الضابط والبنت العنيدة

بارت 11

مريم :كعدت الصبح نفس الروتين ماكو شي جديد اروح للمدرسة ارجع واقرة اساعد شوية ماما واكل بس يومية من اطلع اشوفة بل سيارة من يشوفنة يروح بس آني ما مهتمتلة ابد صار يوم الاربعاء ماما كالت امشي اخذج للسوك نشتري فستان حلو للخطوبة عيب راح يجيب اهليتة كلهم  رحنة وختاريت فستان بيجي كلش حلو ردن طويلة لان بعدنة بس خطوبة فاستحي اصلن منهم
هستونة رجعنة للبيت وشفت فهد بابنا
فهد : اباوع ست مريم لابسة بنطرون وقميص مو طويل لا قصير والبنطرون لازك والوجه صاير احمر من الحر عصبت بس صحت عليها كتلها وين جنتو
سناء :بل سوك دشتري لمريم ملابس
فهد:مريم هيج تطلعين ؟
مريم :اي ليش شبي لبسي ؟
فهد :شبي مو طبي بل بيت واكلج شبي
مريم :طبيت كلت هذا شبي ليش هيج يتصرف
فهد :هذا لبس وحدة شريفة بلة؟
مريم :اشرف من عشيرتك اني
فهد : باعي هوة بس باجر وانتي محسوبة علية تصيرين وآني اعرف شلون اعاقبج
مريم :يمة ضميني خفت (بستهزاء ) ترة ماخايفة منك لو خايفة جان مو باجر انخطب الك
فهد :يصير باجر واعرف شلون اربيج
مريم :انتة متمل بس تتعارك ؟
فهد :ليش انتي تملين من عنادج؟
مريم :هههههه بكيفي والله
ابو علي :خير وليدي بيك شي رايد شي ؟
فهد :حجي جيت اخبرك باجر عمامي واهليتي كلهم جايين الحجية فرحانة ومخابرة نص العشيرة كتلها بيتهم مو كلش جبير تكول حتة لو يبقون بل سيارات
المهم نسويلك زفة لحد منروح نخطبها
وهم كلت اجيب شيخ يعقدلنة علمود مو يومية جايين رايحين
ابو علي :اي خير إنشاء الله هلة بيهم الكل بيت اخويا بصفنة نخلي اهناك الزلم واهنا النسوان وليدي لتشيل هم

فهد :كتلهم يحضرون نفسهم وكتلهم اروح اني عندي شغل وراية روحة لبغداد هم مع السلامة

ابو علي :الله وياك

مريم : طلع فهد واحس عيونة نار بيها يمكن لو مموجودين اهلي يموتني
رحت قست الفستان طلع علية كلش حلو كلت بعد شوية اسوي شعري وشي خفيف لوجهي يصير يخبل
دخلت سبحت وطلعت حطيت مرطب لوجهي ولشفتي ومعطر ورحت ساعدت ماما شوية

سناء :مالج صافنة وايدج على الخد يمكن عاشكة وبالج احد
مريم :فزيت على مثل امي وضحكت كتلها شلون عشك ابو الطكة بكلبي (راشدي ابو الطكة )

سناء :شنو يا طكة ولج؟

مريم : لا هيج ماكو شي
سناء :عبالج ما اعرفج ولج صالج شكم يوم مو على بعضج احجي شبيج صاير شي ما اعرفة فهد سووالج شي احجي بنتي
مريم :ماما ماكو شي شبيج
سناء : اي ماشي دشوف تالي وياج
مريم :يلة ماما افرش نايلون ؟
سناء :فرشي وصيحي اخوتج
مريم :تدلل الحجية ام عليوي 😂
رحت صحتهم واجوي اخوتي يتشاقون لو هذا الي يجر شعري لو الي ميكوم من الفراش لو هذا الي ادك الباب عليهم وكوة يطلعون هوة ومرتة
المهم كعدنة وكل عادة خلصنة وشلنة كلشي صارت ب9 بليل اجوي بيت عمي ابو محمد ديتعللون يمنة ابويا كللهم باجر الخطبة وكال فهد ميكفي البيت لان جايين عماما كلهم
اني نصدمت اكو واحد يريد يزوج 6 اشهر يجيب عشيرتة كلها
بقيت ساكتة محجيت حجة مرتضى كللهم اني باجر اروح لبيت خالي ماكدر اشوفا كبالي يعقد وابقة ساكت خاف اسوي شي اني اروح باجر من الصبح
ابو محمد :صار بويا روح عاذريك احنة
ابو علي : ابو محمد باجر فرغو الاستقبال نجيب كراسي
نصفطهن لان ميكفن اخاف القنفات وعيب العالم  يبقون واكفين ومو من مقامنا ضيوفنا تبقى واكفة
ابو محمد :ان شاء الله باجر محمد وعلي يجيبون هل سوالف مي وعصاير وكيك وجكليت وكلشي نحتاجة ونرتب ويا ابو مطعم نسوي لفات خاف يبقون على العشة  عيب طريقهم طويل نطلع العالم بدون اكل نسوي فد 300 لفة
محمد :ان شاء الله بويا كلة هذا الصبح نسوي والولد اهنا مصطفى وعمر يرتبون بقية الامور
مرتضى :كاعدين يخططون لخطوبتها وآني كلبي يفور

الكاتبة :روان العزاوي
انطوني رئيكم بل قصة وصوتو 🌺