فهد : كتلها مريم تدرين اول ما شفتج حبيتج وكلت لازم اتزوجها بس انتي اويلي منج
مريم : بس اني هم احبك
فهد : شنو مسمعت عيدي
مريم :احبك
فهد : لج احبج لا مو بس احبج اموت عليج شنو لا اموت عليج قليل اعشكج عشك مخابيل والله
مريم : يحجي وآني خجلانة كتلة خلي اكوم اغسل ونسوي غدة
فهد :ابقي يمي اليوم ماكو كومة وعلى الاكل هسة اطلع بسرعة اجيب واجي منريد حرائق😂
مريم : ليش حرائق ترة اعرف اطبخ
هوة اني جذب ما فديوم طبخت اصلن
فهد : اي مبين عليج طباخة ماهرة بس اليوم احنة مستغنين عن خدماتج 😂
مريم : يلة بعد احسن والله تسوي فضل
صار الساعة ب3
حبي كوم عاد متت جوع كوم جيبلنة غدة
فهد: يلة حروح كومي حضريلي ملابس وتعالي ليفيلي ضهري
مريم : ليش شبيك طفل متعرف تليف ضهرك
فهد: 😂😂😂 مو طفل بس انتي خطية بعدج تستحين
مريم : ها لا ما استحي
فهد : جذابة يلة امشي وياية لعد
مريم : ترة انتة حتغسل مو عدنة عزيمة بل حمام
فهد: اوي انزول عليك يل جريئ بس ناقصني علج 😂
مريم : يلة لتصنف عاد متت جوع فضها 😭
فهد: فضها لو غركنة
مريم : متضحك
فهد : تعالي اضحكج لعد بقيت ادغدغ بيها
مريم : اني ميتة ضحك كتلة كافي حموت
فهد : يلة رايح والله بس إذا تجين وياية اخذكم للمطعم واذا متجين اجيب الاكل بل بيت
مريم : ها هوة احنة صدك صاللنة هواية مطالعين
فهد: اني خيرتك فختاري مابين الجنة والناري وانتي بعد بكيفج ترة قبل شوية شفت كلشي بعد شكو مستحية
مريم : يلة راح اجي بس تتئدب😂
فهد : اي اتئدب ليش لا دمشي امشي يلة
يلة مريم حضري نفسج دنروح للمطعم خلي انزل اشوف الميتة الجوة صدك عبالك ميتة خلي هم تبدل دنروح بس لتخلين مكياج صدك
مريم : فهد حباب بس شوية ما اخلي هواية
فهد : ماريد شي يبين تطلعين جنج قرقوز
مريم : اني قرقوز 😳
فهد : اي غير من تخلين مكياج هواية تطلعين جنج وحدة كح..
مريم : اصلن اطلع اخبل بس انتة تغار من احط مكياج قوي😏
فهد : اي اغار على حسيبة 😂
مريم : عوف اسم حسيبة عاد ترة كلش اضوج من تصيحلي حسيبة 😕
فهد : من عيوني بعد ما اكول حسيبة حمدية احلى
مريم : كافي ما اروح يلة امشي اطلع برا
فهد: اي والله تسون فضل بس آني ماخذ وياية سعدية وحسيبة
مريم : سعدية منو
فهد : سرور غير اسمها سعدية جان وهم زعلت كالت بعد ممنوع تصيحولي سعدية
مريم : هااا طلعت صاحب سوابق
فهد : اي اي دمشي يلة شكد خليتي بوجهج
نزلنة وصحت سرور سعدية وينج تعالي دنروح نتغدة بل مطعم
سرور : صدك حتطلعنة يعني
فهد : دمشي عاد انتي الخ فضنها عاد هذا الي يطلع نسوان ويا انوب شلون ثنين سعدية وحسيبة ماخذ عجايز وياية
سرور ومريم : اني شكلت مو كلنة لتكول هل اسماء
فهد :شلون ثنين وحدة اضرب من الخ
رحنة للمطعم تغدينة واكلنة واخذني لسوبر ماركت جبير اشترن كومة منة غراض ورجعنة خلصت إجازتي هل 7 ايام جانت احلى ايام علية اني ومريم طبعا امي بقت يم خالتي لان مريضة وصار وقت دوامي لازم اروح اخذت مريم وسرور لبيت اهل مريم وآني بل دوام من يصير عندي مجال شوية اجي اشوف مريم لو اتصل عليها كل شوية وكل وجبة اكل
مريم : رحنة يم اهلي رجعت الايامي يم اهلي وفهد اموت عليه كل شوية يخابرني ويسئل علية ونور حللت وطلعت حامل وشمس اجوها خطابة بس مقبلت كالت اريد اكمل دراستي بعدني صغيرة
وفاطمة طلعت عدها علاقة بحمزة صديق فهد وراح يخطبها عن قريب (طبعا دسولفلكم هل احداث على السرعة لان طولت القصة هواية )
ورة 7 ايام اجة فهد اخذنا وديالى وضعيتها تعبانة كلش وآني بقيت اتوسل بئهلي يكعدون بغداد شوية احسن
رجعنة للبيت الي بغداد اني وفهد وسرور وخالة كالت حرجع باجر لان اختي صارت زينة
رجعنة فجئة تصير عندي لعبان نفس لو الم براسي
صار رمضان وآني صايمة تعبت حسيت بدوخة شاكل اذبة كال فهد شبيج هل ايام شو تعبانة شكلج كلة تعبان
خالة ام فهد : والله يا يمة مرتك يمكن حامل بس مرتك عنودية متقبل تروح تسوي تحليل صار اكثر من مرة اكللها امشي وتكول لا يمكن من الصيام هاي
فهد : هذا العناد البيج شوكت تبطلي امشي حبيبتي اني اوديج للدكتورة واشوف شتكول
دخلنة للدكتورة ومريم ترجف لزمت ايدها والدكتورة شافتها كلتلها على الحالة الي ديصير وياها الدكتورة كالت عيني سوو هذا التحليل
الكاتبة : روان العزاوي 🤍
صوتو على الأقل حبايب مبقة شي وتخلص القصة ونبدي بقصة جديدة تخبل بس سوولي واهس علقو صوتو سوو متابعة شاركو القصة
