الضابط والبنت العنيدة

البارت 1

اني جنت بل مدرسة وهوسة الدراسة بعدها براسي رجعت اخذت حمام سريع وخليت شوية مرطب لبشرتي وخليت مرطب شفة لان حارة وصيف فتيبس نزلت اكلب بل جدورة دشوف اهلي شطابخين ليكت اكثر اكلة احبها وهيا الفاصولية والتمن اموت عليهن كتلهة يلة مامة صبيلنة حخرب من الجوع لان طالعة بدون ريوك
سناء :غدة عنج الجوع يمة هسة حصب تعالي ساعديني
مريم:اجيت ماما يلة حفرش نايلون صبي بعد ما اتحمل😂
سناء :يلة صيحي مرت اخوج وااخوتج
مريم :يمعودين تعالو تغدو متنة جوع
عمر:هوة انتي من الجوع حتموتين لو على الفاصولية 😂
مريم :دسكت يلة متضحك كعدت اكل خلصت وكمت عزلت النايلون والمواعين وزوجت اخويا بدت تغسلهن وآني رحت دا اقرة باجر عدنة متحان رياضيات وآني اموت منة
اجتي صديقتي فاطمة علية لان جانت غائبة وضلينة اني وياها نقرة خلصنة ساعة بل 7 المغرب لان هواية بي شرح فكمت ماما صاحتني كالت تعالي دنسوي عشة زوجت اخويا فوك معليهة بل طبخ بس امي الي تطبخ وتنضف البيت وزوجت اخويا عليها المواعين وآني خميس وجمعة انضف البيت كلة حتة البنكات لان انقهر على امي
فسوينة كبة وطماطة وزلاطة وركي وكعدنة نتعشى
خلصنة عشة وشلنة المواعين اجوي بيت عمي بصف بيتنة طبك يمنة وتعليلة وهوسة فراسي كام يوجعني رحت دخلت بغرفتنة سويت ماسك لبشرتي ومرطب ولبست برمودة وردي وفانيلة ربع وسويت شعري كعكاية وتمددت كعدت على صوت دفرة بل باب قوية ياربي سترك شكو شصاير هذا الحجي ساعة ب1 بليل
اجة واحد كلش ضخم طويل يحطني جوة ابطة
جان يكول للبقية الي ويا اطلعو محد يدخل وهذا ضل يباوع علية من فوك ليجوة كتلة انتة منو شكو داخلين لبيتنة جان يكول البسي شي واطلعي بسرعة يلة كدامي
ركضت اني هم من الخبصة الي صارت بية لبست مال صلاة وطلعت رحت وكفت يم ابوية
الاب :يابة لتخافين لتخافين ماكو شي
شفت جانو ديفتشون بيتنة وهوسة ويطلعون بغراض الي بل كنتور والبوفية
ضليت ساكتة واباوع ضربو اخويا كلولة وين السلاح الي عدكم
علي :كدامك فتش إذا لكيت طلقة شتريدون تسوون سوو
فتشو كلبو البيت ماكو اي شي طلعو
فهد :اني من بغداد بس نقلوني لديالى حسب الشغل مالتي
كالو بليل تدخلون على البيوت تفتشوهن على الأسلحة وانتة ضابط فهد هم تروح وياهم
رحنة دخلنة بس مدكينة الباب علمود اذا اكو اسلحة او شي محد يكدر يضم
صار الليل ودخلنة على البيوت ومن ضمنهم بيت دخلنة للبيت ودندخل لغرفة غرفة
طلعو العائلة كلها الة باب بقت مسدودة والاب كال بناتي نايمات بل غرفة خاف ينهبطن بعدهن صغار
دفرت الباب ودخلت جان هية تكوم على السريع والشعر مرفوع ونازلة كذلة وبيضة والعيون زرك خرة بأبوج على هل جمال الي شايلتة مو بنية هاي حورية ياربي باوعت عليها كتلها البسي جان تكول اطلع منا يلة انتة منو
كتلها البسي بسرعة توكفين يم ابوج
هية هم راحت وكفت يم ابوها بقت واكفة واباوع
اباوع عليها انضار الجنود الي وياية كلها عليها كتلهم يلة كلمن يشوف شغلة
فتشو ملكو اي شي طلعنة بس آني بقة كلبي كلة يمها خفت عليها اكثر من ما حبيتها كلت هذا جمالها راح يعم عليها
ضليت افكر واشرب بهل جكاير اجة صديقي حمزة يمي كال ها فهيد اليوم شبيك مو على بعضك كتلة لا ماكو شي بس شغلة بالي كال خير إنشاء الله طلع وآني طفيت 
الجكارة ونمت لان الليل كلة منايم