الضابط والبنت العنيدة

بارت 24

مريم :طبعا شكيت بفهد عندة شي فهد متغير كلش

فهد : بعد ما حجيت ويا مريم هذاك اليوم كتلها الى اخليج معلكة لا الي ولا لغيري كلت لازم اخليها تغار تحبني اقلها مثل ما اني احبها من موجودة كدامي اسوي نفسي داحجي ويا احد علمود اضوجها بس آني لا احب غيرها ولا اكدر اسويها
اجيت مسلمت عليها كلت خلي تحس بغلطها  مو بس آني عندي اخطاء هية هم
شفتها صعدت سويت نفسي داحجي ويا احد كامت بس تلعب بل كنتور لا تطلع ملابس ولا شي كلت هاي أكيد خطة منها
مريم :  احم استاذ فهد شنو متريد عشة
فهد : نعم ست حسيبة وياية تحجين 
مريم :  شبيك وياية انتة
فهد:مابية شي مو انتي تريدن هيج صرت مثل متريدين
مريم : اني مكلت بعد لتحجي 🙁
فهد: لا كلتي ماريد اسمع منك شي
مريم : زين وية منو تحجي بل تلفون
فهد: ميخصج هل شي
مريم : يخصني اني مرتك
فهد : هسة تذكرتي بية المرأة تنطي حقوق رجلها مو بس بل اسم مرتك
مريم : غلست وطلعت نزلت جوة شفت خالة
ام فهد: يمة مريم شتسوين اهنا
مريم : أريد اباوع تلفزون
ام فهد : يمة اليوم زوجج اجة كومي اصعدي يمة فهد يحبج والله بدلي وتمكيجي يمة الرجال يحب هل سوالف
من يصير عندج جهال تكومين تتحصرين على هل ايام
كومي يمة كومي اللبسي وتدلعي يمة
مريم : ان شاء الله خالة
صعدت اخذت ملابس من الكنتور اخذت دشداشة قصيرة مال نوم ودخلت للغرفة شفت فهد نايم خليت فراشي ونمت
فهد : سمعتها دخلت للغرفة سويت نفسي نايم وتغطيت واباوعلها من جوة البطانية لابسة دشداشة قصيرة طالعة تخبل نزلت فراشها ونامت تئكدت منها نامت رحت بستها من راسها وغطيتها كتلها اوف يبت كلبي شسويتي بية وبكلبي
كعدت الصبح دخلت للحمام وطلعت حطيت بس المنشفة نسيت اطلع ملابس
مريم : فتح الباب كعدت بس باوعت هذا بس بل منشفة رجعت غطيت راسي بل بطانية
فهد : طالع طالع بس اجيب ملابسي
مريم : اخذ ملابسة وراح وآني كمت شلت فراشي ومشطت رجع اجة كاشخ اني بس اباوع ماكدر اكولة وين رايح
فهد : اجيت يمها على المراية مشطت ورشيت عطر والساعة والمحبس باوعت عليها ضايجة عفتها وطلعت
خابرت حازم وطلعنة
مريم : بقيت اتصفن كلت شنو معقولة اني داغار عليه
ليش داغار اني يمكن ماريد احد يشاركني بشي اوفففف مادري شبي عقلي
نزلت غسلت المواعين وسرور نضفت وخالة طبخت الغدة
ام فهد : يمة شو ما اكلتي
مريم : والله ابد ما اشتهي الريوك
كملت صعدت نضفت الغرفة وعزلت الكنتور لان كلما اطلع ملابس يتخربط يراد اجيب لاصق واللصق الملابس بلكت يبقن مرتبات
صارت ب1 اجة افهد سويت نفسي ممهتمتلة
فهد : طلعيلي تراك حروح اغسل غسلت ورجعت لفيت المنشفة علية وطلعت
مريم : اجة بس بل منشفة اني باوعت الة ورجعت نزلت راسي وغمضت عيني
فهد : هههههه خجولة يمة كل هل السان وياية وتستحي مني
مريم : فتحت عيوني سويت نفسي مخجلت  عود أريد اكحلها بعد ما عميتها  كتلة اني ما اخجل ولا اخاف
فهد : اي مبين عليج متخجلين تعالي لعد
مريم : نازلة جوة يمكن امك دتصيحني بضحكة وركضة
صبينة غدة وصحناهم اجوي تغدو وكعدنة على الاكل صكر وفهد سوالفهم الي متخلص ضحك وشقة
فهد كبل كال جاي سويت الجاي وغسلت المواعين صبيتلة الجاي هوة بقة كاعد جوة اني صعدت غسلت وبدلت لبست فستان كصير كلش حلو سويت شعري ومددت على الجرباية
فهد : دخلت لكيت مريم نايمة والفستان صاعد طالعة تخبل اجيت بستها من خدها يابة عطرها يخبل
نمت بصفها على الجرباية وبقيت حاضنها واشتم بيها  منمت ابد اريدها احبها اموت عليها مو بس احبها
صارت دنيا العصر
مريم : كعدت لكيت نفسي بحضنة هوة يشتم بية ويبوس بية بقيت سويت نفسي نايمة ورة ساعة سويت نفسي كعدت كتلة هاي شتسوي يمي اهنا
فهد : ترة انتي نايمة بمكاني يحلوا
مريم : ها جنها طردة
فهد:مو طردة عيني نامي اهنا شريد منج اني
مريم : حتذلني مبين
فهد: بعد إذا تنامين بل كاع اموتج يلة رتاحيتي هسة
مريم : اي اصلن كعدت من النوم مرتاحة
فهد: طبعا ترتاحين يمج فهد
مريم : الله يسلمة ابو الوكفات فهد اضرب من عادل امام
فهد : شقصدج
مريم : لا هيج 😂😂😂
حنزل تريد شي
فهد: اوكفي تنزلين هيج
مريم : ليش شبي
فهد : دمشي غيري لا اموتج والله
مريم : هسة هوة منو اكو بس خالة وسرور
فهد : خايف عليج من امي اخاف تغتصبج😂😂😂
مريم : لا يمعود المرة عاقلة 😂😂
فهد : شعندج نازلة
مريم : لعد شعندي اهنا
فهد : اني موجود شنو متريديني اروح اطلع
مريم  : شسمها الي تطلع وياها
فهد: منو ؟

مريم : شعرفني بيها انتة تعرفها اكثر تحجي وتضحك وياها اكثر مني

الكاتبة : روان العزاوي 🤍
حبايب تفاعلو