حُروب السهم [مكتملة]

حُروب السهم 17

رحت للمرايه اريد اعدل حجابي لكيت صاير بخدي اثر احس متت من القهر وينك بابا تعال شوف بتك شصار بيها بعدك جان اليرفع صوته عليه يطيح حظه هسه العالم داستني

بعدك شبعت بجي نزعت حجابي و نمت بالكاع ماريد انام على السرير و هيه جانت نايمة هنا كعدت باوعت للساعة ب٤ حتى

للغدة محد كلف نفسه كعدني اجه شافني كمت لبست حجابي الأثر رايح نزلت لكيتهم ماكو جوه طلعت للبستان لكيت الكل كاعد زلم و نسوان باوعتلي بيبي ام فاقد

ام فاقد: تعاي بنيتي يمي

رحت كعدت يمها بهدوء

ام فاقد: مو وديت البنات ينهدنج ليش ما كعدتي للغدة يمه ما يصير

بقيت صافن محد كاعدني هاي شتحجي تخبلت لا خاف كعدوني و ما ادري

زينب: بيبي تعبانة جنت

بقينه كاعدين و همه يسولفون اني ما شاركت بالحديث لان الكعدة جانت بس للكبار البنات و الشباب ما اعرف وين دخلوا رفعت رأسي شفت سهم دخل و بعدين البنات و الشباب همست لبيبي

زينب: بيبي جا وين جانوا ؟

ام فاقد: يمه مدري سوالف هل وكت يغيرون جو مدري شنهي هذا البستان يرد الروح شمالهم مدري

احس الدمعة جرحت بلعومي شسوه من طلع وياها و حتى ما كعدني اروح وياهم اجوا كعدوا و هوه يسولف ويه جده اني كمت

سهم: تعاي اكعدي عيب دكومين و الناس بعدها كاعدة

جان يهمس بس البنات سمعن و كامن يتهامسن باوعت بعينه

زينب: اريد اسوي عشه خاف تعبانين

عفته و دخلت ركض للغرفة مال البنات متت بجي دخلت غسق تريد تبدل بس شافتني اجت ركض عليه حضنتني

غسق: شبيج يروحي ؟؟!

(التسس غسق)

زينب: مدري رجلي و اني اصعد الدرج اذتني

غسق: يااا سودة عليه نامي حبيبي اني اسوي العشه

زينب: لا حياتي ما عندي شي شويه و اصير زينة

غسق: براحتج عمري لا تعبين نفسج

راحت تبدل و اني غسلت و نزلت جوه سويت عشه صبيت و ما اكلت اني هاي طبيعتي اذا اضوج ما اشتهي الاكل

ام فاقد: يا يمه ما تجين

ام سهم: اي حبيبتي تعاي لا غده ولا عشه

زينب: والله خاله دايخة راح انام

ام سهم: خوش راح اضملج من تكعدين اكليه

حركت رأسي الها و صعدت اريد ادخل لغرفة البنات و حسيت انسحبت باوعت شفته سهم

سهم: بطلي سوالف الجهال و انزلي اكلي