حُروب السهم [مكتملة]

حُروب السهم 27

زينب .
رحت لبيت ام سهم بسيارة سهم

زينب: سهم جيب ايدك خل ناخذ صور

سهم: لمن مصوره ايدي ؟

زينب: سوالف معليك بيها

خذت ايده و صرت اصور بادينه

سهم: وين اكو واحد يصور بس ايد ؟!

زينب: هههه سوق و اسكت

وكف السيارة و كال

سهم: شو جيبي انه اصور

اخذ التلفون مني و صورنه سيلفي

زينب: بعد وحدة

سهم: تره مو من النوع احب التصوير

زينب: اي ادري بيك غثيث

اخر كلمة حجيتها بهمس وصلني سحبني اله

سهم: انتبهي لنفسج كشمش

باس خشمي و ابتسمت و نزلت هو طلع لان تاخر على دوامه دخلت للبيت شفت وسن كاعدة بالمطبخ تسوي غده و مشغلة اغاني و تركص مود وسن لا تحسد عليه

زينب: سلام

وسن: لكك هلا بالعروس

زينب: هههه والله مودج مال عروس مو اني

وسن: هههه يا خايبه توني تعاركت وياه و نزلت اسوي غده

زينب: مودج مال واحد شابعج غزل

وسن: خيه اني مشور بيه يمكن

متت ضحك عليها دخلت لخالة اسلم عليها لكيتها كاعد تصلي بالغرفة

زينب: السلام عليكم شلونج خالة ؟

ام سهم: هلا هلا ببنيتي الحمدلله انتِ شلونج ؟

زينب: الحمدلله ماشيه

اجت وسن هم كعدت يمنه

ام سهم: ها اليوم اشوفج كاعدة هنا شعجب ما تخابرين عبيس يجي ياخذج ؟

وسن: متعاركين يمه

ام سهم: يا دهر صابج شمسوية للولد ؟

وسن: يمه شمسويتله قابل اغتصبته بس والله لعبت روحي الزلمة بارد بارد ما شايفة هيج بحياتي برود مدري فهاوة حتى بويسه فاهية بعدني شابة اريد حنان يمه حقوقي مسلوبة تره

ام سهم: طيح الله حظج تريد حنان ام الوصخ دكومي ردي لرجلج إذا سأل واحد من اخوانج ليش زعلانة شنكول البت تريد حنان

وسن: هسه خل اشوف زينب و الله كريم عود بعدين ارجع بالليل خل يشتاقلي صخام

بقينه كاعدين نزل علي اخو سهم

علي: اععع اليوم الشمس منين طالعه زنيبة عدنه هنا

طبعاً علي و وائل مو من النوع الي يستحون لو شي بسرعة يذبون ميانة بس مؤدبين حيل.
زينب. هلا شلونك علاوي