مريم :شترينا كلشي ورجعنا دخلت للبيت جبنة تقريبا كلشي
فهد :وصلت مريم لبيتهم وكتلهم خميس الجاي العرس وآني بعدني ممحضر شي الي لا مشتري غرفة جديدة كلت خلي اطلع بوجهي لبغداد أشتري كلشي واحجز كلشي
رحت لبغداد حجزت غرفة لون بيضة وبيها ذهبي و وحضرت كل اموري ورجعت لديالى دنكطع مهر ونسوي تحاليل صارت يوم الاثنين اخذت أمي ورحت لبيتهم
مريم : بقينة هل يومين ماكو شي نفس الروتين ماما راحت جابت جنط للهدوم كالت علمود نلحك نسوي كلشي حضرنة الجنط والملابس وآني الدمعة بطرف عيني إذا ارمش تنزل بس مبينت شي
خابرني فهد كال باجر نروح نسوي تحاليل وجبت غرفة وخلصت كل شغلاتي بقت بس امي وصكر يعزمون لان اني بعد عندي هواية شغل من ضمنهم عشة العرس والمسواك وملابس الي ونواقص البيت ان شاء الله باجر نسوي تحاليل وبلكت نلحك نكطع مهر واذا ملحكنة نخليها على عكب باجر واطلع لبغداد باجر تجي امي وياية تريد تفرح بية
مريم :هلا بيها
فهد :شو بس هلا بيها وآني ماكو هلا بيك 😏
مريم : لا مو هلا بيك 🤭
فهد :صدك ؟
مريم :امممم
فهد : ماشي باجر جاي واشوف تبقين على نفس كلامج
مريم :اي ابقة على كلامي
فهد : يلة باي روحي نامي احسن
مريم :اي والله خفتا وراحة 🤭😂
فهد :بصيطة باجر جاي واشوفج
مريم :دوختني ترة باي
فهد :دوختج موو ؟
مريم :اصلن انتة أكبر دوخة بحياتي
فهد:قصدج احلة دوخة بحياتج بس متعترفين
مريم : على الراشديات اليومية ماكلتهن من ايدك لو لحزام الي زوركتني بي
فهد : انتي عنودية ومتسكتين من اكلج شي تسوين عكسة شتريدن اضل اباوع عليج مثلا
مريم : ديلة كافي اسكت 😒
فهد :شوفي تضوجين من الحقيقة
مريم : امممم 🙂
فهد : يلة روحي نامي باجر ورانة فرات هواية وتريكي لان حيسحبون منج دم
مريم :اوك يلة باي
فهد :الباي مالتج جافة شو
مريم :شلون ؟
فهد :لا هيج ماكو شي باي 👋
مريم :باي سديت التلفون ونمت كعدت الصبح تريكت شوية واجة فهد وامة باستني امة كالت شلونج بنيتي
كتلها الحمد لله
ام فهد :فهيد مستعجل خلانة نركض ومنلحك
كتلة يمة صالك 30 سنة ما مفكر بل زواج بس خطبت مطولت اسبوع تريد تتزوج شبيك يمة منو ديركض وراك
والله يا ام مريم مدري شنسوي مدري نشتري غراض مدري نتسوك للعرس مدري نعزم كلشي ركض بركض البارحة اجة كال باجر نسوي تحاليل كتلة لعد اجي وياك يمة لازم افرح بيك شكم فهيد عندي اني
سناء :اي والله مستعجل مبين والله يا ام فهد ربي يفرحج بي ان شاء الله وتشوفين جهال جهالهم ومريم بتج ومتقصر ان شاء الله
ام فهد : فهيد من شاف مريومة كبالة بعد راح صبرة كلة 😂😂😂 واذا على مريومة هية هم بنيتي حالها حال بنتي سرور الله شاهد
مريم :اني رحت ابدل وبقت امي وام فهد يسوولفن فهد دزلي رسالة بل تلفون مريم بنطرون ماكو والله اشكة عليج إذا اجيتي لابسة بنطرون
هففف من هسة يتشرط
لبست فستان لون زيتوني وشال بيجي وحذاء وجنطة بيجي ومكياج كلش خفيف ورشيت عطر وطلعت
ام فهد : يمة صلاوة على النبي طالعة تخبل مريت وليدي يمة إنشاء الله تتهنة بيها فهد
فهد : شفتها اجتي وعطرها ضرب براسي امي ضلت تصلي على النبي بس آني عيني عليها طالعة لعابة اجيت يمها كتلها ها حسيبة هاي شطالعة اليوم😉
مريم : هفففففف مارد عليك يلة
فهد :يلة امشو تئخرنة ترة ساعة 10
صعدو بل سيارة امي بصفي وهية وامها ليورة كعدو
وآني عيوني عليها بل مراية مال سيارة
وصلنة للمكان الي نسوي بي تحاليل الزواج نزلو كلهم ومشينة كعدنة على مصطبات لحد ميجي سرانة كعدنة واشوف الانضار كلها عليها
هاي وين اضمها ياربي كلها تباوع عليها
الكاتبة :روان العزاوي
حبايب تفاعل ماكو ليش مع العلم يومية دانزل 4او 5 بارتات وماكو اي تفاعل شاركو القصة ويا صديقاتكم صوتو من تقرون القصة علقو خلو رئيكم بل قصة 👍
🌺🤍
