الضابط والبنت العنيدة

بارت 10

فهد:وديت مريم لهلهة وبالي يمها طلعت من يمهم صعدت بل سيارة ضليت افتر خابرني حمزة كال ها وينك فهيدد شو ماكو كتلة ترة بس اليوم مشفتني البارحة الصبح شفتك جان يكول اي عمي احنة صايرين منعجب عندك غيرنة
فهد :اكلك الخميس خطبتي تجي موو
حمزة :اي اجي شلون ما اجي
فهد :هلا بيك
حمزة :فهيد شبساع خطبتها ولك
فهد:اكلك هسة انتة وين اشوفك واحجيلك
حمزة :بل مطعم شوية واطلع اجيك
فهد : لا جايك جايك لتطلع لان جوعان مماكل شي بيا مطعم انت
حمزة :بمطعم .....
فهد :ماشي سديت
تعشيت وسولفت لحمزة كلشي لان هوة أقرب صديق الي
حمزة :وانتة تضل وياها 6 اشهر على الورق والله فلا اصدك
انطيك رهن اسبوع متبقة صابر مو 6 اشهر والله😂😂
فهد :ولك اني مدري شلون وافقت على هل شرط 😂🤦
يلة تفرج خما تضل هيج الله كريم
حمزة :لك شتفرج فهد وانتة قابل على هل شرط 😂😂😂 حموت والله مثل واحد صايم ويبقة صايم ويحترك فطورة 😂😂😂😂
فهد :دنجب كافي عاد تحشش علية دنشوف الي تاخذها شلونها
ربي كون مرت حزة حولة وثولة
حمزة : ربي لتستجاب لدعاءة بعدين خما اني اصير اثول مثلك تخليلي شروط واضل صايم 😂😂😂😂
فهد :شجاني وحجيتلك وآني ادري بلسانك احنة البيكيسي الما يسكت يلة كوم خلي نطلع احسن خلي اروح ارتاح واخبر اهلي يحضرون نفسهم
حمزة :يلة امشي امشي
فهد :وصلت خابرت امي وكتلها حضرو نفسكم الخميس اجي واخذكم لخطوبتي
الأم :صدك يمة الله عليك حتخطب حتفرحني واشوف جهالك ممصدكة يمة اني بحلم بعلم من قبلت تتزوج يرادلها هلهولة كللللووووششش اروح ابشر اخوتك يمة
فهد:يلة يمة سلميلي عليهم وخابري بيت عمي هم كليلهم يجون  ميصير نروح وحدنة
الأم :ان شاء الله يمة باجر اخابرهم واكللهم لعمامك ولد عمك ولخالتك صبيحة تفرحلك يمة
فهد :اي يمة وحمدية وسعدية بعد شبقيتي اعزمي العشيرة كلها وفضيها ترة كتلج خطوبة يمة مو عرس
الأم :اي يمة والله ذكرتني بيهن هم يراد اعزهن
فهد:🤦 لج يمة كتلج عمامي ما كتلج نسوان العشيرة كلها خليهم للعرس لان ميطول
الأم :يمة غير انتة أول فرحتي واريد افرح بيك
فهد : إنشاء الله يمة لمنو تريدين تعزمين اعزمي ميخالف اني حكللهم ياخذون احتياطهم
الأم :ماشي يمة تدلل الة اسويلك عرس ما صار ولا دار
يمة عروستك حليوة مثلك تستاهل جمالك
فهد :يمة الجمال جمال الروح اهم شي الاخلاق🤪😂
كتلها هيج علمود اشوفها شتكول
الأم :اي يمة صدك اهم شي الاخلاق 🤦
فهد :يلة يمة محتاجة شي
الأم :لا يمة سلامتك دير بالك على روحك  يحرسك الله والنبي
فهد :الله وياج يمة سديت وآني افكر بمريم بقة بالي كلة يمها
أكيد كرهتني ضربتها هواية بس هيا متخاف وتعاند وآني عصبي ماكدر اللزم نفسي  ضليت افكر ونمت
كعدت الصبح كلت هسة أكيد راحت للمدرسة تذكرت اليوم سبت ماكدر اشوفها ضجت كعدت دخنت جكارة ورة جكارة وافكر بيها

مريم :كعدت الصبح جسمي مكسر مال الضرب كلت خلي اروح اغسل بلكت اتحسن اجيت نزعت ملابسي واشوف طبع الحزام والضرب بطني وايدي صايرات زركة

ضليت اتذكر الضرب وابجي كلت هوة بعدة ممتزوجني هلكد ضربني من يتزوجني شلون كملت غسل بدلت وطلعت كعدت اقرة لان اني ما احب وجبة الريوك فما اتريك
ضليت اقرة اهلي صاحوني على الغدة تغديت ورجعت هم اقرة خلصت للمغرب جان طالع فلم مصري مال دادا دودي اني احبة ضليت اباوع تعشينة خلصت وكمت مددت داريد انام وتفكير يجيبني وتفكير يرجعني نمت ..

الكاتبة :روان العزاوي
طبعا عندي قصص هواية تفاعلو حتى انزل بقية القصص
صوتو هم 🌺