لـ : بُـن الريـامي
____________________- نحنُ نصنعُ منهُم وحوشًا، أولئك الذين نُعطيهُم قيمةً أكثر مِما يستحقون. هذا النوع من الناس وحشٌ مُفترس، لا يرضى بشيء ولا يُقنعهُ شيء.
______________________√ هالـبارت والبارت الجاي مُهم لكُل بنية ، وخصوصاً الي تحب ع النت ، الي اطلبه منج ، واترجاج ترجي لتنخدعين ، ثقي وصدكيني ماكو حب ع النت ، حافظو ع نفسكم وعلى برائتكم وخلو كُلشي لوقته .
________________________________________________
وقار /ولادة البنوتة چانت بـ ٩ بالليل بقينا ننتظر لـ ٢ يلا اجَو ، اجـه ذوالفقار شايل البنية ومُعتز ساند لتين وكُميل يمشي وراهم مبتسم
استقبلنهم خالة وماما بالجُكليت والهلاهل
مُعتز :اش اش ولجن فضحتنا الناس نايمة
ذوالفقار :هسه عليمن الهلاهل هسه تطلع سودة عليهم
لتين ضحكت وتحجي بالگوة تعبانة
لتين:يُمة بنيتي شحلاتها تغار منها
مُعتز :خلي نشوف انتاجك ، خاف انوب تطلع بوخة
ذوالفقار :تعال نجرب
ام مُعتز :ولكم ساقطين مو البنات موجودات ماتستحون
ذوالفقار :حبيبة خالها هاي
مُعتز :ها شو خالها مسقّط
ذوالفقار :والله يخوي اني گلت لـ لتين بيوم عرسكم من هسه اعتبريني اخوج وكدها اني ان شاء الله ، اختي هاي
لتين:اروحلك فدوة اتشرف ونبي
مُعتز :طول عمرك سرسري ، وانتَ ابو عويّن
كُميل :هههههههه لا اني عمها
مُعتز :غصباً عليكم كلكم تگلكم عمو مو بس امير
امير :چا عود اني اريد اصير خالها بس مستحي منك
مُعتز :حتى اسمط ابوك
ذوالفقار :يلا يلا بس اني خالهاوچان رسيل الساكتة وتضحك تطكها چفصة كما تعودنا
رسيل:ذوالفقار يعني جهالي تصير خالهم بس انتگبل خليت ايدي على حلگها بدون وعي
ذوالفقار :هههههه چا يبستيها عليّ عود تكولين انت اخوي ، رحمَ الله والديج عمي اصير خالهم
مُعتز :چا واني
وخرت ايدي من حلكها وصاحت
رسيل:لا عود تصير انتَ عمهمامير طكها بضحكة قوية وعلى اثرها ضحكنا بس هاي ام الچفصات الفاهية تضحك وماتدري على شنو تضحك
كُميل :خلو ام روح ترتاح يلا
الكل صاح :روح؟
مُعتز :وكرص شبيكم
ذوالفقار :شوكت سميتوها
كُميل :غير من كملنا اوراقها
راح مُعتز اخذ لتين يصعدها وذوالفقار انطه البنية اليّ وراحو هو وكُميل وبقونا بصفنتنا
رسيل :بس تدرون مُميز
وقار :وحلو
ام لتين :منين لكاه هالاسم
ام مُعتز :دهر عويّز صاير مثغف ابو الوصخ
وقار :ههههههههه يوم هسه شنو دباعي روح عمتها شلونها
انتبهت على اسـم "روح" شكد حلو وشكد لايك على هالروح الصغيرة
بقينا ملتمين عليها ونسولف بهدوء خاف نكعدها لحدما نزّل مُعتز
مُعتز :ها ولكم
وقار :تجننننن
مُعتز : روح ابوها
رسيل :شمعنى روح
مُعتز :صراحة اني چنت رايد اسميها لَتين ، بس بوقت ولادتها راحت روحي وحسيت نفسي راح اموت فهمست بدُعاء :ربي طلعلي لَتين وهالروح البطنها ، فمن ولدت جابتها المُمرضة كبرت باذنها وقريت براسها
وهمستلها :هلا بروح ابوها ، حسيت هالاسم يلوك بس عليها
رسيل:يمة يمة حياااتي شحلاتكُم
مُعتز :ادبسز انتِ سهلة اني الج ، امشن اخذن روحي لامها تريدها
رسيل :ماتاخذها انتَ
مُعتز :مو شسمه اااا
ام مُعتز :ولك عويّز بس لا بعدك ماتعرف تشيل
مُعتز :ها لا اعرف
رسيل :هاك اخذها
عافنا وشرد رخت اخذت روح لاُمها واتجهت لغُرفتي لگيت رسالة من جِهاد
جِهاد :ها حبيبي شلونها مرة عويّز
وقار :الحمدُلله
دخلت على صورة البروفايل الي ع الواتساب.. چانت صورته لابس بيها زيّه العسكري وبأيده جِكارة ونظارته الشمسية طالع كُلش مرتب وحلو
YOU ARE READING
لكل عراقي قصته
Romanceروايـة لأكثـر من بَطل يحكي عن قضيـة اجتماعية عاشها فماذا يفعل ياتُرى؟ وهل يكون الانتقام مُرضي؟ ماذا ستكون نهايـة الروايـة! ومانوع الحُب الذي سيُزينها! مُقتبسَة من أحداثٍ حقيقيـة