و ضلمة الله هذا بغرفته دنيه الشته رحت شمرت روحي يمه على السرير

.................................سهم..........................
سهم
طول الفترة الي زينب عدنه حاولت ابتعد عن البيت ماريد اسوي شي اخليها تكرهني او تخاف مني و خصوصاً هي نكسرت هواي بموت اهلها صارت هادئة

و دوم صافنة و بسرعة تنزل دموعها تختلف عن قبل اغلب وقتها وحدها مرت 6 شهور و انه ما شايفها بس 3 مرات لان اغلب وقتي بالناصرية اليوم خابرت امي كالت آخر امتحان اليوم

سهم: الو يمه شلونج ؟

ام سهم: هلا هلا بيك وليدي الحمدلله

سهم: البنات زينب شلونها

ام سهم: اي يمه كول اريد أسأل على مريتي يمه والله مريتك دره مال الله و عدها امتحانات بس تفتر بالبيت ما عايفتني وحدي اليوم اخر امتحان عدها و تفتك

سهم: الحمدلله خوش انه اجي احتمال اليوم

رحت الها حتى اغير شوي من نفسيتها بسبب الضغط جانت حلوه و ناعمة بكلشي ما جانت تشبهني من افكر اتمم زواجي منها اخاف عليها مني انه وين و هي وين اجت طبعاً من توفوا اهلها صاير

حجابها مضبوط و لبسها محتشم و صلتها للبيت و دخلت لغرفتها حتى ابلغها تنتقل لغرفتي حتى لا تجي عليها حجاية و تضوج بس من شفتها نسيت كلشي حيل سمنانة الظاهر ام سهم مهتمة بجسمها بس بعده حلو و منحوت نحت بقيت صافن عدها ٣ شامات بركبتها و صدرها طالع من الفتحة شويه

بسرعة طلعت ماردت اسوي شي اندم عليه بعدين رحت تغديت هي ما اجت كالت امي دوم هيج من تكعد من النوم يلا تتغده شربنه جاي و كعدت اسولف ويه ابوي بعدين صعدت نمت هلكان من التعب حسيت اكو واحد اجه نام يمي فتحت عيوني

شفتها زينب نايمة درت وجهي حتى اكمل نومتي صارت تدحس بنفسها جواي عرفت بردانة درت عليها حضنتها بقيت صافن شكد ناعمة بس لو تموتين ما اخليج لغيري انتِ مرتي اففف اوكعت يا