لكل عراقي قصته

الثامـن |

لـ : بُـن الريـامي
                   ____________________

كُميل يحجي على اهلـه يگول :
شوگت يندك علينا ويضحك الباب
ويترس بيتنا وصوتك يسرنا
وترد أنتَ ويجني الراحن وياك
وتجيبه وياك يالماخذ عمرنه!

لـ جبار رشيـد

*البارت اليـوم برعايـة هديل وطويّـل لعيونكُم ________________________________________________
ذوالفقار/
طول مايحجيلها كُميل هي دموعها ماوگفت ، اباوع لرجفة ايدها  ، رفعت ايدها خلتها على گلبها وضغطت حيل وعقجت وجهها  ، بدت مُحادثتهم
من هديل گالت : باباتي حسين ديراسلني
كُميل مباشرة دار عليها وخزرها وحجه بنتر :شنو يراسلج ليش محاظرته لهسه انتِ ؟شيكتبلج وشوكت راسلج اخر مرة
ذوالفقار :على كيفك خلي نفتهم لتصيح عليها.. كولي هديل شيراسلج
انطتي الموبايل بسرعة قريت الرسائل واخذه كُميل ومباشرة خابره
حسين :الو هديل
سُهيل :دنعل ابوك يا ساقط يا كلب يا ابن كلب اني مو گُلت تعوف هديل ليش تصير لزكة ليش تخليني انعل والديك 
هديل ترجف ووجها اصفر وتباوع عليه وتصيح شكو اني دنكت راسي
حسين :خوية افهمني وداعت امي احبها ليش تكسر خاطري بيها ليش تخليها بنفسي
كُميل : دتعال هنا لو احجي وياها بعد حتى اعرف شلون اطيح حظك.. اذا سمعت بيك بعد حاجي وياها يصير غير حجي
وسد الموبايل وشمره ع الجرباية
كُميل :وانتِ الثانية بعد ممنوع تحجين ويا
ذوالفقار :على كيفك هييي لتصيح عليها لاتنسى نفسك
هديل خلت ايدها ع وجها وكامت تبجي بصوت مسموع
كُميل استغفر بصوت عالي وراح عليها حضنها وهي حضنته وضلت تشهك
هديل:غ. غي.ر اريد اع.اعرف شكو
كُميل :بابا والله مايفيدج عوفي
هديل :ل. ليش
ذوالفقار :احجيلها كُميل احجيلها
باوعلي وباع ريك ، سكت شوية وحجالها  ، چانت ردة فعلها قوية حيل كعدت تبجي وتشهك وترجف وتطلم على وجها واستمرت حوالي ساعتين وهي بهالحالة لحدما نامت بحظن كُميل متدري بنفسها
حظن ايدها حيل وخلاها على حلكه وگال :اخخ اخخ عود گلت مااحجيلها هالشي اخاف عليها اخاف على نفسيتها بس من وره هالسگط حجيت والله اذا صار عليها شي الا ازوعه حليب امه
ذوالفقار :اول وتالي لازم تعرف
بقى كُميل يمها ويمسح على راسها لو كل شوية يبوس راسها عفتهم ونزلت خابرت على عويّز
مُعتز :ها هسه رايد اخابرك
ذوالفقار اتنهد:هديل عرفت بموت اهلها
مُعتز :لا صدك
ذوالفقار :والله
مُعتز :شسوت
ذوالفقار :بچت ودكت ولطمت على وجها وسوت كُلشي ونامت
مُعتز :اخخ كل من وره هالگ ** هسه استغفرالله بس من دون الناس حسين اتقدم لهديل غير صدفة خرة
ذوالفقار :ببجيها اتذكرت الحادث.. اتذكرت الخبر من اجانه.. اتذكرت سؤالها عليهم ووين هم ونكُلها سافرو للعراق وتلح على كُميل تريد ترجع للعراق اخخ لك حالها يكسر باب گلبي وعلي
مُعتز :لا حَول ولا قوة الا بالله.. ميخالف مصيرها تعرف.. انتَ شسويت بشغلك
ذوالفقار :هذني اليومين اخذتهن ريست مال نوم باجر اروح اكمل شغلي هنا
مُعتز :الله كريم.. ادز وقار لهديل
ذوالفقار :مادري والله بكيفك.. انتَ شوكت تداوم
مُعتز :خاب اسكت غير نزولي اسبوع عود السرسرية خابروني عكب باجر لازم اداوم دنعل ابوهم لابو خيرهم
ذوالفقار :انتم في خدمة الشعب
مُعتز :دنعل ابوي لابو الشعب
ذوالفقار :سلملي
مُعتز :هلاو
رحت كعدت يم الحجية اسولف وياها وشي اكيد سألتني على هديل وسولفتلها وهي الثانية شبعت بچي.. مدري شلون خلص هاليوم بس الي اعرفه خلص كله بجي وحزن.. رحت لفيت راسي ونمت بغرفة هديل وهي نامت يم كُميل
كعدت الصبح اخذت اوراقي ورحت للشركة اليشتغل بيها كُميل هنا بالعراق اكمل شغلي
هديل / مااصدك ياربي مااصدك والد حسين مسوي كل هذا باهلي ليش ياربي ليش هالاختبار الصعب من دون الناس تدز حسين بطريقي ونبي لو اموت مااتزوجه لو يبقى بس هو.. رغم هو ماله علاقة بس حسيت نفسي كرهته كعدت الصبح اول شي سويته اتصلت على حسين دك مرة مرتين ماكو رد بالثلاثة جاوب
حسين بصوت تعبان :الوو
هديل :ممنوع توصل النا فهمت كرهتك ونبي ولو تبقى اخر رجال بالكون مااقبل بيك
حسين :هديل اني شعلييه بابوي
هديل : شلون اتحمل اباوع بوجهك واني ادري بعمايل ابوك 
حسين :هديل والله مو بيدي لو اعرف اتبرى منه جان اتبريت بس مو بيدي
هديل :خلاص حسين لهنا وانتهى كُلشي قبل ليبتدي ارجوك ابتعد
حسين :صار ياحُب عمري صار يجرالج
سديته گبل وكعدت ابجي بالكاع ورجعت الطم على وجهي ياااااارب ليييش لييييش