لـ : بُـن الريـامي
____________________"فكن بقربي إن الروح هائمةٌ
رُغم الهموم إذا لاقتكَ تبتسمُ"
_______________________________________امير /
امير:محامي
سارة :ياعزا بعيني ، شمسوي ولك امير والله رسيل تتخبل
امير:خاب شبيج كلشي مامسوي
سارة :جا شعنده جاي
امير :مروان ونور موصيّن
شفت عيونها لمعت واتجمعن بيهه دموع
سارة :احم ، شموصين
امير:انطاني رقمه ، وگال جمّع العائلة واقره الوصية
سارة:الله كريم
امير :الوالدة وين ؟ شلونها ؟
سارة :والله نفسها يا امير ، كُلما واحد يحجي وياها تبجي وتكول اني السبب ولوما اني لا خسرت بنتي ولا زوجها وتگول حوبتكم كُلكم راح تطلع بيه
امير : امر الله هذا ، سلميلي عليها مستعجل اني غير مرة اشوفها
سارة :الله يسلمك
امير :في امان الله , اقفلي الباب زين
سارة : ان شاء الله ، الله وياك
عفتها ورجعت للبيت ، لاكتني لتين وروحنا
امير :ها ، هالفصعونة شوكت تكوم تحجي
لتين:حجت قبل شوية ، گالت اريد عمو يجيبلي علبة نوتيلا وجبس ليز حامض
امير :هي كالت ؟
لتين: يي يي ، مو ماما
هي باوعت لـ امها وضحكت
لتين :شوف خاف ماتصدكني
امير: مو خاف يأذيها الجبس وهي بعدها مطالعلها سنون ، يأذي اللثة
لتين:لالا معليك بنتي سباعية على عمها
يابه لتين شكد لوتية وحيالة ومستغلتنا كلنا باسم روح ، كُلما تريد شي وتگول بتكم سمعتها تريد فلان شي ، وكُلنا ندري جذب بس مادام باسم روح نركضلها ، تتدلل طبعا اول حفيد وتأمرنا امر
امير :زين ام روحنا ماتريد شي
لتين :لالا تعرفني مااطلب اني ، اريد سلامتك
امير:يي يي ادري ، الله يسلمج
اخذت سويجي مال سيارة ورحت اشتريلهاسارة /
مر خمس ايام على جيـة المُحامي ، فقرروا بابا وامير تصير الجمعة اليوم العصر ، اجوي كُلها ، مُعتز وامير وعائلتهم وعائلة لتين ، وكُميل وعائلته ، وحتى رحمة وزوجها اجوي بطلب من بابا ، اني وهديل ورسيل الي نضيّف الناس ، ورة شوية اجه المُحامي ودخلو ناس وياه اني مااعرفهم بس سمعت بابا كال لماما اجوي ايوب وعائلته ، عرفت ذولي اهل مروان ، وحتى زوجة ابنهم الاجنبة جايه وياهملقاء /
دخلو اهل مروان واحنا وگفنا من باب الاحترام هم كعدو يم المُحامي ، عيني وكعت على زوجة ابنهم الاجنبية وشلون تباوع علينا ، اني والبنات كاعدات سرة واحد والشباب كاعدين سرة واحد ، وهاي البنية كعدت يم كُميل ، اباوع لكُميل متدني كُلش يم ذوالفقار رغُم هو ميريد يكعد يمه بس مجبور حتى ميطخ بيها وهاي ماخذه راحتها وذوالفقار مكيّف بقرب كُميل علي وفرحان
اجوي البنات وضيفو الكُل ، بس انتبهت نظرات اخو مروان لـ لتين وشلون يباوعلها من جوة لجوة ، وهاي العوبة ملتهية ببتها ، خفت لـ مُعتز ينتبه ويخبص الدنيا عليها
من بين اسوالفنا الجانبية بيناتنا ، حمحم المُحامي
:يابه مادام الكُل كاعد ، ومجتمعين على خير وبركة ، طبعاً بوصية المرحومين ، نبدي بخير ؟
حكيم :اخذ راحتك وليدي
:يا الله ، هي مثل الرسائل حجاجنا ، نبدي برسالة مروان
KAMU SEDANG MEMBACA
لكل عراقي قصته
Romansaروايـة لأكثـر من بَطل يحكي عن قضيـة اجتماعية عاشها فماذا يفعل ياتُرى؟ وهل يكون الانتقام مُرضي؟ ماذا ستكون نهايـة الروايـة! ومانوع الحُب الذي سيُزينها! مُقتبسَة من أحداثٍ حقيقيـة