حُروب السهم [مكتملة]

حُروب السهم 19

فاطمة .
رحت نمت ميتة تعب كعدت الصبح لبست دشداشة سودة و صايتي لبستها لان اني جسمي بارز مو مال افتر بس بثوب و العالم غرب فشلة لبست حجابي و تعطرت و طلعت

طلع بوجهي شاهين اجه يمي و ابتسم و راح احس تصرفاته ما رجال جبير شحلاته صحتله

فاطمة: شنو ماكو صباح الخير ؟!

شاهين: صباح الخير

فاطمة: هههه اي عمي هم زين من طلعت منك جنك ابوك غثيث و بس مخنزرين

شاهين: لتحجين على بابا

فاطمة: يا عاد ابوك شلونه يكول باب شضخماته و نافخ روحه على الوادم و غثيث و بس يرزل

تعمدت استفزه احب اشاقه ويه الجهال اجه يحجي و سمعت صوت وراي

غيث: شاهين حبيبي انزل لعمك سهم صار هواي منتظرك

راح شاهين و اجه هذا عليه همس

غيث: كل هذني بيه لا و باب هم ؟!

احس متت من قربه ما جان كلش قريب بس اني نادراً ما التقي بشباب خارج العائلة لذلك اتوتر و اخجل كلش بسرعة

فاطمة: لا والله مو هيج بس اني احب اشاقه ويه الأطفال و شاهين ما يحجي هواي لذلك حبيت استفزه حتى يحجي وياي

عافني و راح ياا هذا شماله و يكول مو غثيث والله اكبر غثيث نزلت و شفت زينب و سهم شحلاتهم بس سهم خطيه كلش تعبان على

ابوه جان سهم كاعد يسولف ويه شاهين و جان يسولف وياه بعقلانية و شاهين يتجاوب وياه عبالك جبير جانوا يسولفون عن الدين و جذبني سؤال شاهين والي ابد مو ويه عمره

شاهين: عمي يصير نصلي قبل الأذان ؟

سهم: لا طبعاً

شاهين: جا ليش تصلون العصر و العشاء قبل وقتهم ويه المغرب و الظهر

سهم: هذا الشي خطأ انه اصلي كل فرض وحد بس الناس الباقية يگولون الامام هيج صلاته بس غلط الامام سوه هيج مرة وحدة لان جان عدهم حرب و بهاي الحالات يصير نجمعهم بس

دخلت سلمت على سهم اول مرة اشوفه من اجيت و لهسه

فاطمة: شلونك خويه البقيه بحياتك

و سهم حيل خلوق بسرعة كام جان كاعد و دنك رأسه و كال

سهم: هلا بيج خويه حياتج الباقية ادعولنه بالصبر الحمدلله انتي شلونج

فاطمة: ماشيه استريح خويه اخذ راحتك

غيث: لا طالعين الحديقة الجو حلو نتريك هناك

باوعتله خازرني عافوني و طلعوا و زينب جانت واكفة من الجهة الثانية بحيث غيث ما انتبه الها رحت الها

فاطمة: صباح الخير حب

زينب: هلاا صباح النور شنو هذا الادب ويه سهم ما عرفتج