الضابط والبنت العنيدة

بارت 9

هوة كال لابوية حنجي نطلبها يوم الخميس ابويا نصدم وهوة طلع ابويا محجة كدامة شي من طلع اجة ابوية عليا وكال
الاب:احجي بابا شنو هل خطوبة المفاجئة سووالج شي احجي بابا لتسكتين
مريم :لا بابا بس حجيت لبابا وكتلة لو يتزوجني لو ياخذك ويعذبك كبال عيني وآني ماقبل تتئذة شعرة منك غير اتخبل إذا يصيرلك شي وهية فترة 6 اشهر ويطلكني
مو هواية اتحمل شلون مجان
وشرطت عليه هم يكون زواج على ورق
الاب :لا بنتي خلي يسويلي اي شي ولا تتئذين انتي وبعدج صغيرة شفتي من حياتج
مريم :عادي بابا اني موافقة اتئذة ولا انتة حضني ابويا واجة صاح اخواني علمود يفهمهم السالفة بس امي وشمس وزوجة اخويا ما كللهم عن الحقيقة كللهم حيتزوجها لان حبها ورادها
دخلت غسلت وبدلت اجوي بيت عمي وكل عادة نسولف كلهم يسئلون مريم شبيج شو مو على بعضج صاير شي اكو شي مرتضى يباوع علية ويئشرلي بيدة كتلهم هاااا
الاب :لا ماكو بس كبرت بنيتي وكامو يجوها عرسان
الكل 😳 نصدمو
الاب :ابو محمد شعدك الخميس ؟
ابو محمد :ماعندي شي خويا
الاب :لعد حضر نفسك الخميس خطبت مريم
مريم :اني اهنا نزلت دمعتي وكمت
ابو محمد :شهل حجي ابو علي مو تدري مرتضى رايدها لمريم
مرتضى :عمي انتة مو تدري بس اخلص سادس اني اخطبها ليش تسوي هيج اني ابن عمها اولة بيها من الغريب
والله متنطونياها انهي عليها واخليها معلكة لا للسما ولا للكاع
الاب مرتضى هدي هدي وتعال افهمكم السالفة
حجيت الهم السالفة كلها
ابو محمد :خويا خليها تتزوج ما دام انتة تتئذة اني ما أقبل
مرتضى :يعني 6 اشهر معقولة مراح يتقرب الها
الاب :هذا شرط غير لازم يقبل
ابو محمد :مرتضى هية 6 اشهر تحملها بويا شلون مجان
مرتضى :أريد اروح احجي وياها
الاب : روح عليها
مرتضى :رحت عليها للغرفة باوعت عليها لكيتها غاسلة بدموعها
كتلها حتتزوجين حتعوفيني وآني انتضر يوم يوم بس اخلص امتحانات واخطبج تالي حتروحين من ايدي
مريم :اني صح مرتضى ما احبا بس احترمة لان ابن عمي وربينا سوة  وين اتزوج واحد يحبني وين اتزوج واحد يريد يعذبني
مرتضى شبيدي اني بس فهمني 😭
مرتضى :كافي يل غالية هنة 6 اشهر اتحملهن شلون مجان أول وتالي ترجعيلي بس ديري بالج على نفسج 

مريم :اباوع مرتضى حاط ابدا على ايدي وعيونة علية وآني ابجي وهوة هم اني مو ابجي على مرتضى لا ابجي على مصيري مادري شحيصير بية ميصير
اجة مرتضى باسني من راسي وطلع
مريم :طلع مرتضى وآني تعبانة نعست شوية ونمت
كعدت ساعة 7 المغرب غسلت وجهي لكيت اخوتي وابويا كاعدين رحت كعدت يم بابا على القنفة واخوتي عود ديشاقوني 
مصطفى :مريمة حتتزوج واشحت شمس من الغرفة وتصير الي
مريم :تحلم والله قابل اني حروح لغير قارة ترة هياتهة بغداد
مصطفى :متكدرين يومية تجينة ادري بيج تضوجين من الطريق وتلعب نفسج
نور مرت علي :عاد هية والله مشهودلها
تتذكرين من اخذناج ويانة لبغداد هذيج المرة شسويتي بينة الزواع مالتج صار حتة على رأس لولو 😂
مريم :ولج فضحتينة هاي اني لا لا مو اني متهومة 😂
نور :لا خيالج الي دمر الكشن الورة كلة
مريم : اكلج ورانة عشا كافي 😂
صبيت امي العشة وكعدنة كلنة سوالف وضحك لملمنة ورحت للغرفة
شمس :معقولة مريم حتعوفيني
مريم :اي علمود تقدرين النعمة العندج
شمس :لج والله احبج شعندي قابل شكم اخت
مريم :تعالي حضن اشبعي مني قبل لا اروح وشموسة الله عليج اعتمدي على نفسج وصيري جبيرة شوية وحسي بئامي مو تضلين على زعططتج
شمس :اوف هستوج جنتي خوش اخت شكلبج
مريم :غير دحجي علمودج اني
شمس :ان شاء الله يلة بس سكتي نفتح لسانها بعد شيسدة
مريم :كافي كومي طفي الضوة خلي ننهمد باجر سبت وعندي دراسة وامتحان يوم الاحد وبعدني كلشي ممحضرة
جدول الاحد يكسر الضهر
شمس :يلة كمت عجوزية 😝
مريم :🤦نهمدي لتنكتلين