قِتاَم

كَذب.

ادم: "دبرت فلوس عمليتها؟"

غيث: "هيه شكد عمليتها؟"

ادم: "هيه مليونين و800 اللف دبرت ال800 بقت المليونين"

غيث: "دبرت مليون"

تَشكلت ملامحُ الصدمهِ باعين الاخر ليردفُ بنبره يعلبها الشك

ادم: "منيلك؟"

حكَ رأسه غيث بينما يبلعُ لقُمته بصعوبهٍ محاولُ تلفيق اي كذبهَ

غيث: "اا.. ج.جنت مسوي.. سلفه حتى اشتري موبايل لآسر بمناسبه نجاحه من ثالث بس هه.. صار يلي صار"

علي: "فديتك يا حنين يختي"

تنهدَ ماسح جبهتهُ بقله صبر من حالهم الميؤس ناضر لاخيه الذي دخل لمطبخ بيده كتاب يقرء لاختباراته بينما ينضر لهم بتركيز على نقاشهم
علي: "هسه باقي مليون لعمليتها "

آسر: "لتباوعلي تره حتى حاسبتي بعتها مباقي غير ابيع كليتي"

علي: "من حُورك علساس"

كأي يومٍ عادي..
لا يَخلو من شِجارهما المعتادُ..
بينما ينضرُ لهم الاشقر بقله صَبر متمني من الربُ ان يصمتوا..

"اني عندي حل"

آسر: "نعم يا انسه يسرى؟"

ضربتهُ بقوى بمِلعقه الخشبيهَ لطهي ليحكَ فروه رأسه بالم وتذمر منها..
لا تطيقُ المزاح هذه الانسه..

يسرى: "انجب اولا ثانيا ححاول اداين ثالثاً من ويلك غيث حتى تسوي سلفه؟"

آسر: "لعد وين الرابعن منتضرها"

ضربهَ اخرى على رأسه..

______

اسامه: "هلكدوته بكد زري خطفهن من جيبي وشرد وانوب كب عندي الربو من الركض والتربان وفلت.. راتب صارلي شهر انتضره بلعه الحرامي ابن الحرامي"

كان يصرخُ بانفعال بينما يشرحُ الموقفَ لضابط الذي اقسَم بان اذنه تنزف من صوت صديقهِ...

كانا بسياره بينما الضابط يسوقَ بسرعه محاول الوصولَ لبيته او لأي بقعه لفرار من صديقهِ الصارخ..

حازم: "زين بشرفك راتب تحطه بجيبك وسوك شعبي؟ شكد عندك ثقه بناس"

اسامه: "شمدريني انباك؟ انوب ردت اطلع اتونس بهل راتب جان ينباك لازم ارجع انتضر"