لكل عراقي قصته

الثـالـث عَشـر |

لـ : بُـن الريـامي
______________________

"‏أيَا وَطَني وَيَا بَيْتِي
‏وَنَاصِيَتِي وَعِنْوَانِي
‏رَجَوْتُ بِقربِك العمرا
‏رَجَوتُ عمرنا الثّانِي
‏وَإنّ إِلَـٰهنا مَعْنَا
‏مُجيب دعوةَ الفَاني
‏رأيتُ بقربك السّعدا
‏رأيتُ نقاءُ أيّامي
‏أحبّك يَا مُنى قَلْبِي
‏وصَفْوَةُ عُمْرَ أحزاني"
________________________________________________

كُميل /

خابرت مُعتز واتفقت ويا يجيني عازمة على مطعم
مُعتز :شلونج حبيبتي
كُميل :اكعد وانجب خلي احجي وياك
مُعتز :شبيك چنك واحد محصور شبي وجهك.. شو خايف
كُميل :باوع
مُعتز :دحجي فضني.. بس اوكف خلي اطلب اكل خلي اقطك قبل لتغلس
اجه الكابتن ومُعتز يطلب واني على اعصابي اضرب على فخذي وهذا يباوعلي ويضحك عليه اول ماراح الكابتن كُلت
كُميل :احبها
مُعتز :ياهي ولك
كُميل :تاج راسك
مُعتز :لقاء
مِعتز وذوالفقار يعرفون لان اخر فترة هواي احجي بيها وعويّز هو الفر عقلي عليها
كُميل : يي
مُعتز :چا اني شعليه
كُميل :مااكدر اعترفلها
اتخصرلي وگال
مُعتز :ليش يُمة
كُميل :ماادري احس اني مو مال حُب ، مااثق بالناس
مُعتز :لا تصير گو** شو شتحجي لولو تسمع عمياوي وحتى ماتكرر كلامها وتصدكها.. وعلي من اول ماشفتك عرفتك حابها بس انتَ مُطي
كُميل :والله حابها حيل من شفتها مدري شصار بيه
مُعتز :راح اسألك سؤال معناها انتَ حابها لو لا
كُميل :شنو
مُعتز :شنو معنى كلمة كومة
كُميل :هههههههه ايا سخيف صوچي سمعتلك
مُعتز :خوية اتوكل وعلي
كُميل :ان شاء الله ، اوگف سليت هاي ببيش طالب ، شنو مفجوع؟
مُعتز :انجب خليني مستمتع مادام مو من جيبي

وقررت اول مااشوف لقاء اصارحها وشيصير خلي يصير

نور /
مرت ايام عادية ملل العطلة وشغل البيت الشي الحلو الصارلي هالفترة هَو مروان احسه مالي عليه يومي.. كاعدة وفززني صوت الموبايل صعدت لغرفتي وحاجيته
نور:الو
مروان :اخ شوكت اشبع من هالصوت اني شوكت

كُلما يحجي شي اخجل يرجفني كلامه بس بنفس الوقت احس بفرحة
نور:شلونك
مروان :يبعد راحة باله.. مادام اسمع صوتج اني بنص الخير.. نوارة باجر اسافر اني ارجع للندن

هو گال هيجي واحس الدموع وحدهي نزلت بس اريد اسيطر احجي ويا ماكو طلعت شهكة مني
مروان:هاي دتبجين.. شو نور اسمعيني جاي تبجين

زادت شهكاتي
مروان:دنعل ابو مروان لابو لندن شبيج لج كافي بجي
نور:ل. لي. ليش عودتني ع. عليك اذا تعوفني وتروح
مروان :لج هو منو عايفج.. بس اهدي كافي بجي لتخليني اجيج هَسه
نور:ليش رايح ، بطلت متريدني موو؟
مروان :منو المايريدج ، صدكيني شغل.. مو تعرفيني مُحامي وطول هالفترة جاي اشتغل منا ع القضية.. بس عكبة موعد الجلسة مااكدر مااروح.. مااطول شغلة شهر واني يمج
نور: لتطوّل فدوة .. وديربالك على نفسك
مروان :اخخ هنيالي على هذا الخوف.. هنيالي دموعج نازلة على مودي
سكت وجر حسرة وهمس : نور
نور:ها
مروان :حابج هواية نور عاشكج حيل
نور:مروان انتبه لشغلك زين.. وحاجيني مناك لتبقي بالي مشغول
مروان :صار
نور:حظرت اغراضك؟
مروان :ماعندي مرة تحظر غراضي
نور:مروان
مروان :ههههههههههه خلاص رايح احظرهم.. ديربالج ع نفسج نور عيوني
نور:محروس بعين الله بكُل خطوة تخطيها