Chapter 244
"ရှင်တို့က ရှောင်ရွှယ်နဲ့လည်း မခွဲချင်သလို ကျွန်မကိုလည်း သူ့ကိုမစွန့်ပစ်စေချင်ဘူး... ဒါဆိုပြောပါဦး.. ကျွန်မ ဘာများလုပ်ပေးရဦးမှာလဲ..."
ကျူးတချင်းနှင့် သူ၏မိန်းမက ဆွံအသွားခဲ့သည်။
သူတို့ကိုယ်တိုင်လဲ ဘာလုပ်သင့်လဲပင် မသိတော့ချေ။
နည်းလမ်းကျကျတွေးရလျှင် ရှအန်းက သူတို့၏သမီးလေးကို သူမ၏သမီးအဖြစ် အသိအမှတ်မပြုလိုလျှင် သူမက သူတို့ဆီမှခွဲမသွားရတော့၍ ကောင်းသည့်အရာဖြစ်သည်။
သို့သော် သူတို့ထိုအကြောင်းကိုတွေးလေလေ သူတို့၏သမီးလေးက ကောင်းလွန်းလှသော်လည်း သူမ၏ မွေးအမေအရင်းက သူမကိုအသိအမှတ်မပြုသည်က မကောင်းဟုတွေးမိလာသည်။
အကယ်၍ ရှောင်ရွှယ်သာ အနာဂတ်တွင် ထိုအကြောင်းကိုသိပါက သူမကို အတော်လေးစိတ်ထိခိုက်သွားစေလိမ့်မည်ဖြစ်သည်။
ထို့ကြောင့် သူတို့ ရှအန်းကို ဘယ်လိုဖြေရမလဲပင် မသိတော့၍ တောင့်တင်းသွားကြသည်။
"ကျွန်မ ရှင်တို့ကို အခွင့်အရေးပေးမယ်... ရှောင်ရွှယ် ကျွန်မနဲ့ လိုက်ရ မလိုက်ရဆိုတာက ရှင်တို့အပေါ်ပဲ မူတည်တယ်..."
သူတို့၏မျက်နှာပေါ်ရှိ တုန့်ဆိုင်းနေသော အမူအယာကို မြင်လိုက်၍ ရှအန်းက နူးနူးညံ့ညံ့ပြောလိုက်သည်။
ရှအန်း၏စကားကို ကြားသည်နှင့် စုံတွဲနှစ်ယောက်မှာ ချက်ချင်း ရပ်တန့်သွားသည်။
သူတို့ ရှအန်း၏စကားကြောင့် ထိတ်လန့်သွားလေသည်။
"ကျွန်မတို့/ ကျွန်တော်တို့က ရွေးရမယ်..."
ကျူးမောင်နှံမှာ ရှအန်းကို မယုံနိုင်စွာ ကြည့်နေကြသည်။ သူတို့ ကိုယ့်နားကိုယ်ပင် မယုံနိုင်ကြပေ။
"ဟုတ်တယ်... ရှင်တို့ ရွေးရမှာ..."
ရှအန်းက ခပ်ဆတ်ဆတ်လေး ခေါင်းငြိမ့်လိုက်သည်။ သူမက သူတို့ကို အခွင့်အရေးပေးနေသလို စမ်းသပ်နေခြင်းလည်းဖြစ်သည်။
"အဲ့တာက... အဲ့တာက..."
ဝမ်လန့်ကျီက ရှောင်ရွှယ်က သူမတို့၏သမီးလေးဖြစ်နေဆဲဖြစ်ကြောင်း ပြောချင်နေသည်။
أنت تقرأ
၂ ဗီလိန်၏နူးညံ့သိမ်မွေ့သောမေမေ(ရှအန်း)
قصص عامةအပိုင်း၂၀၁က နေစပါတယ်နော် Delicate Mother of a Villain Description ကမ်ဘာပျက်ကပ်ရက်များတွင် အလှတိုးခြင်းစွမ်းအားရှိသော ရှအန်းတစ်ယောက် သေဆုံးသွားခဲ့သည်။ သူမ မျက်လုံးဖွင့်လိုက်သည့်အချိန်၌ အမျိုးသမီးဇာတ်ဆောင် အနိုင်ကျင့်ခံရသည့် ဝတၳုတစ်ပုဒ်ထဲသို့ ရောက်ရှိ...
