مريم : كلت بكلبي هوة انتة قابل حتتزوج زواج بشروط مثل زواجنة
كمنة تغدينة وغسلت سرور المواعين راحو كلمن دخل الغرفتة اني بقيت اخذ صفنات بل هول ونعست كلت اصعد انام قبل ميجي أكيد ميجي هسة اخاف انام بل هول وتصيرلي مشكلة تجرئت وصعدت فوك نمت
فهد : طلعت وبقيت افكر بيها تغدينة اني وحازم ورجعت للبيت دخلت هدوء كلمن بغرفتة
صعدت كبل فوك شفتها نايمة على الجرباية والشعر مفتوح ياربي شلون اعوفها وآني ميت عليها احبها اي احبها اعشقها هم لزمت ومددت من جهة الثانية بقيت باوع عليها جان انام
كعدت على صيحتها
مريم : شكو نايم يمي وحاضني منو سمحلك
فهد :شكوووو
مريم : كعدت لكيتك حاضني ونايم يمي ليشششش
فهد : شبيج تخبلتي
مريم :اي تخبلت
فهد : تعالي افهمج كلشي وانتي بكيفج بعد
مريم : هم افهمج ماريد افهم اي شي منك
فهد : شكد تعاندين انتي عليمن هذا عنادج
ترة اني ما اخسر شي انتي الخسرانة
مريم : طبعا من تزوجتك خسرت كلشي بحياتي
فهد : لعب الشك بكلبي كلت أكيد جانت تحب ومن تزوجتني خسرت
احجي شنو خسرتي احجي فهميني
جنتي تحبين احد قبل ما اتزوجج
احجي لتخبليني
مريم : برود اعصاب وانتة شكو مهتم لهل درجة
فهد : هسة تئكدت ولذالك مردتي اتقرب عليج مو
ولذالك تريدين اطلكج وتخلصين مني
مريم احجي يلة لتسكتين منو هذا احجيييي
مريم : معليك ولتدخل بحياتي
فهد: هااااا باوعي طلاك تحلمين اطلكج ويا مريم إذا مخليتج معلكة لا انتي الي ولا انتي لغيري اني ما اكون فهد لج اني حتى من سويت شي مو برضاتج بس لمصلحتج علمود لحد يجيب طارييج بل موزين آني أعرف عمامي
مريم : اي انتة اناني كلشي يطلع منك
فهد: اششش ماريد امد ايدي عليج دكول مريضة
مريم : لو مو مريضة تضرب عادي لان انتة كلشي عندك ضرب عبالك حيوان بين اديك مو بشر
فهد: مريم سدي حلكج عاد مالي خلكج
مريم : نازلة احسن
نزلت وبقيت جوة تعشينة وغسلت وفهد ابد منزل كلت شنو ميمل
صعدت شعري مبلل مشطت كبال المراية اخذت فراش من الكنتور ونمت
فهد : شفتها صعدت وشعرها مبلل محجيت ولا كلمة وياها ولا هية بس بقيت اباوع من جوة التلفون عليها جان اروح تفرش وتنام بل كاع كلت خليها تسوي الي يعجبها بقينة اسبوع على هل روتين كتلهم باجر اني حروح للدوام وصيت امي على مريم وعلى البيت وصعدت دانام اجتي مريم وراية
مريم : فهد باجر حتروح لديالى
فهد : ايي
مريم : وديني لهلي وياك
فهد: شعندج بعدج مصالج اسبوع من عفتيهم
مريم :😕 اني شتاقيتلهم
فهد : متروحين امشي وخري من يمي
مريم : شبيك اني شسوي اهنا لعد ضوجة والله
فهد : من اجي اسبوع الجاي اوديج تشوفيهم
يلة روحي نامي
مريم : هل فترة احس فهد صاير كلش معقد وكئيب
كعدت الصبح ساعة 7 على صوت فهد ديريد ينزل جنطتة كتلة ها حتروح
فهد : شدتشوفين لعد
مريم : اسويلك ريوك
فهد : لا ماريد
مريم : اوك براحتك
فهد : اني نزلت وكلبي يكلي اشبكها بوسها قبل متروح بس ماكدرت كرامتي فوك كلشي
مريم : راح فهد واحس البيت ماكو بي اي صوت من بعدة هدوءءء ملل ماكو لا طفل لا كعدة وسوالف هواية وشقة
الصراحة مكانة بقى فارغ شتاقيتلة
بقينة 7 ايام هوة بل دوام ولا خابر ولا سئل يتصل بس على امة علية ميخابرني بقيت ابجي لو اخابر اهلي لو اباوع يوتيوب لو انزل اسوي كيكة حلويات خالة ام فهد تطلع مرات تسولف وتضحك ومرات تبقى بغرفتها سرور هم نفس الشي
صار يوم نزول فهد من دوامة
بدلت لبست فستان ربع ردان ومكياج خيف جبت الكاوية سويت شعري طلعت غير شكل نضفت الغرفة وعطرتها ونزلت بقيت انتضر كاعدة على نار دخل فهد بس ما انطة ردت فعل من شافني حتة شلونج مكلي سلم على امة وعلى سرور وصعد وآني بقيت واكفة
سوينة العشة امة صاحتة كال ماريد
كلت أكيد بي شي معقولة ميحجي صعدت سويت نفسي أريد اخذ ملابس شفتة شايل التلفون يكتب ويضحك
كلت هذا أكيد عندة شي كمت اتقصد اطلع صوت باب الكنتور وماكو حتة ممنتبه
الكاتبة روان العزاوي 🤍🌺
تفاعلو 🙁
STAI LEGGENDO
الضابط والبنت العنيدة
Storie d'amoreبنت تنجبر تتزوج من ضابط قاسي تابعو القصة وبعدها تعرفون شيصير
