الضابط والبنت العنيدة

بارت 14

فهد : صارت ساعة 9 بليل طلعنة من بيت مريم وكتلها راح اخابرج وصلنة لبيتنة كلمن راح ديرتاح من الركص والهوسة اجيت فتحت تلفوني كلت خلي ادك على مريم
اتصل وماكو مغلق اتصل وماكو كلت أكيد ما فتحتة جوز نامت من التعب

صار ثاني يوم جمعة وآني بل بيت وهم ادك عليها وماكو
مغلق كلت خرب هاي بعدها مفاتحة التلفون مبينة ثاني يوم وهم ماكو كلت لازم ارجع خاف صار شي طبعا امي نتبهت علية تكلي شبيك مثل السمجة المزوهرة
كتلها ماكو بس حسبة بالي

مريم :ضليت اقرة لو تشتغل وحبيت افتح التلفون وهم يخابرني فهد ويستفزني

كاعدة افكر ورة شوية الباب ندكيت حيل طلع ابويا اني مطلعت بقيت بل غرفة جان يفوت فهد مبين معصب وجها صاير احمر 😡
فهد:من كتلج افتحي التلفون راح اخابرج بليل ليش ما فتحتي التلفون ليش
مريم :مادري نسيت
فهد :نسيتي مو مريم مو علية ترة
مريم :مفتحتة علمود ما احجي وياك اي ديلة رتاحيت
فهد :اي كولي هيج وفضيها ماكو داعي للف والدوران
ماطول تعاندين ومنفذتي الي كلتة الخميس الجاي عرسنة 
مريم :😳لا بعد وكت مصاللنة يومين من نخطبنة
فهد :العندي كلتة اني علمود تسوين الي اكولة بعد
مريم :الدمعة صارت بطرف عيني كتلة لا عندي متحانات ودراسة كل ضني ورة الامتحانات نتزوج
فهد :كلت اني ورة المتحانات اتزوجها بس عنادج عم عليج
جهزي امورج اليوم نروح نشتري الجهاز وباجر نسوي تحايل وراها نكطع مهر
مريم : يعني صارت صدك بعد ماكو مفر
فهد :اني حروح هسة العصر اجي اخذج نروح نشتري ملابس
مريم :ماريد عندي ملابس
فهد : حتا إذا عندج لازم تشترين
مريم : اوف كلشي بكيفة عود
فهد :اي بكيفي بعدين المتزوجة تحتاج لبس اكثر 😉
غمزتلها
مريم :هذا شبي بيني وبين نفسي
فهد: كتلها يلة اني رايح ومن اجي العصر ماريد لبس ضيق وبناطير
مريم :من حجة هيج اني كلت الة اعاند واللبس بنطرون وقميص
فهد :داطلع وابو علي كال متطلع عمي بعد انتة صرت منة وبينا ابقة على الغدة اني بقيت كلت عيب افشلة وهم مو كل شوية جاي ورايح
مريم :دخلت غسلت وبدلت ومادري فهد باقي بيتنة عبالي راح لان كال ارجع العصر فمن غرفتي للحمام غسلت وبدلت وطلعت رحت يم ماما بل مطبخ لكيت ماما دترتب بل صحون مال غدة
كلها ها منو يمنة
سناء : مو تدرين
مريم :مادري والله
سناء :فهد ابوج بقا على الغدة كال عيب يروح
مريم :هسة هذا شنو بقيتة مو كال العصر اجي
اجة مصطفى جان يكول بابا يصيحج
رحت للستقبال وآني لابسة تراك ربع ردن كلش حلو لون بنفسجي والشعر مرفوع كعكاية والكذلة نازلة والعطور ومرطبات دخلت
ابو على :هلة بمريومة تعالي بابا اكعدي يمي اليوم حتروحين انتي وفهد تشترون ملابس عرسكم الخميس الجاي
مريم :اي بابا ميخالف بس الدمعة بعيني
فهد : دخلت مريم والتراكسود كصيف وربع ردن والوجه صاير احمر يمكن هلكد ما مليفة هواية وكعدت يم ابوها ابوها حاط ايدة على جتفها مثل الحاضنها
اني هنا عبالك شتعلت شعل بس كاعدة يم ابوها ماكدر اسوي شي بس حواجبي عاكدها وبين معصب عليها بس هيا ولا يمها وآني محترك حرك
كعدنة دنتغدة فهية رادت تطلع ابوها كللها لا بابا اكعدي يم خطيبج تغدي ميصير
فهد :اني بكلبي ادري جاي علمود ابوج لو عليج وين مولية 😂
مريم :جبنا الغدة واجيت داكعد بابا كال اكعدي يم خطيبج اني هم رحت كعدت يم فهد دنتغدة اني كوة اكل ممتعلمة اكل  كبال احد
شوية واحس كرصة من فخذي اني كبل 🙄باوعتلة هيج
فهد :بطت كلبي اريدها تاكل تحط تمنايتين تمنايتين بل خاشوكة وتاكل كرصتهة هية كبل باوعتلي عيونها صارت بعيوني
مريم :شبيك 😒
فهد : اني جبت خاشوكة مليانة تمن وكلتها كتلها هيج اكل مو تمناية تمناية
حسيتها حمرت على خضرت 😂
تريد تحجي متكدر لان حلكها متروس اكل
اني هنا متت ضحك عليها اني طبعي جريئ وما اخجل من شي
مريم : اني من خجلتي مادري وين اروح واختنكت اللكمة جبيرة واريد ابلعها متنبلع بسرعة أريد احجي ماكدر وضليت بس تووتوو
والكل يضحكون 🤦
الفشلة فووول

الكاتبة :روان العزاوي
حبايب تفاعلو علقو شاركو القصة ويا صديقاتكم اصدقائكم تابعوني حنشر قصص اكثر وانشرلكم قصة حياتي إذا تحبون طبعا قصت حياتي بيها هواية مطبات اكتبولي بل تعليقات إذا تحبون انشرلكم قصتي
وشكرا 🤍🌺