حُروب السهم [مكتملة]

حُروب السهم 20

فاطمة.
بدلت و نزلت كملنه الغده و صبينه زينب خطيه ما كلت كالت ما اشتهي و صعدت تسبح اني اكلت شوية و كمت غسلت و

صعدت ردت اشوف زينب و سحبني و يمشي كدامي يسحل بيه اجه يدخلني للغرفة اني متت خوف بقيت اسحب بأيدي

فاطمة: شكاعد تسوي تخبلت ادخل وياك بالغرفة بس احنه ؟!

غيث: لا تخافين مو نفس كوادج نكس

فاطمة: تأدب يا كلب شنو كوادي شنو شايفني

سحبني للغرفة و سد الباب و لزم فكي كلش حيل صك على اسنانه و همس من بينهم

غيث: تره لعبانه نفسي منج و هسه مثل الورد تحجين كلشي و اذا حسيت بجذب تشوفين شي ما يعجبج

فاطمة: وخر عني اذيتني راح احجي بس وخر الله ياخذك

وخر عني و كعد على الكرسي اني هم كعدت و صرت احجي

فاطمة: من جنت طفلة جنت اتعرض للتحرش من عمي اخو بابا بس جنت طفلة و ما اعرف بهل شي فعادي جنت ساكتة بس كبرت و برز جسمي سافر عمو و قبل شهر رجع و من

شافني تخبل و اني البس كدامه حجاب بس اهلي يجبروني انزعه بحجة هذا عمج و عيب و قبل اسبوع دخل لغرفتي و

سكتت ما كدرت اكمل متت بجي احس حتى كلشي ما افتهم لان اشهك و احجي طفر يمي و كال

غيث: شسوالج اغتصبج ؟؟!

باوعتله بسرعة متت خجل بقيت ساكتة

غيث: احجي مو وكته الخجل

فاطمة: لا لا يعني بس حاول اني ضربته و نزلت يم اهلي بس صارت عندي اثار بسببه

غيث: بس برجليج لو اكو بعد ؟

فاطمة: لا لا

غيث: احجي لا اذبج من السطح الخجل هسه مو محله و مو من صالحج

فاطمه: والله ماكو بس برجليه

دنك و سند راسه بايده حجيت

فاطمة: اني ما حجيت لان خفت محد يصدكني و يزوجوني حتى يخلصون مني

غيث: و شبيه الزواج شاردات منه احسن من هذا الغضب على الاقل بالحلال

فاطمة: بس بعدني صغيرونة كلش

غيث: شكد عمرج ؟

فاطمة: ١٩

غيث: الله كريم انه احلها راح انطيج رقمي بس يصير شي اتصلي و تلكيني يم الباب والله فاطمة اذا ما اتصلتي اموتج و انطيني عنوان عمج

اخذت رقمه بس حسيت بفشلة و هوه معصب كلش و متوتر و يهز برجله طبيعته كلش عصبي انطيته عنوان عمو باوعلي و ضيك عيونه و همس

غيث: كافي بجي ما شبعتي

فاطمه: ابتسمت مو هيج بس الموضوع اول مرة احجي بيه و اني نادراً ما ابجي لذلك طلعت بوجهك اسفة