لكل عراقي قصته

الثانـي |

لـ : بُـن الريـامي
                   ¯¯¯¯¯¯¯¯¯¯¯¯¯¯¯¯
حسين يگـول لـ هديل  :-
كرصتـي گلوبنـا من الفهـاوة البيـچ
ولوما كرصـة التنور
ماضل للخبـز كل راي
لـ حميد العبودي
__________________________________
هديل بفهاوة :منو انتو؟ ووين ولويش تجونا؟
حسين:وابو فاضل مو وكت فهاوتج.. لج اهلي لعد منو
هديل:ليش
حسين :نصلح سيراميك بيتكم.. هديل شبيج
هديل :ها
حسين :عمي الخميس جايين نخطب
هديل:تخطب منو
حسين :اخطب بيبيتج الي
هديل:هههههههههههههه
هديل /بعدين ادركت انو هو حيجي يخطبني.. اني شدامسلت عزا
حسين:ها بوية وصلنا
هديل:شنو
حسين:فتيتي گلبي وعلي..
هديل بخجل دنكت راسي:اححم اهلاً وسهلاً
حسين /وعلي فد فاهية فتت گلبي يلا افتهمت عاد خدودها وردت وخجلت.. اموت على خجلها.. عافتني وراحت للبنات شفت البنات انخبصو عليها شراد منج وشكو وهي اكتفت بابتسامة ومدنكة خجل
نور :خايبة ومرض مو شلعتي گلبي احجي وانجبي
عمر :شلتعي گلبها دحجي
نور:طبعاً متحجي غير انتو موجودين
عمر:واذا كتلج اني اعرف شنو الموضوع
نور شهكت
لِقاء :شنو شنو الموضوع العباس عليك
حمزة:بوية احنه انعوفكم تحجون وياها.. يلا شباب
نور :شنو تعوفونا متعوفونا
وقار كرصت ايد نور ع السريع
وعمر طكاها ضحكة بصوت عالي
نور همست لوقار:انتِ خوب ابقي بس كرصي كُل شوية كارصتني دفكي حلكج احجي شي مكاتلج الفضول
وقار :طبعاً اكرصج عاد ياريت لو فايد باقيات بس تچفصن فضحتنا هسه يگولون ذني ميستحن.. وبعدين متكدرن تصبرن لحد مايروحون ونفتهم السالفة من البنية متشوفوها صايرة حمرة دم.. اكيد اعترفلها
نور صاحت بصوت عالي وبحماس:چذابة
كُلها بقت تباوع لنور
محمد:خوية ماتمشون تباتون هنا خلو البنات وحدهم
حسين :اححم من رخصتكم.. نتشاوف ان شاء الله
عمر :چاو كايز
نور بصوت ناصي:روح من لا ردك الله
عمر انطه لنور ضحكة جانبية وراح
لِقاء:لج هذا يمكن سمعج
نور:يطبة هرش متشوفي شلون مسربت عفية شكد خفيف
وقار :عوفينا منهن انتِ شبيج
هديل :شسمه لكم اتقدملي
البنات صاحو بصوت عالي حتى وقار وياهم
وقار :اوووي گلبي مُبارك ربي يتممها
لِقاء :انتِ مو متقبليلها اسكتي اسكتي
وقار :ابد والله ماكو احسن من حسين وردة مال الله بس اني تخاف عليها من اسوالف الحب اخاف ع سمعتها مشفتي شسوو ذاك اليوم بالبنية
هديل:يي والله واني احب وقار تنصحني معليكم انتو
نور:دفضيها انتِ.. شوكت يجيج
هديل :الخميس
نور:بس لا هذا الخميس
هديل بتوتر :يي لكم ييي
نور:عزااا شعنده مستعجل.. لج حتى اذا تحفين وجهج يبقى احمر شعنده..شواربج خضر
هديل :جذابة
وقار:ختولي هاي معليج بيها ونبي كُلشي مبيج تخبلين.. خلي يستعجل الولد متلّهف عليج.. صلوات على النبي واله
هديل :عفية كُلكم ويايه مااريدكم تعوفوني
وقار :الاربعاء العصر نجيج ولا يهمج.. لعد شوكت ينرادن الاخوات
مريم :يي ونبي يمج منعوفج
نور:وعلي اردحلج ردح.. هم يلا من هسه نحجز صالون.. نعزم ناس يلا يلا عرس هُدهُد هيل وطش بالولاية
هديل :ههههههههه دكولي يا الله  ، دتعالو للبيت ويايه هسه نتفق
وقار :لا ماكدر والله ، اريد اروح انام شوية راسي مسطور
نور:طبعاً اذا مخلصتها سچ حتى نوم متنامين
وقار:متخلصيها انتِ سچ شبيج لعد شناقصج
لِقاء:ونبي احب قصف وقار
هديل: ديلا اني اروح حتى احاجي كُميل وبيبي
نور بغمزة:شلونه حبيب روحي
هديل :ترا اكُله
نور:لا جعلته اخي دنجبي واسكتي
لِقاء :يي يي جعلته اخي وباجر تروح تسحل نفسها علي
نور:عزا بعينجن.. ولجن مرة وحدة مدري شكد  شايفته
وقار :دعوفو هالسوالف يلا اني رايحة
والبنات اتوزعو كُل وحدة راحت لبيتها
وصلت هديل شافت بيبيتها كاعدة بالمطبخ تسوي بالخضرة
هديل :هلاو بيبي
دنكت عليها وبست راسها
بيبي:هلا رويحتي هلا بنظر عيني.. شلونج بيبي بالامتحان
هديل :الحمدلله بيبي زينة
بيبي:الف الحمدلله نعمة.. دروحي بدلي علما اكصصلج فواكه لحدما تصير الصلاة
هديل:بيبي شمسوية غدة
بيبي:مركة فاصوليا بيبي
هديل :ايييع بيبي مو تعرفيني مااحبها لويش تسويها
بيبي :چا اخوج يحبها يبيبي وبعدين شكم مرة كُتلج لتكولين على نعمة الله ايع
هديل :حشى نعمة الله.. بس بيبي مااحبها شسوي.. هاي لو كمولة مياكلها جان متفوتيها بالبيت
بيبي:يا ولج هديلة اني هيجي
هديل :لا بيبي اني اني
بيبي:ههههههه سويتلج مرگة بتيتة وياها لان تحبيها
هديل :اوووي فدوة لبيبي ورحت بستها
هديل :بيبي اكو موضوع اريد احجي بي وياج
بيبي:خير ان شاء الله
هديل:شسمه بيبي اكو ولد اتقدملي
بيبي :ميـة هلا بيبي.. منو هذا وشيشتغل اهله منو
هديل:طالب ويايه حيتخرج ان شاء الله
بيبي:هم بالسنون
هديل :بيبي شنو بالسنون.. بالاسنان ويايه ييي
بيبي:جا بيبي بعد طويلب وينه وين الزواج شلون يصرف عليج وعلى خلفتج
هديل:بيبي هسه انتِ زوجتيني وجيبتيني دكولي يا الله الولد مدري يبطل
بيبي:يا وين يلكه مثل هديلة
هديل:بعد روحي بيبي كثريلي من هالسوالف باجر امدحيني كدامهم.. بيبي ونبي عاجبني
بيبي:چا بيبي شو انتِ ماتستحين.. شنو عاجبني ولج چا كدامي دكومي كومي لا اركعج براس الفجل
هديل:ييييي بيبي غير مااضم عليج شي.. بعدين لويش جايبة فجل هو منو الياكله
بيبي:چا بيبي اني ماعندي حلك.. فدوة دكومي خلنسمع الدعاء دوختيني
هديل:عزااااا دوختج.. هاي لو كُميل يحجي چان تبقين تباوعين لحلكه وتوزعين فدوات
بيبي:چا انتِ تجيبين نفسج لابو طول الحلو.. غير حجاياته موزونة چنه العافية يبيبي
هديل :يي خلي يفيدج يي بيبي الا اتزوج واعوفكم وحيري بطنكورة ابو الحجايات الموزونة
عفتها وصعدت.. صاحت وراية تضحك
بيبي:حتى طنكورته حلوة
متت ضحك عليها بيبي تحبنا كُلش من چنا صغار ومتفرق بينا بس اني احب اتعارك وياها واعضها لو ادغدغها اموت عليها
رحت بدلت وصليت ونزلت اساعد بيبي لان كُميل بالطريق نزلت اشوف بيبي بعدها تصلي
هديل : بيبي محتاجة شي
حسنة:بس روحي كصصي البصل وخلي علي سماك اخوج يحبه هيجي
هديل:اييع استغفر الله.. بيبي ونبي تبقى بايدي ريحته كُلش مااحبها
حسنة :ولج هديلة بطلي عيارة مو موتيني بهاية عيارتج.. هسه يجيج الرجال وعود يكُلج روحي كصصي بصل وصيحي ايع الا يكسره براسج
هديل:شنو يكسره براسي غير اكسر راسه وراس الخلفوه
حسنة :ام السان .. دعوفي اني اكصصه.. خابري اخوج شو اتأخر اليوم
دخل كُميل /
سُهيل :السلام عليكم
هديل :هلاو
كُميل:وثول باباتي غير تكولين وعليكم السلام.. الحجية وين
هديل:دتصلي
راح باس راس بيبي.. وطبعاً اني اتفقت ويـه بيبي تحجي ويا ع مود حسين
كُميل :شلونچ گلبي شلونها العروس
حسنة : هههههه يا ولك
كُميل:عمي چا غير تطگين بالكاع.. خطية المرحوم يبقى يتگلب بالگبر من يجي يزورج
حسنة:انوب وصلت لجدك ولك انتَ شكد ماتستحي
كُميل:هههههههه الغالية ، اروح اصلي واجي
حسنة : دوكف يمة عندي موضوع وياك بس سد الباب
كُميل:خير حجية صاير شي.. وهاي شبيها واگفة يم الباب
هديل /اني سمعت حجه عليه طگيتها ركضة يمكن وصلت للسطح ومادري بنفسي
سُهيل /
حسنة : تعال يمة تعال بحدي
كُميل :كولي گلبي
حسنة:يمة اكو وليّد جاي على اختك تگول وياها بالكلية ورايدها على سنة الله ورسوله.. وعلى اساس يوم الخميس يجونه
كُميل: حجية اذا هم متفقين بعد شكو متدخل اني شو حتى الموعد محددي.. جان عزموني ع العرس
حسنة :لا يمة شلون..بس غير يشوف بنيتنا موافقة لا قبل ليجون ويحجون.. بعدين يصير الحجي
كُميل: چا لازم يخابرني
حسنة: اكيد يخابرلك يا يمة غير اليوم فتح الموضوع وياها
كُميل: وهدول شنو رأيها.. موافقة لا
حسنة :موافقة يمة بقت بس يجون وتشوفهم اذا خوش اوادم
كُميل:يمة حجي بيني وبينج اني مامفكر انطي هديل.. هي بس هالبنية عدنا ومسويتلنا جو وبعدها صغيرة.. بعدين نبقى وحدنا اني وياچ واني بالدوام يعني تبقين وحدج.. شعدها مستعجلة.. حجية گلبي ماينطيني انطي بنيتي
حسنة:چا يايمة تريدها تبقى يمك لنهاية العُمر.. خلي تشوف دربها.. واحنه هم لازم اندورلك على مرة يومية احجي وياك بهالموضوع وانتَ قافل
كُميل :حجية خلي اروح اصلي ونتغدى احسن
حسنة :دروح انتَ روح شيبتني
كُميل:شوكت شيبتج شو تخبلين بعدج عروس
حسنة:دكوم كوم
هديل/كُميل راح صلى ونزلنا نتغدى
كُميل :هديل بابا هذا منو الجايج ابن منو
هو كال هيجي واني احس اللگمة وگفا ببلعومي اريد احجي ماكو  ، انوب اختنكت كمز يدك ع ظهري وبيبي تصيح :عين عين الله اكبر ، قل اعوذ برب الفلق بسم الله يُمة
گلت بگلبي ياعين بيبي ماتشوفين حفيدج چفت بيها گبل دكول شي انطي تمهيدات حتى استحيت
هديت شوية وشربت مي ورجع كُميل بمكانه واني رجعت اكُل شوية وحجيت
هديل:مادري بس هو ويايه بالقسم والولد حباب مشايفة منه شي ومرتب.. يشتغل بشركة مال اثاث  هنا موجودة والاعرفه بس عنده اخو وامه.. اسمـه حسيـن
كُميل :بيها الخير.. شوكت جاي
هديل :الخميس.. والبنات خابروني.. طالب رقمك منهم وانطيته
كُميل:بيها الخير بابا  ، كملي اكلج انتِ
__________________________________
ها ويلكام بُنيااات شلونكم ؟  ، شنو رأيكم بالبارت بكُل صراحة ، شنو تتوقعون حيصير بالبارتات الجايّة !؟ لتنسون تضيفوني على الانستگرام ، لتنسون كُلش احبكُم