لكل عراقي قصته

العـاشـر |

لـ : بُـن الريـامي
                 __________________________

"فكن بقربي إن الروح هائمةٌ
‏رُغم الهموم إذا لاقتكَ تبتسمُ"
________________________________________________

هديل /

المغرب اجتي بيبي جايبتلي انواع الحجاب خطية وطايرة من الفرحة طلعت من النت وبديت اجرب لحدما صارت الصلاة كملت صلاة المغرب سمعت صوت الولد ونزلتلهَم بچادر الصلاة.. لگيت كُميل ديتوضى من السنك وذوالفقار لازم خيارة وياكل بيها ومنتچي ع الكاونتر شو هذا شافني وصفن.. يا شبي هذا
هديل :هلاو
ذوالفقار :وعليكم الهلاو يبعد كلمن كال هلاو
هديل:ها خوية سلامات
ذوالفقار :دباع الحَورية النزلت ولك كمكم باع باع

كُميل رفع عينه عليه وابتسم وكمل وضوء وضربه على راسه
كُميل :صل على محمد چلب لتحسدها.. وانتِ كم مرة كُتلج كولي السلام عليكم ثولة
هديل :وين چنتو
ذوالفقار :وين ماتردينا نصير بكيفج
هديل :عفية كُميل دحاجي
ذوالفقار :خايبة اني احب الحَلوات وانتِ واگفة بعيني لان اقاربي واختي الصغيرة واني مستحيل اخذ اقارب لو ع كص رگبتي والا چان صار غير حجي
هديل :ديلا ع اساس انتَ شلونك
كُميل :عوفي خيولي الحجية وين
دخلت بيبي
حسنة :هلا ومية هلا يبيبي شلونكم وين چنتو
كُميل :هلا بيج يمة.. اني اروح اصلي وهذا الدلالة يحجيلكم
راح صلى واحنه كعدنا ع الميز واجه ذوالفقار يمنا سولفلنا السالفة كُلها
حَسنة :الله يساعد گلبهم.. فقيّر باجر توديني الهم اخذ بخاطرهم
ذوالفقار :على كيفچ حَسون عرفة ولفة لو انطيني هديم اجيب عليم ، بس تسمعين بيها طلعة تركضين ماتصيحين مفاصل
حَسنة :انهيم بيت راسك يمدهور.. ماينلام ابو عون وليدي من سماك دلالة عمي صدك تحجي ماتسكت
كامت بيبي تكمل صلاتها وبقينا اني ويا
ذوالفقار :لج هديّشة بناتهم يخبلن وعلي شلون سمر يطكن بالكاع
هديل :ماشاءالله خطية عود هاي مكسورات وهيجي حلوات
ذوالفقار :ولج خوب هاي اختها مدري شتصير منها الوياها يبووو تكتل وعلي كد ما حلوة تشرك
هديل :انتَ اسوالفك كُلها مابيها خير خلي اكوم اكمل صلاتي ادعيلهم خطية
ذوالفقار :ادعيلي وياج
هديل :شدعيلك شو كلشي عندك ومرتاح ومايهمك شي
ذوالفقار ضحك ضحكة طويلة بحيث كح ودموعه نزلت
ذوالفقار :روحي كملي روحي
عفته وطلعت اهز ايدي

مُعتز /
كملت شغلي شفتها الساعة بـ 2 گلت اخذ باجي واروح للمستشفى.. هم ميقبلون واحد يزور هالوقت بس ميخالف اتأكد منها
وصلت للمستشفى شفت امير نايم كعدة ع الكرسي كدام الغرفة والحجية بالغرفة بس هم باقين لان وقار خابرتني گالت راح تاخذ اختها وترجع للبيت لان وراها امتحانات عاد عرفتها سادس
شفت الممرضة
مُعتز :تعاي خالي
شو هاي خافت واجتي تركض وترجف.. فديتك عويّز تخوّف الكل بس اصدقائك العفطية ميخافون منك
الممرضة:نعم سيدي
مُعتز :شخبار المريضة بهاي الغرفة
الممرضة :سيدي بس صحت وصيحت وخرمشت خدودها وانطيناها مُهدئ ونامت ولهسه مصاحية
مُعتز :ولشوكت تبقى هيجي
الممرضة :سيدي الظاهر عاشت صدمة فلما تخف صدمتها حسب كلام الدكتور ترجع