لكل عراقي قصته

الثـانـي والاربعـين |

لـ : بُـن الريـامي
                   ____________________

رأيتُ بحلمي أناّ التقينا
مُصادفةً حُلوةً في الزّحامْ
حديثٌ قصيرٌ جرى بيننا
سؤالٌ عنِ الحالِ ثمّ سلامْ
وأمّا العيونُ فقالت كثيراً
وازهرَ قلبِي لوقِع الكلامْ
فليت اللقاء يكونُ يقيناً
وليت الفراق حديثُ المنامْ..
_______________________________________

لقاء /
واني كاعدة العب ويه علي وكُل شوية طاكتها صفنة  ، دخّل كُميل للغرفة رفعت نظري اله ونزلتهم بسرعة اجه اتمدد ع بطنّه ولزم ايد علاوي وبقى يبوس بيها
كُميل :شوكت تكبر وتصير سَند لـ ابوك يابابا

وجه انظاره عليّه واني درت وجهي بسرعة منّه
كُميل :زعلانة مني
سكتت مرديت ، عدل نومته وعقج وجهه متوجع
كُميل:مو كلكم عليّ بابا ، چا ما مستعد اخسر كل حبايبي
رفعتله عيوني المدمعة وكُلت بنبرة عصبية :كُميل اني مو واگفة وياك وكُلتها الك اكثر من مَرة ، وهالمَرة احس انتَ غَلطان ، مااعرف ليش متوافقلهم ، واذا حبوّ شنو يعني غلطو؟ ، لو شما سوو مادام طلبّها منك ورايدها بالحلال يعني يحبها ومتمسك بيها ، واني اعرف ليش دتسوي هالشكل ، انتَ تريد هديل بس الك وكُلتها قبل ، كُلت ماانطي هَديل تربات ايدي ، زين شنو ذنبها البنية تريد تحب وتتزوج ، وهي تشوف هالانسان مُناسب الها فـ قرارها هذا وهي مسؤولة عليّ ، انتَ مرّة كُلت عبارة ماانساها "مادام الانسان بلَغ سن الرُشد فهَو مسؤول عن قراره ويتحمل نتائج افعاله"
ابتسم بس حسيتها بسمة انكسار ، ودار وجهه عنّي
لقاء :لتسوي هيجي ، مادام فتحت الموضوع ويايه كمله ، اريد اعرف السبب
كُميل :مو ابو عوّين ليكسر ظهر اخوه
لقاء :بس اني مرتك
كُميل :بس هو اخوي
لقاء :وهديل اختك
كُميل :لان اختي اني جاي اسوي هيج
لقاء :دتحرمها من حُبها
كُميل :احسن ما احرم نفسي منها
لقاء :هاي انانية
كُميل :هاي تضحية
لقاء :بشنو ضحيت؟
دار وجهه عليّ وحجّه بهدوء
كُميل: ضحيت بسعادتي ، ووگفة اخوي وحب اختي الي ، ضحيت بثقة مرتي ضحيت بكلشي ، لقاء بداخلي بركان ، خليّ يحرك بيّه احسن مما ينفجر ويحرك الداير مدايري
لقاء :احجيلي  ، دتأذي نفسك هيجي
كُميل : اني وصحتي وراحتي وكُلشي بيه يروحلكم فدوة ، انتِ بس اسنديني اني كلش زين
لقاء : مااكدر اصير عصا تستند عليّها انتَ بس تنضرب اختي بنفس هاي العصا
كُميل : لقاء
لقاء :ها
راد يحجي شي گبل اتراجع وسكت ، اتعوذ من الشيطان واستغفر وكام وعافني

هديل /
شبعت قهر وبجي كُل الي ديصير من وراية، بقيت ابجي لحدما نمت ، لـ الليل كعدت اتوضيت وصليت واحس نفسي مالي خُلك اسوي اي شي ، وبنفس الوَقت مارايدة اي شَخص ، لزمَت فوني ، اجت عيني على رسايل فقار ، حاولت اتخطاهُم ورحت ع الفيس شفته ناشر صورته وفوكاها
ذوالفقار : "ثم تجد نفسك مجهولاً في الوجهة الوحيدة التي اخترت فيها الوضوح"
دخلت عـ التعليقات وشفت الي معلقيله كومة ماجذبني غير تعليق شَخص اسمه علي
علي :
صَدك سَويتها وتبَطلّ تريد
وتعوّف أيامنْا وتنساها كُلها
عوفَك مَن تَعبنْا ومِن الجروّح
تِعال أحلامنٌا باجُر شَكلها ؟
ذوالفقار راد علي :
‏هانَت عليكَ مَدامعي فهجَرتَني
وكسَرتَ قلبًا ما أحَبَّ سِواكا
وأنا الَّذي لولاكَ ما ذُقتُ الهَوىٰ
يومًا ، ولم أكُ عاشِقًا لولاكا.
علي : ما چذبت من سميتها مُعذبتي
ذوالفقار : فزة گلبي
طلعت من الفَيـس ودموعي ع خَدي ورحت گبل ع الواتساب  ، شفت منه رسالـتيّن فتحتهم   
ذوالفقار :يبت روحي مااتوقعت خُذلانج ، كسرتيني حيل  ، خذلتيني واني الچنت اتباها بيج ، ولج ليش مو معتبرج كُلشي! حابچ اكثر من اي شي ، تالي هيجي تجازيني ، عزيتّج حيل وذليتيني  ، عفتيني مربّط الايدين كُلشي مااكدر اسوي بعد ، ليش ليش يفزة گلبي  ، ابقى احبچ 
ذوالفقار :
شما رحت مني انتَ بيه
روحك وروحي وراها
الغصن شايل وردته
وهيه ناطيته گفاها
روحي قنينة عُطر
متروسة منك محتواها .