صاح جدو: كافي محد محترمني البت واحد يعقد عليها هسه و بس تتخرج و توكف على رجليها تطلكونها
دخل حيدر للبيت حسيته هو الوحيد الاعرفه رحت ركض اله و گلت
زينب: فدوه حيدر اخذني محد يريدني
حيدر: البقيه بحياتج زنوبه بس ما اكدر اني رجال متزوج
بقيت صافنه و بس دموعي تنزل و ماتت آخر ذرة مشاعر لحيدر اني كلني متت مو بس مشاعري سمعت صوت ما توقعته
سهم: جدي انه اعقد عليها بس ناخذها ويانه لبغداد
رفعت رأسي مصدومة بس سكتت المهم الستر احسن ما نسوان عمامي يذبن سالفه عليه
ابو محمد: خوش بويه صمد جيب الشيخ يعقد هم يردون يرحون وراهم طريق
اجه الشيخ و عقد ما جنت احس بأي مشاعر بس وسن جانت طايره من الفرح اخذت كم شغلة و صعدت بسيارة سهم و اني الطريق كله اعاتب باهلي و دموعي تنزل ودعت الناصرية يمكن بعد ما اشوفها دخلنه لبغداد نعست كلش خلتني خاله ام سهم على متنها و نمت كعدت احنه واصلين باوعت للبيت جان فخم حيل و مرتب كله مصبوغ باللون الأبيض و بيه
زجاج هواي حلو نزلت شفت عمو ابو سهم يصير ابن عم بابا سلمت عليه و جان سهم بيه شبه جبير منه طبعاً هو هم يشتغل بالداخلية بس متقاعد دخلت بقيت واكفه ما اعرف وين اروح
ام سهم: روحي يمه نامي بغرفة وسن بين ما نجهز الج غرفتج
اخذتني وسن جانت تحجي بس انتبهت الها دخلت لغرفتها جانت حلوه و جبيرة خليت شغلاتي بالكاع و رحت نمت ميتة تعب و جنت اشرد من حزني اجت يمي
وسن: حبيبي زنوب لازم نتقبل الواقع كومي اسبحي و صلي و ادعي الصبر
كمت بدون كلام دخلت للحمام سبحت و طلعت صار سهم بوجهي باوع لشعري و كال
سهم: منو كصه هيج ؟
ردت اجاوب بس ادموعي ما خلتني صرت اشهك بقه صافن عليه اجت وسن
وسن: يااا شبيها ؟!
عافني و راح سهم صراحة اني هم ما اعرف ليش بجيت بس موت اهلي مو سهل رحت صليت و نمت حتى ما مشطت شعري كعدتني
وسن: يلا زينب تعاي تعشي
زينب: ماريد
بقت تلح ما قبلت عافتني و راحت انفتح الباب حيل رفعت راسي شفت سهم بسرعة كعدت لان جان الثوب مرفوع و رجليه طالعه
سهم: كافي زينب كومي اكلي ما راح يغير شي تصرفج هذا او بجيج ادعيلهم بالرحمه و احمدي الله
زينب: لتصيح و اني صدك ما اشتهي
سهم: تمام انه هم ما اكل
زينب انتَ شكو ؟
أنت تقرأ
حُروب السهم [مكتملة]
Romanceمراح اكتب وصف انتو شوفو القصه واحكمو *جميع الحقوق محفوظه* *حاصله على المركز الاول *