حُروب السهم [مكتملة]

حُروب السهم 29" الأخير "

هلو بنات حبيباتي طبعاً مع الاسف هذا اخر بارت ونختم القصه اني حالياً كلشش متأثره لانو تعلقت بيها من صدك 💔😔

ـــــــــــــــــــــــــــــــــــــــــــــــــــــــــــــــ

فاطمة .

كعدت على صياح كمت بسرعة و شفت غيث يركض طالع طلعت وراه بدون لا حجاب ولا شي جان صوت زينب اي اعرفه دخلنه للشقه مالتهم و شفت زينب كاعدة بالكاع و عيونها

تجري دموع و سهم واكع بس مابيه دم غيث تهستر جان اكو إثنين لازمين أسلحة و مصوبين على سهم راحل الهم غيث بطرك روحه و شبعهم كتل

غيث: يا كواد دزكم ابني وين احجي يا كلب يا جبان احجييي

الرجال انتهى جوه ايده ما احس غير غيث واكع و الدم تارس الكاع و سهم ما اعرف قصدته واكع و يطلع من حلكه شي ابيض كلش خفت المجرمين نهزموا ركضت لزينب

فاطمة: كومي نطلب مساعدة

جانت صافنة و تهلوس

زينب: الولد مات مات ليش هيج سوت شصار شسوينه الها

رحت صحت للجيران التمت العالم و الدوريات لبس زينب حجاب و اني هم لبست عباية بس الغريب شاهين مو موجود نقلوهم للمستشفه و المكان نترس دوريات و ضباط

فاطمة: زينب لا نروح حبيبتي اكيد اذا كعدوا ميقبلون جماعتهم يشوفونه

هزت رأسها و كعدت بقيت اسكت بيها و اني كلبي نار على غيث و حايرة شاهين وين شوي و ندك الباب كمت فتحته اجت ام سهم و اهل

غيث كلهم من ضمنهم شاهين رحت ركض حضنته لان ابوه يموت اذا صارله شي

ام سهم: يمه فدوة خابرن على الولد يطمونه

وسن: هسه اخابر عباس

خابرته و اني منتظرتها على نار اجت كالت

وسن: سهم متسمم و الحمدلله هسه احسن بس غيث وضعه صعب

ما كدرت اتحمل اكثر بقيت ابجي متت بجي كمت توضيت و صليت و كعدت ادعي للساعة ٥ الفجر اتصلوا كالوا تعده مرحلة الخطر رحت ركض سجدت سجدة شكر

شاهين وياهم راح لابوه و عمه نزلت بنشاط سويت الهم عصاير و وزعت كالوا العصر يجبونه على أساس كمت اني و وسن و زينب سوينه غده برياني و سمج و دجاج و لبن و

خضرة صبينه الغدة بعدين خلصنه كالن البنات احنه نغسل مواعين انتن سويتن الغده استأذنت من ام غيث و ام سهم و رحت لشقتي لان الكل كاعد بشقة سهم تصير

مقابيل شقة سهم مباشراً رحت سبحت و برمت شعري عود لوك جديد و هاي خليت حمرة وردي و مسكارة صبغت وردي فاتح و لبست بيجامه لونها وردي ستن و بيها تور على

طول الرجلين و قميصها هم وردي و الايدين مالته تور تعطرت و سمعت صوت الباب الخارجي انفتح و انسد باوعت الساعة ٦ باوعت لشكلي بالمراية اخر مرة و طلعت لكيته مدنك ينزع بحذائه تكرمون بس