لكل عراقي قصته

الثـاني والعَـشريـن |

لـ : بُـن الريـامي
                   ______________________

وفي صبحٍ وقفت أمام مرآتي
وقد بانت على ملامحي إنتصاراتي
أرى شخصًا على المرآة يعشقني
وما أعظم عشق الذات للذاتِ.

                   _______________________

تنبيـه // لتخلـون اي مَشـاهـد رومنسيـة تأثـر عليـكم حبايبي  ، بريئـة من اي ذنب  
________________________________________________

مروان /
صعدت بالسيارة لگيت نور صاعدة قبلي وبحظنها ابن اختها دنفش ع گُولتها يابه شكد حلو وباقية تبوّس بي وتلعب ويا وهو يضحك همستلها
مروان :مو كافي بوّس
كامت تحاجي دنفش وتضحك
نور:ولك خالة باوع لخالو يغار منك شوفه مو عيب
مروان :يي واني اتحسر ع البوسة

وهذا الملعون عبالك متعمد يحرّك بگلبي لزم وجهها باثنين ايدي ويبوسها بكُل وجها ويصيح "اح" راد يوصل للشفة وخليت ايدي عليها
مروان:هاي مُمتلكاتي مااقبل
نور:ههههههههههه صدُك تحجي
صرت اعصاب
مروان :يي احجي صدُك
نور:ههههههه ولج يمة متتت مخلي عقلك ويه جاهل
مروان :ميخالف حتى الجاهل اله حدود ، باوع حبيبي خالتك تصير مرتي واني انسان يغار عليها من نسمة الهوه التضرب وجهه فديربالك

شو هذا صافن بوجهي من كملت طكاها بضحكة وضحك بصوت عالي ونور مكيّفة علي وتضحك ويا بصوت
نور: ولك يُمة تروحلك فدوة خالتك تروح فدوة لكروشاتك
مروان :انطينياه
نور:شتسويله
مروان :كُلشي مااسويله بس اشمره من السيارة
نور:يا عزا
مروان :لا والله اكعده بحظني هذا مو امان
نور:ولج يمة متتتتت

اخذته وخليته بحظني وهذا بقه يبوّس بيه
مروان:هذا يحب يبوس لعد ماطلعتي علي ؟
نور:انتَ كُلشي واربطني بي
مروان :حبيبي تأثير اهله علي خطير صاير خبرة ، وهاي منو معلمه ع الـ اح؟
نور:هههههههههههه انييي
مروان :شو بالله سويلي اح
اتقربت مني ونزلت باست دنفش وعينها عليه وسوت اح
مروان :وعلي وصلت حدها
باوعت ع امير بعده هنـاك غمضت عيون دنفش
بأيد وايد جريت راسها وبستها موخرت لحدما اختنكت ردت ابوسها مرة ثانية وهذا كام صيح دفعتني واخذته من حظني
نور:حبيبي حبيب خالتك اخ شكد احبك ولك

درت وجهي ع الجامة واختنكت وهي بدت تتحارش لو تطخني برگبتي لو تلزم ايدي عود بدون قصد لو تحجي ويه دنفش وتگوله "خالو زعّل حبيبي شلون بيـه شلون اتحمل".. واني مستمر وجهي ع الجامة
صعدت رسيل وامير مدري شصعد بالجنطة وصعد
امير:اخ اخ هذا الحلو منو
نور تحجي بمكان دنفش
نور:اني اسمي آدم ويصحولي دنفش
امير:اروح فدوة لهالحلو
رسيل:ولك دنافش مشتاقتلك اني شو متجيني

هذا گام يباوع عليها ويضحك وهي مدتله ايدها وراح كعد بحظنها.. امير طلّع اغاني وهي ترّكص بي عاد اجت نور وهمست بأذني
نور:هسه صار دور ابني الثاني.. زين اني احبك حتبقى ضايج مني؟
مروان:دنفش متلزمي بعد
نور:طلكني
مروان:جذب الزمي
لزمت ايدها ورحنا