الضابط والبنت العنيدة

بارت 13

مريم:نععمم 🥺
الهلاهل مدري منين كامت تشتغل
كلللووووش . كلللووووش وحدة تسكت الثانية تهلهل وآني الدمعة مغوركة بعيني ومادري شنو الي ينتظرني حتزوج من واحد اكرها اموت منة شبعني ضرب واهانة قبل ما انخطبلة إذا يتزوجني شيسوي
رجع السيد سئل فهد
فهد : نعم موافق
وهم شتغلت الهلاهل من حيث لا اعلم خلص السيد وكطع كال مقدم 25 مليون ومئخر 25 مليون
اجوي ولد عمة كلهم يغنولة واخو
افرح لبن العم تحتاجة ايامك 🕺🕺
واختة وبنات عمة
عمامة هواية والشارع يكطعونة عمامة هواي والشارع يكطعونة 💃💃💃
اجة فهد تشكر من الكل وباس ايد امة وراسها
اجة كعد على الكرسي الي بصفي كلي الف مبروك حسيبة وغمزلي 😉
من يكلي حسيبة يضوجني بس من غمزلي فشلت لان كلهم كاعدين كال هاي شنو هل جمال شطالعة حسيبة اليوم فد ضجت كبال النسوان ويكلي حسيبة
كتلة ترة اسمي مريم

فهد : اني ادري بيها تضوج من اكللها حسيبة فتضوج فكتلها ألف مبروك حسيبة مجاوبتني اصلن بس شطالعة المفلوكة غير تخبل بت الكلب
جان تكلي ترة اسمي مريم مو حسيبة
فضحكت كتلها ترة ادري بس احب اضوجج
مريم :ساعة السودة يوم الشفتك
فهد :متت ضحك حسيتها ضاجت كلش
كمت من يمها طلعت جبتلها التلفون الي شتريتلهيا 
نطيتهيا
مريم : شسوي بي ماريد شي منك
فهد :اشش اخذي يلة اخابرج  انرفزج شوية غير
من ضمن عذابج بكلبي داضحك 😂😂
مريم : هفففف عابت 😒
فهد : لتعوجين حلكج ترة ديصورون اضحكي شوية علمود تطلعين حلوة بل صورة
مريم : من كال هيج بمدي اموتة شكد ينرفز ياربي
اجتي امة باستني وخلت بئيدي فلوس ومرت عمة من عاداتهم هاي
رادو يطلعون صارت ساعة 8 ابويا كللهم لا والله متطلعون العشاء جاهز
كبل وزعو لفات وببسي
تعشو وغسلو وطلعو فهد اجة لبيتنة جان يكول ادك عليج بليل افتحي التلفون
كتلة ليش شتريد مو ستفزيتني اليوم مو كافي
فهد :لا مو كافي بعدني ما سويت شي اصلن ولا شفتي شي من عذابي 😏
مريم : 😡ربي صبرني
اجتي ام فهد بوستني كالت انتي بعد صرتي بنتي إذا فهد يضوجج كليلي اني اجرلج اذنة
فهد :ها يمة بسرعة بعتيني
ام فهد 😉 لا يمة شلون ابيعك شعندي غيرك تغمز لمريم 
مريم : ابتسمت الأمة حبابة وتضحك مو من هاي الامهات الي عاكدة الحواجب
اجتي اختة سرور ألف مبروك حبيبتي بوستني كالت اني من اليوم بعد اختج
كتلهة فدوة لهل اخت 😘 بستها
راحو ركبو بل سيارات والاغاني والركص 
رجعنة للبيت نخبص خبص لزمنا البيت تنضيف ومسح وتلملم كيك ومال جكليت والاكل خلصنة تنضيف صارت ساعة ب11
كملنة رحت غسلت لان الجو حار وتلزك
اجيت دا انام نسيت اصلن افتح التلفون نمت بسرعة
لان تعبانة
رجعت ثاني يوم كعدت طبعا انطونة عطلة لان كلمنة الفصل الأخير واحنة ثالث لازم نقرة لان بكلوريا
اني كعدت اتصفن كمت بدلت ومشطت خليت لبشرتي مرطبات وهل سوالف مال روتين
صارت العصر اجتي صديقتي فاطمة بقينة نسولف وباركتلي طبعا فاطمة تدري كلشي لان ما اضم اي شي عنها
ولج فاطمة راح يموتني فهد يعني خطوبتنا وكل شوية ينرفزني موتني
فاطمة : يعني مريم تصدكين كل بنية تحلم ب الي سوو فهد بس هاي سالفة اكسر خشمج واعذبج شوية واكفة وتخوف
مريم : لج فاطمة اني هذا الي مخوفني والا اهلة خوش ناس امة مبينة حبابة وهذاك الشقة بس هوة الي مخوفني
فاطمة :بعد متعرفين الناس الة تعاشريهم
مريم : هم صدك 🙁
بقينة نسولف اني وفاطمة وراها كالت حروح وراحت
وآني ناسيا اصلن التلفون 🤦

الكاتبة :روان العزاوي
حبايب تفاعلو صوتو علقو شاكرو القصة ويا صديقاتكم خواتكم 🌺🤍