لكل عراقي قصته

الثـاني والثـلاثيـن |

لـ : بُـن الريـامي
                   ____________________

لحد الان
احسك عايش بروحي
لحد الان
واحجي بصيغة الموجود
مو بالچان
ولحد الان ماناسيك
على گد المحبة يطوّل النسيان
شلون انسـه ؟

________________________________________________

لتين/

الحجية حسنة اخ بيبي بفترة قصيرة عرفتها وشكد حبيتها واحتوتني حنيتها.. راحّو الولد واخذو وياهم خالة ام نور وخالة ام مُعتز ومقبلو ياخذونا.. لقاء اتخربطّت وحارو بيها امير بس هو بقى يمنا واخذ وقار ويا حتى مروان وابو نور وابو لقاء راحو وياهم
.. هديل انتهت..
رحنا اني والبنات كفكفنا الاستقبال وكعدنا النسوان التجي بيها بقت يمنا ماما وهي تكوللنا شنسوي وبده الصريخ بقينا ندك ونلطم للعصر طلعّت لقاء اجه امير جايبها بس شصاير بيها صعدتها لغرفتها همست ببچي
لقاء :يعني راحت
لتين:الله يحبها ورحم بيها.. تريديها تبقى متعذبة تره مرضها خطير والله لو باقية اكثر چان اتعذبت بس الله يحبها
لقاء:چانت دائماً تكرر "هينة لينة" ومن چنت اسألها تجاوب اريد بموتي محد يتعذب بيه اريد الله ياخُذ روحي بدون عذاب الي والكم سهلة يعني
لتين:شفتي الله يرحمها ويغفر الها

زادت بالبجي لحدما نامت وايدها على بطنها
نزلت شفت البنات كاعدين داير مداير هديل ويحجون وياها وهي تدك وتلطم.. فرغ البيت لان باجر اول يوم الفاتحة وبقينا لليل بس احنه لحدما اجو الجّنازة ورجع البيت انگلب
دخل ذوالفقار للبيت ينعي ويبچي بصوت عالي

"يــاوسـفـه الكبر ضـم الحنينة
آيــس يــاكـلــب مــا تـرد لينة
الــوالــدة شـــالـــت من ادينة
بطل العتب خايب كلبي"
رد علي مُعتز بصوته الباكي
"جنت ارتاح من ادخل والاكيها
تفرح من اطب تترس صوانيها
وبهموم الگلب ياناس احاجيها
يالصوتج حنين ووين اسمعنه"

واستلمتنا خالة ام مُعتز دك ولطم وصوتها اليكسر باب الگلب واليجبرك تبچي
" ضــلــمــه يـــدار امــي شمالج
حــال الــهضــم والـضيــم حالج
راعيتج مشت كل بخت مالج
وين الكه الحبايب ضيعني
يمة يايمة
وحسنج  غاب بالفركه  ابتلينه
يكتل  حيل. يافكد  الحنينه
حزن كلبي احس صاير مدينه
صحت بصوت يمه  وماتجينه
ومثل موج البحر بعدج رسينه"
كعدو الشباب كلهم كدامها ويبچون مثل النسوان وذوالفقار يلطم على وجهه حتى عيونه نزفت دم وخالة ام معتز تنعي بصوتها كعدنا حواليهم وبچينا بصوت وعياط

بيبي حسنة تستاهل واحد يكطع نفسه عليها
للـ ١٢ كُميل صعد للغرفة وذوالفقار راح للغرفة اخذه مُعتز.. ومروان وامير وارغد فرشنالهم بالاستقبال.. الدكتور صباح اخذ خالة وراحو للبيت وراهم عمليات وعمو حكيم رجع للبيت گال الصبح يجي لان يريد يغير ملابسه مال دوام.. وفرشنا لخالاتي بغُرفة بيبي واحنه البنات صعدها هديل للغرفة نومناها وفرشنا اَلنا
سارة:نامو انتو راح ابقى جوه بالهول خاف احد يحتاج شي
رسيل :اني ابقى وياها نامو انتو
نزلو البنات واحنه نمنا والبنات كعدونّا ويه صلاة الصبح.. خطية شفناهم محظرين الجاي والاستكانات هُم وخالة ام نور وخلصت ايـام الفاتحة الثلاثة بين الشغل والبجي والحزن والتعب