الضابط والبنت العنيدة

بارت 4

لبست شال على السريع جان يجرني من ايدي حيل احسة صار قريب علية جان يكلي هيج حتطلعين ؟
فهد :ضليت افكر اليوم كلة كلت لازم اروح اذا رحت واخذت شكم واحد قابل راح يمانعون رحنة بزي عسكري عبالهم تفتيش
دخلنة عليهم ب2 وآني متلهف بس أريد اشوفها ركضت للغرفة جان تطلعلي هاي بت المنعول الدشداشة ربع ردن وكصيفة وفتحات
جريتها كتلها هيج حطلعين احس كلبها راد يطلع الة شوية جان تصيح علية جان تكلي وخر عوف ايدي دفعت ايدي وطلعت تركض اني طلعت وراها بسرعة

شفت الجنود عيونهم عليها كتلهم عيوني صارت براسي كلت لو مجاي احسن كتلهم يلة امشو
طلعنة بعد ماكدر ابقة والعيون كلها عليها
رجعت وآني افكر شلون يربي شسوي شلون بهل بنية
فكرت اتزوجها بس اهلهة كارهيني وهية هم كارهتني
مبينة من شكلها وآني ادخن جكارة ورة جكارة وافكر
مريم :اجوي وآني خفت كلش وهذا الرجال احسة عيونة تريد تبلعني مو بس تاكلني
دخلي يولي خلي انام احسن كعد ب6 الصبح
اخذت ملابسي ورحت للحمام لكيت شمس داخلة قبلي يبوو يا ساعة السودة هاي شحيطلعها هسة وآني وراية روتين شطولة
شمس حبابة يلة اطلعي ولج صارت بل 6ونص
شمس لا رد
ولج شمس حكسر باب الحمام على راسج فضيها عاد اطلعي شمس لا رد
شمس شنو نايمة انتي بل حمام بس فهميني مو موتيني
شمس لا رد
آخر شي ركعت باب الحمام كل قوتي وجان شمس تطكهة بضحكة
شمس :شتريدين قابل بس انتي عندج روتين اني هم عندي روتين
مريم :اوف يا رب العباد صبرني على شمس ولتخليني ارتكب جريمة بيها
صارت به وربع وآني لازم بل 7 ونص اطلع من البيت تجي علية فاطمة 
طلعت ست الحسن من الحمام وآني طكيته هلهولة كتلها ادري عروس
شمس :لا بس خباثة بيج مثل المقلب الي سويتي بية البارحة .
وآني ركضت للحمام فرجت اسناني وغسلت وبدلت وطلعت .
على السريع عطر ومرطب ولبست الجنطة والحذاء تكرمون وطلعت اجتي فاطمة
شمس كبالي كفخت شمس بل باب ومشيت حتة فلوس ملحكت اخذ
مشينة مثل كي يوم دراسة وقراية ورجعت هم دامشي واشوف نفس السيارة مال البارحة تمشي ورانة ورة شوية من صرنة قريبين على البيت راح بسرعة اني كلبي خاف الصراحة
رجعت
ماما شمسوية غدة
سناء :بامية نزلت بل سوك وجبت اليوم وصارت شلون بامية تخبل
مريم :يمي 😋والله شهيتيني يا امي  دصبيلنة يلة رحمة لامج
سناء يلة ساعدني
مريم :ابدل واغسل واجي بدلت دشداشة حمرة هم ربع وبيها ذهبي عدلة كلش حلوة
اخواني بل شغل صحت على بابا ونور وشمس اجوي ديتغدون تغدينة وخلصنة شلنة النايلون وآني رحت أريد اباوع بل تلفزون لان باجر جمعة ما ادرس اليوم اي شي
صارت ساعة ب3 الضهر ما احس غير صوت ابويا ديحجي برة يكول فتشو بس مو يومية تعبنة من هل سالفة
اني طلعت اركض من الغرفة عرفت هم تفتيش
لان الوضعية زبالة هل فترة بديالى وجانت فترة داعش 
فهد :اني صرت عصبي ابوع عليها الدشداشة حمرة ربع ردان والايدين عيوني صارت براسي هل جمال كلة يطلع
ابوها انبشة غير
صيحت على ابوها كتلة غير الوضعية مو زينة جان هية تصيح من يمها جان تكول احجي باحترام ويا ابوية قابل احنة ضامين داعش بيتنة كتلهة انتي معليج اني دحجي ويا ابوج لتدخلين بشي أكبر من حجمج
مريم :هوة أنتو كدرتو بس علينة 
فهد :شنو لج شكلتي
مريم :كلت بس تكدرون علينة .