لـ : بُـن الريـامي
___________________________لتيـن تگـول :
الحـلـوة مـن الناس تعرفني عزيزكـ
________________________________________________لقاء /
وصلنا لبيت هديل وچانت منتظرتنا بالباب سلمنا وكعدنا
لقاء:شبيج هُدهُدي شو ضايجة
هديل :لا مابيه شي بس ضايجة لان محد موجود بس ذوالفقار
لقاء:ها لعد كُميل بالدوام ؟
هديل:طلعو هو وبيبي مدري وين.. غير انتِ خطيبته وتدرين بي!!
لقاء :هسه احنه نحير بالعروسة الجديدة سولفيلنا لج
سولفتلنا نور كُل السالفة ع گُولتهم من الطأطأ للسلام عليكم
وقار:يمة وصورج بعدها معلكة ؟
نور:هو هذا الشي الوحيد الضايجة منه لكم الله ليشوفكم اول ما شفت الغرفة ونبي انجلطت الا شوية منظر مُرعب كُلشهديل حاضنة اديها ومخليتها علي وجها وتحجي بفرح :اوووي شكد ححلو عفية حبيت البارت مال اسلم على مودج ، ونبي قصة مروان تصير مُسلسل
نور:خاب ولجن وعلي احبه كُلش
لقاء :هههههههه فدوة شكد حلوين ، صوري النا من يگول والعباس
نور:هو اذا راد يحلف.. يحلف بس بالعباس وبـ ابو الحسن من ورايه.. تدرون المفروض يخلوني على قناة كربلاء داعية اسلامية.. ولكم من ورايه خليت مسيحي يتعرف على الامام العباس (ع)
وقار :يي احنه ببختج
هديل :بالله شو خنشوف صورته
نور:اغار على خطيبي
لقاء :ههههههه دولي انتِ وخطيبج .. لعد شو خطيبي كُلجن شفتنه
نور :يلا لاتبجن يلا
طلعت فونه وشوفتنا صورته
وقار :اول مرة اشوف مسيحي اسمر
نور:يي وعلي ولجن لو ما ادري بي من جان صغير هو اجلح ولا اصدك بي بس شلونه مو يفلش
لقاء:ههههههه لا كُلش حلو والله
هديل :ولج يجنن يخبل ماعنده اخ گرايب العباس عليج
نور:عنده اخ .. اخو جبير متزوج اجنبية بس مرواني فديته مايحب الا بنات بلده يدعم المنتوج الوطني
هديل :خرا بحظي جا اريدلي واحد حتى اذا يهودي اهم شي حلو بلكي يدخل الاسلام ع مودي
نور: رجاءا لتغارين
بقينا نضحك ونسولف لحدما اجتي بيبي سلمت علينا بس مبينة ضايجة بحيث ماطولت كعدت شوية وعافتنا وراحت هديل لكُميل
شوية واجت صاحت بصوت عالي
هديل :كُميل يريدج بغرفته لقلق
نور تباوعلي وتغمز وتضحك
لقاء:انجبي نورسة
رحت اريد اعرف شكو طلعت من الاستقبال ولكيت ذوالفقار كاعد بالهول
ذوالفقار :هلا بمرة اخوية شلونج
ابتسمتله واتقربت يمه
لقاء:هلاو عيني شلونك
ذوالفقار :الحمدلله بس رجلج متعبني
لقاء:ههههه شبي وياك
ذوالفقار :عمي محد يكدرله بس انتِ
لقاء : ههههه خوش اذا عندك شي گول واني احاجي الك
ذوالفقار :هلا بالواسطة يابعد روحي
كُميل مد راسه من الدرج وصاحله :انجب ، تعاي لقاء احاجيج
ذوالفقار كام يغمز ويضحك:حاجيها كدامنا عادي اهل احنه
كُميل :انجب
رحت صعدت لكُميل طيارة واحس خدودي يريدون ينفجرون من الخجل
سحبني كُميل من ايدي ودخلني الغرفة وقفل الباب وحظني
كُميل :افيش يا لذة حياتي افيش ياحلوة ايامي
YOU ARE READING
لكل عراقي قصته
Romanceروايـة لأكثـر من بَطل يحكي عن قضيـة اجتماعية عاشها فماذا يفعل ياتُرى؟ وهل يكون الانتقام مُرضي؟ ماذا ستكون نهايـة الروايـة! ومانوع الحُب الذي سيُزينها! مُقتبسَة من أحداثٍ حقيقيـة