الضابط والبنت العنيدة

بارت 17

مريم :رحنة دنسوي التحاليل اجة دورنا
فهد : سويت اني قبلها لان ادري بيها خايفة
كتلها يلة تعالي اكعدي ومدي ايدج خلي يسسولج تحليل
مريم : الجكة تئذي ؟
فهد : لا آني محسيت اصلن
مريم : هوة انتة منيلك احساس 🤭
فهد : يلة دكعدي لتخافين ترة كلها جكت إبرة
مريم : منو كلك اني خايفة اصلن هسة اسوي ما اخاف 😏مديت ايدي وغمضت عيوني
فهد :😂😂😂 متخافين مو شو سديتي عيونج
مريم : ما اخاف اها فتحت تعالي سحبي سحبي
دتسحب مني كوة نترست السرنجة
فهد : بربج سرنجة كوة نترست شنو متاكلين 😂😂😂
مريم :ترة اكل بس هية متعرف يمكن أول مرة تسحب دم شو طولت بية 😏
فهد : اي مبينة متعرف 😂😂😂😂
كالو ارجعو باجر الصبح تعالو اخذوهن وروحو للمحكمة
كتلة ماشي حبيبي
اخذتهم وغديتهم بمطعم وعصاير ورجعنة
أمي كالت امشي نرجع وباجر نرجع نكطع مهر
ابو علي : لا ام فهد هذا هم بيتكم وفهد ابنة صار ابقو اليوم وباجر اكطعو مهر وروحو هم تعب يومية رايحة جاية
ام فهد : الله يعمر داركم ان شاء الله بس والله تحضيرات هواية عدنة
سناء : ام فهد على بختج هذا هم بيتكم ميصير تروحون اليوم باجر من الصبح ترجعون هذا عيب علينة والله
ابقو وباجر علمود من الصبح نروح نجيب  التحاليل ونطلع للمحكمة كبل وانتو خلصو وروحو كملو شغلكم
ام فهد : أنتو تكولون هيج لعد راح نبقة مثل متكولون لحد منوصل لبيتنا هسة تصير دنية ليل

سناء : اي دبقي خلي نكعد اليوم ونتعلل ونسولف على ايامنة الي مضت
ام فهد: اي ولج عيني اموت على السهرات والسوالف
مريم :اني دخلت ابدل واهلي حاجين وية ام فهد يبقون يمنة اني لبست دشداشة سودة وبيها ورد احمر ناعم كلش حلوة ربع ردن وسويت كباية لان حارة مو مال انزل شعري وطلعت كالو اليوم ام فهد تبات يمنة
بابا راح ديجيب عشة كباب شوي وتكة لحم وتكة دجاج وصمون وببسي كلشي مسوينة اكل وماما ضلت تسولف ويا ام فهد  رحت كعدت يم ام فهد وفهد يباوع علية ويخزرني بيدي التلفون كتبلي الزكي يم امي بعد ترة اني حتزوجج مو امي
اني طكيتها بضحكة كبل 😂😂😂
الكل هاي شبيج :
فهد :شافت جنيتها أكيد وكامت تضحك همزين ضحكت وشفنا سنونها
مريم : اي شلون جنية سعلوة عبالك مو جنية 😏
فهد : دنحجي جان يتصل علية حمزة
حمزة : ها حبيب شو منشوفك هيج اليخطب ويشوف العروس يعوفنة بعد
ولو هوة انتة راح تبقى صايم😂😂😂
فهد : هلا حمزة شلونك ولك زمال فضحتنة كاعد يم العالم ماكدر احجي
مريم : شديحجون عن شنو شنو فضحتنة هاي شبيهم 😂🤭
حمزة : ها متجي مشتاقلك خلي اشبع منك قبل متتزوج
فهد : ادري حبيبتي انتة  😂😂😂
مريم : يا هاي يا حبية
فهد : ديلة دسد جايك جايك
مريم : من كال حبيبتي انتة كلت يمكن عندة حبيبة هلا هلا ومسوي نفسة ديحجي ويا صديقة مبين
بعدين كلت شعلية هوة 6 اشهر وانفصل عنة وتعود خلي يروح يتزوجها اني شكو
فهد : يلة اني رايح صديقي حمزة منتضرني يكول تعال خلي اشبع منك شوف  قبل لتتزوج
مريم :بصدمة 😳 هاي حبيبتة تريد تشوفة مبين مسوي نفسة ديحجي ويا صديقة  طبهم مرض نارهم تاكل حطبهم 😕
بقينة نسولف وام فهد كعدت تسولفلنة شلون تعرفت على ابو فهد وشلون صار زواجهم ومتنة ضحك

ام فهد : اني نخطبت لابن عمي وكل عشيرتنة فرحانة لان ابن العم لبنت العم قبل ماكو مثل هسة هل مكياج بكثرة وسبريل وجل وهل سوالف بيوم عرسنة عود تريد نتزوج ديسوولي شعري هوة شعري كفشة هل علاها يودو منا. ميصير يجيبو منا ميصير آخر شي اختي   كالت خلي نخبط مي وشكر ونخلي علمود يلزم الشعر
جان يخلن على شعري منة شعري دبك على تيبس على ذبان مدري منين يجيني يوكف على راسي كولي اجوي اهل العرس السيارة قديمة ومن كل مكان بيها خسفة دنمشي وطك التاير ونزلنة نمشي وآني البدلة تسحل كنست الشارع والذبان يفتر وراية والعريس مدري منين جايب القاط المهم جايبين المصور المصور غير عود ديصور شايل الكامرة ويفتر ورانة خاص العرس كنالة ها وين الصور جان يكول مو الكامرة ممشتغلة جانت ولا صورة متصورة
مريم : ام فهد تسولف واحنة ميتين ضحك وكاعدين نسمع لسوالفها تموت ضحك

الكاتبة روان العزاوي 🤍🌺