حُروب السهم [مكتملة]

حُروب السهم 23

فاطمة .
رحت لبيتنه و احس كلبي يدك حيل من سالفه عمو صعدت بسرعة ما اريد احد يشوفني دخلت للحمام و شبعت بجي رحت اتصلت على زينب

فاطمة: ها زنوب شلونج ؟

اسمعها بس تشهك زينب من تبجي مستحيل تكدر تحجي حتى إذا حجت ما تفهم شي منها

فاطمة: شبيج عنبتي منو مضوجج ؟

زينب: سهم انفصلت عنه

فاطمة: عزااا صدك ليش

زينب: مدري مدري فدوه فاطمة تعاي اني كاعده وحدي بالشقه

فاطمة: مدري هسه احاجي ابوي بلكت يقبل

سديته منها و اني حيل انقهرت عليها رحت لابوي كومه توسلت بيه و ماما هم حاجته الا قبل رحت ويه قاسم لان أساساً عنده شغل ببغداد رحت جهزت جنطتي بسرعة و لبست

صايه و شال على السريع و طلعنه كم ساعة و وصلنه لبغداد خابرت زينب دزتلي الموقع مالتهم اخذني قاسم عليه لكينه زلم إثنين واكفين بالباب اتصلت على زينب فتحت الباب كالت ذوله حماية و قاسم راح اول ما دخلت حضنتها بسرعة انفجرت و شمرت نفسها بحضني

زينب: حبيت حيدر و كسرت كلبي تكسر و هسه سهم بس عرف احبه عافني ليش هيج ليش والله حاجيته و توسلت بيه والله بس ما رف گلبه عليه

(اخيرا كالها كال احبك كالها💃🏻)

فاطمة: ميخالف حبيبي ميخالف الله يعوض

بقيت امسح على شعرها و هيه بحضني تكسر الخاطر لا اهل لا سند وين تروح هاي سهم يتحملها سنة سنتين مو العمر كله الله كريم

زينب: فاطمة والله احبه اموت عليه ليش عافني شناقصني ؟

فاطم؛ عمري مو ناقصج شي بس من البداية علاقتكم غلط اكيد ما تستمر

(فطيم انتِ وخرتي كل الأمل انو يرجعون)

بقيت امسح بشعرها لحد ما نمت كمت سويت الها اكل و رتبت الشقه كعدت تسحل بنفسها سحل و شعرها مو مرتب اول مرة اشوفها هيج زينب تحب تهتم بنفسها كلش

فاطمة: تعاي سويتلج اكل

زينب: مو مشتهية

فاطمة: تاكلين غصبن عليج

زينب: فاطمة والله

قاطعتها

فاطمه : انجبي و امشي

سحبتها و كعدتها على الكرسي و صرت اسويلها لفات و طلعت الها عصير

زينب: شبعت

فاطمة: دكعدي باع وجهج شلون اصفر مال واحد صار قرن مماكل

بقيت اسويلها لفات شويه و كامت رجعت نامت حيل انقهرت بس ما بيدي شي دك جهازي باوعت هذا غيث عبالي عمو بيه شي بسرعة رديت