الضابط والبنت العنيدة

بارت 2

مريم :طلعو من البيت وضلينة نعزل بل بيت ونلملم وآني ادعي واكول كسر إنشاء الله ليش هيج سويتو بل بيت موتوني تعب
خلصنة البيت ونمت ساعة ب3 كعدت ساعة 6 كمت راجعت للمتحان يبدة دوامنة ساعة ب8 والساعة ب1 يخلص طبعا اني ملازمة خط لان احب امشي ماحب السيارة والخطوط فخلصت مراجعة ووكمت بدلت وفرجت اسناني وتعطرت وخليت واقي شمس واجتي فاطمة علية وطلعت اني ما اتريك لان ما احب الريوك الصبح اخذت فلوس من بابا واخذت اختي شمس هم وياية طبعا شمس مرات تصير صديقتي ومرات نبقة بس نتعارك
رحنة للمدرسة اني وشمس وفاطمة دنمشي وجان ولد يصير كبالي هوة هم طالب ومستعجل واحنة هم لان عدنة امتحان أول درس لازم نراجع اني اروح منا هوة يجي منا اني اروح منا يصير كبالي كتلة اوففف استغفر الله اني اليوم بوجه منو مصبحة ياربي عود داوخ جان نتضارب اني والولد ومع كتابة واكو ولد بل شارع كامو يصفكون ويسوون هااااااااااا وياهة صفكة اني ضجت كتلة شو دولي من وجهي خلي نفوت جان يضل واكف واحنة فتنة دخلنة للمدرسة وامتحنة اول شي وخلصنة طلعت وفاطمة كالت ها بشري كتلها والله راسي ديوجعني وضليت افكر عبالك الاجوبة طارت من بالي اخذ بل 70 يمكن مو اكثر كالت يلة عادي المهم ننجح
وكعدنة سولفت لفاطمة الي صار
وكملنة دراسة ورجعنة من رجعنة عبالك لمحتة كدامي بسيارة بس مو متئكدة
رجعت للبيت مسوين سمج وتمن احمر
الأم :يلة مريم وشمس امشي غسلو وبدلو وتعالن دنتغدة
كعدنة وآني احس نفسي مسدودة مدري ليش رغم اني احب السمج وتمن احمر
اكلت شوية وكمت غسلت ونمت لان تعبانة ومنايمة

فهد:كعدت وآني كل شوية افكر بيها افكر بشكلها وشلون واكفة كبالي
اجة حمزة كال ها ولك شبيك بس تأخذ صفنات متكلي شكو
فهد :لك البارحة مو دخلنة لبيت من دخلنة عدهم بنية تكول للكمر غيب داكعد بمكانة
حمزة وانتة حبيتها مو كوا..
فهد:لا حمزة مو حب بس مادري ليش خفت على هل بنية تدري الجنود الي وياية بقو عينهم عليها

حمزة :دكوم ماطول ماعدنة شي خلي نفتر بل سيارة شوية ضوجة والله

فهد :يلة امشي بس خلي ابدل ونطلع (طبعا فهد عندة مكتب وينام بي ويكعد )
رحنة دنمشي بل سيارة ومدري شلون لمحتة دتمشي ويا بنات 2
ضليت امشي على كيف بل سيارة منتبهت ابد ولا دارت وجها
من انتبهت مشينة بسرعة
كلت لحمزة اليوم لازم اروح لبيتهم لازم اطلع اي عذر
حمزة :انتة مو متحبها شكو مهتملها لهل درجة؟
فهد: كتلك اني ما احبها بس خايف عليها
حمزة :عوفها شعليك بيها قابل انتة امها لو ابوها
فهد :مممممممم هم صدك
رحنة اكلنة ورجعنة بس آني كلت أريد اروح بليل
مريم :كعدت العصرية غسلت وبدلت وسويت شعري ذيل حصان ولبست دشداشة سودة ربع ردان وبيها فتحات 2 وتطريز ذهبي
وهم معطرات ومرطب شفة ومرطب بشرة وكعدت

الكاتبة :روان العزاوي