الضابط والبنت العنيدة

بارت 19

مريم : صارت دنيا ليل خلصنة عشى اجوي بيت عمي تعلولة واجة مرتضى وياهم يريد يشوف آخر الاخبار
مرتضى : كاعد وياهم واريد اعرف شصار شسوو صدك حتتزوج ماكو مجال بعد
ابو محمد : باجر الولد كلكم تبقون بيتنا علمود النسوان تأخذ راحتها 
ابو علي : اي والله لازم نخلي النسوان ياخذن راحتهن
مريم :بقو يسوولفون وآني ترخصت منهم كتلهم حروح انام تعبانة وراية كعدة طويلة باجر
اجيت دنام وفهد دزلي رسالة نايمة كاعدة سويت نفسي نايمة غلست ونمت 😂
فهد : وصلنة لبغداد وضلينة نحضر للحنة صار الليل دزيت لمريم رسالة شافتها
ادري بيها كاعدة بس غلست
نمت وكعدت ثاني يوم يوم الحنة هم ديحضرون واجوي  عمامي كلهم وبناتهم  ونسابتهم  ولدهم
وخالاتي بحيث نزلت قيق واذبح ماكو محط رجل من الهوسة
رحت زينت وشسورت ولبست عباية ودشداشة وعكال والشوارب طلعت فدشي
مريم : كعدت كبل رحنة للصالون اني ونور وشمس علي اخويا ودانة كال خلصو ودكو علية بنات اخوية بقن يم ماما وبنات عمي وزوجت عمي بيتنة
لبست بدلة سودة بحنتي وبيها ذهبي فدشي وتسريحة شوية من شعري مرفوع والباقي نازل ومكياج أول مرة اخلي هلكد يبو معرفت نفسي 🤭😂
ونور لبست فستان احمر وشمس فستان بيجي وهم مكياج وتسريحات طلعن حلوات بس آني ام الصالون كالت طالعة ملكة خابرنة على علي كنالة تعال يلة خلصنة
اجة ورحنة لكيت البنات مشغلات الديجي والاغاني دانزل ومرتضى اجة مد ايدة دينزلني باوع علية جان يكول ياريت هذا اليوم صاير الي مو لغيري والدمعة بطرف عينة
دخلنة وكعدت بل استقبال ودك وركص كلهم البنات يغنون ويركصون وباركنلي  كومني ديركصني وياهن
فهد: صارت حنتي ونزلت جوة شباب وشيوخ وضباط و اصدقائي كلها جاية وهم يركصون عبالي اروح احنيها بس مكدرت لان عالم هواية وشوية الطريق مو قريب يرادلي بل ساعة روحة وساعة جية وعيب هاي العالم اعوفهم  صار الليل كتلهم كافي رحمة لهلكم اختموها عاد باجر هم وراية حفلة تعبت
حمزة : تعبت مو لو تريد ترتاح وتشبع نوم باجر وراك سهرة 😉
فهد : انتة تقرة الي بكلبي
حمزة اني حصعد ابدل وانزل
حمزة : دصعد اصعد اني موجود 😉😂
فهد : بقة بالي يم مريم أريد اشوفها شلونها طالعة فضول يقرة ألف
خابرتها كتلها افتحي كامرا اشوفج
مريم : لا لتشوفني ميصير
فهد: دنجبي شنو ميصير مرتي شرعا وقانون هسة اجي اخذج ترة
مريم : هلو هلو دكعد راحة خالة فهيد 😂
فهد: حسيبة افتحي كامرا كتلج ترة اجي اموتج
مريم : تموتني يلة موتني علوا
فهد: افتحي كامرا عادددددد طرشة انتي
مريم : لا عيب لابسة صلوخ ميصير
فهد: كل هل عالم الي شافوج اليوم محجيتي بس من يمي صارت عيب
ها صدك ولج خما ولد شافج
مريم : هففففف يا ولد الولد كلهم بيت عمو محمد اصلن 😏
فهد : شوفيني عاد
مريم : سد عيونك 🙄
فهد: إذا أسد عيوني ششوف بلله
مريم : اممممم ماشي خلي اخلي شال واجي 😉
فهد : شكو شال ترة زوجج اني خبلة
مريم : بكيفي والله
فهد : يلة عمي قابلين
مريم : فتحت الكامرا وهوة فتح كامرا جان يبقى فاتح حلكة  كتلة شبيك شو صفنت
فهد :خرة بئبوج على هل جمال لج تصفنين وربي انوب لابسة اسود بوياي ربي ليش ما رحت اليوم فاتتني
اكلج طكيتو صور دزيلي أريد ابقة اشوفهن
مريم : اكلك هوسة بيباي هسة
فهد: لتنهزمين دزي الصور
مريم : يمة منك ولا تنسى اوك ادزلك بس شتسوي بيهن 🙂
فهد : مرتي واريد ابقة اشوف زين
مريم : اوك دزيت باي حاليا اروح  ابدل لان تعبت اليوم والبدلة ثكيلة وراسي حينفجر
فهد : اي ارتاحي زين باجر وراج طريق وتعب هواية 😉
مريم : اي هم صدك يلة باي
فهد : باي بس
مريم : ليش شتريد
فهد: أقل شي بوسة
مريم : لتنسة الشروط 😏
فهد : واذا شروط هذا من ضمن عقابج ادري بيج تكرهيني 😒
مريم : اي اكرهك واموت منك باي
سديت التلفون ونهزمت لان مو ناوي يسد الاتصال
اخذت ملابس وشمس فتحتلي البدلة وفتحت التسريحة وغسلت وطلعت رجعت نمت لان باجر هم ورانة يوم طويل
فهد سدتة بوجهي وراحت وآني بقيت اتكرضم نزلت ويا الولد لمينة الكراسي البرة وضلينة نسولف شوية ودخلت للبيت ضلن خالاتي وعماتي يهوسنلي ويهلهلن
صعدت دخلت للحمام غسلت  ونمت

الكاتبة : روان العزاوي 🤍
تفاعلو حبايب شاركو القصة