الضابط والبنت العنيدة

بارت 3

كتلكم بدلت وكعدت بديت اقرة لان هذا آخر شهر النة وراها دخول البكلوريا والبطايق وكذا
كعدت وامي صاحتني
سناء :مريم تعالي ساعديني شوية بيت عمج بعد شوية يمنة يجون يتعللون خلي نحطلهم اكل
مريم :اجيت ماما اجيت
شمس :دكافي كومي لتضلن تصيحن يم راسي ترة موتوني شلون ماكو راحة بهل بيت
مريم :شو دكومي يلة كومي النهار كلة لو نايمة لو بيت عمي شوكت تساعدين بشي تسوين شي تضلين طفلة انتي
شمس :معليج بية وخري يلة امشي روحي يم امي

مريم :اولي مو
شمس :اي
مريم :اني اعلمج
شمس :شحتسوين يعني مثلا
مريم :اجيت يم رجليها وجان اسحلها من الجرباية وكعتها ونهزمت
شمس :اوكفيلي اوكفيلي إذا ما سويت بيج الأكثر اني اعلمج
مريم :ههههههااا شتسوين سوي ما اخاف
رحت يم ماما اجوي بيت عمي طبعا بيت عمي عدهم ولد يحبني واسمة مرتضى اني بل نسبة الية ما احبة بس هوة كال بس اخلص السادس اجي اخطب مريم وحتى اهلي يدرون يعني اني لا موافقة ولا رافضة كتلهم كلشي بوكتة حلو ما احجي اي شي
صبينة عشة اني وآني وتعشو ولملمنة وزوجت اخوية غسلت مواعين العشة وآني بقيت كاعدة بل هول اجتي زوجت عمي وبنات عمي وامي وشمس ونور وبقينة نسولف والزلم بل استقبال اخوتي كلهم وولد عمي 2 وعمي وابويا
سويت كهوة ورحت قدمتلهم اني ما البس حجاب من ولد عمي لان رابين سوة فمتعودة يعني 
العم ابو محمد :هلة عمي مريومة صايرة مرة وحليانة
ومرتضى كاعد يكلة اي يابة مبقة شي
اني بقيت بس اباوع وابتسم محجيت شي وطلعت
رجعت قدمت للنسوان
وديت الصينية ورجعت كعدت وهم رجعت اسولف ويا بنات عمي ميار ومنى على الدراسة وهل سوالف

صارت ساعة ب12 راحو لبيتهم
سناء :يلة مريومة حبيبة كومي لمي هاي الهوسة ونضفي المطبخ ونامي
مريم :شنو يوم ماعدكم بنية غيري
سناء :يمة غير انتي بنيتي الجبيرة الشايلة همي
مريم :يلة قشمرويني قشمريني بهل سوالف
رايحة اغسلهن.
رحت غسلتهن واجيت صارت ساعة 1 على ما لميت الهوسة كلها
مددت وضليت اتكلب بل فراش بس أريد انام وماكو بقة بالي الموقف مال اليوم مال الولد الي صار كبالي ضليت ابتسم بيني وبين نفسي
صارت ب2 وما احس غير الباب نفتحت علينة بس هل مرة مو دفرة دخل هوة جان يكلهم لحد يفوت بقة كبالي وآني ركضت داريد احط شي على راسي