رحت سبحت و لبست دشداشة سوده و بيها نقش من ايدها كل الالوان تصميمها حلوبسيط مشطت و نزلت اسوي ريوك سويت للعائلة كلها لان اكيد راح يكعدون هسه علمود يرحون للبصرة صدك شوية و صاروا يكعدون اني اكلت شوية و كمت لبست فستان اسود و شال بس ذبيته على راسي مالي خلك الفه دخل سهم بدل و خلص لبس دشداشة رجالية
سودة تموت عليه طلعت حضنت جسمه حضن اول مرة اشوفه بالزي العربي و سوه الغترة عمانية و لبس ساعتي و محابسه و
الحلقة و اخذ سبحة سودة و بيها ذهب جان الشي الوحيد الرخيص الي لابسه هو ساعتي حتى مخربة كشخته طلعنه لكيناهم مخلصين
رحنه كلنه بسيارة سهم لان التاهو جبيرة بيها ٧ مقاعد كعد ابوه بالصدر و احنه وره همه يسولفون اني طفيت لان امس تأخرت كاعدة نوب كعدت من الصبح كعدت وسن كالت
وصلنه نزلت جانت مزرعة حيل جبيرة و بالنص بيت حيل جبير ٣ طوابق و يجنن بنائه حديث اجه سهم لزم ايدي و همس
سهم: ديري بالج تضيعين هنا
زينب: هههه ماشي
دخلنه للبيت و جانت هوسه بمعنى الكلمة ناس تطبخ ناس تجي تسلم حرفياً ناس بكل مكان اجت وحدة جبيرة
ام فاقد: هلا هلا بوليدي
اجت سلمت على عمو و خالة خطيه تمشي على عكازة و اجت حضنت سهم حيل هوه هم عاف ايدي و حضنها بعدين باوعتلي و ابتسمت
ام فاقد: ياا هاي الصغيرونة الكدرت على وليدي
سلمت عليها و بستها من رأسها و رجعت لازكه بسهم احس استحي كلش اجت وسن
وسن: تعاي زينب شسالفه ما شايفة سهم
باوعتله ابتسملي كمت و هو بقه يسولف ويه جده و بيبيته دخلت للمطبخ متروس بنات
زينب: هلا
شي دگول هلا خيه: هلا بيج: تفضلي اكعدي: يا كملت:
اغلبهم ما سمعت شحجن لان هواي بس سويت مقبلات و زلاطه و صبيت الاكل بالامواعين دخلوا ولد اخذوا الاكل اني رحت ويه وسن ابدل
زينب: اكلج شلبس هنا ؟
وسن: دشداشة عريضة اخذي مني الولد ما يدخلون نادراً بس النسوان خاف تنقد
زينب: تمام
كمت لبست دشداشة بني و مطرزة باسود شوية خليت شال اسود على رأسي و غسلت وجهي و نزلت صبن غده النسوان وحد و الزلم وحد كعدت اكل و بيبي تجيب لحم و تخلي كدامي اني ما اكل هواي لحم همستلي
ام فاقد: اكلي يمه تره وليدي العزيز وصاني عليج كلي حرمتي تستحي تاكل بالج عليها
عزاا بعينك سهم فشلتني كدام بيبي صرت اكل حتى لا تحجي بصوت عالي و الكل يسمع كملت كمت
أنت تقرأ
حُروب السهم [مكتملة]
Romanceمراح اكتب وصف انتو شوفو القصه واحكمو *جميع الحقوق محفوظه* *حاصله على المركز الاول *